Thread by @skpkaruna

வரி விதிப்பின் அடிப்படை குறித்த ஒரு திரி இது.,
வரிகளின் (Taxation) வகைகள்.,
சொத்து வரி : இது உள்ளாட்சிக்கு சொத்து வைத்திருப்பவர்கள் செலுத்த வேண்டிய வரி.
வாகன வரி : வாகனங்கள் சாலையைப் பயன்படுத்த செலுத்த வேண்டிய வரி.
எக்சைஸ் வரி : ஏற்றுமதி, இறக்குமதியாளர்கள் செலுத்தும் வரி.

வருமான வரி : தனிநபர், நிறுவனங்களின் ஆண்டு வருமானத்துக்கான வரி.,
கலால் வரி : மதுபான உற்பத்தி, வியாபாரத்துக்கான வரி.
ஜி.எஸ்.டி : இது பொருட்களின் உற்பத்தி, விற்பனை, சர்வீஸ்களுக்கான வரி.,
இவை போக professional tax, capital gain tax, gift tax, entertainment tax, library tax, நில வரி,

ஆயத்தீர்வை வரி, என நம்மைச் சுற்றி வரிக் குதிரைகள் போல வரிகள் பின்னிப் பிணைக்கப்பட்டுள்ளது. (பிச்சைக்காரர்கள் மட்டும்தான் இதுவரை எஸ்கேப் ஆனவர்கள். விரைவில் அவர்களையும் நிர்மலா மேடம் வரி வலைக்குள் கொண்டு வருவார் என நம்புவோம்.)
சரி! இன்றைக்கு சூப்பர் ஸ்டார் விலக்கு கேட்ட

சொத்துவரி குறித்து பார்ப்போம். சொத்துவரி எதற்காக? நமது அசையா சொத்து வீடாகவோ, கடையாகவோ, தியேட்டர், மண்டபம், கல்வி நிறுவனங்களாக அமைந்திருக்கும் உள்ளாட்சி / நகராட்சி / மாநகராட்சிகளுக்கு உரிமையாளர்கள் செலுத்தும் சொத்து வரி மூலம்தான் அந்தப் பகுதியில் சாலை, மின்விளக்கு, குடிநீர்,

கழிவுநீர் வடிகால் வசதிகள் செய்யப்படும்.
ஊரடங்கின் போது 6 மாத காலம் எந்த டூரிஸ்ட் வாகனங்களும், பேருந்து, லாரிகளும் சாலையில் ஓட அனுமதிக்கப்படவில்லை. ஆனாலும் ஆயிரக்கணக்கான டூரிஸ்ட் கார் உரிமையாளர்களிடம் இருந்து ஓடாத வாகனங்களுக்கு கூட சாலை வரி , இன்சூரன்ஸ் வசூலிக்கப்பட்டது.

மூடி வைக்கப்பட்டிருந்த திருமண மண்டபத்துக்கு சொத்து வரி எப்படி கட்ட முடியும் சூப்பர் ஸ்டார் கேட்டார். மூடியிருந்தாலும் அதற்கான சாலை, மின் விளக்கு, குடிநீர், கழிவுநீர் வசதிகளை நாங்கள் துண்டிக்க வில்லையே என்றுதான் அரசு பதில் அளிக்கும்.
சாலையில் ஓடாத (ஓட அனுமதிக்கப்படாத) வண்டிகளுக்கு

வரி வசூலிக்கும் அரசாங்கம் வேறென்ன சொல்லும்!
ஆயிரக்கணக்கான single owners பயன்படுத்தாத காலத்துக்கு சாலைவரி விலக்கு கேட்டது உரிமை. திருமண மண்டப உரிமையாளரான ரஜினி கேட்டது சலுகை.
உரிமை வேற! சலுகை வேற! ரஜினியின் ஆலோசகர்களுக்கு இது புரியலை. பல ஆயிரம் மக்கள் பேரிடர் காலத்திலும் கூட

அரசுக்கான வரியை செலுத்தும்போது, முன்னுதாரணமாக இருக்க வேண்டிய நாம் வரிவிலக்கு கோருவது எந்த மாதிரியான எதிர்வினையை உருவாக்கும் என ரஜினியாவது சிந்தித்திருக்க வேண்டும்! தனக்காக மட்டுமன்றி, அனைவருக்கும்,அனைத்து வரிகளில் இருந்தும் விலக்கு கேட்டிருந்தால் மரியாதை காப்பாற்றப்பட்டிருக்கும்.

இப்போதும் தனது கோரிக்கையில் நியாயம் இருப்பதாக சூப்பர் ஸ்டார் கருதினால், பேரிடர் காலத்துக்கான அனைத்து வரிகளையும் தள்ளுபடி செய்ய வேண்டும் என முதல்வரிடம் வலியுறுத்த வேண்டும். அரசு தள்ளுபடி செய்யவில்லை எனில் வெற்றிடத்தை நிரப்பும்போது, வரிகளும் தள்ளுபடி ஆகும் என உறுதி அளிக்க வேண்டும்.