Thread by @drmlalukoMD

TATIZO LA MOYO KUSHINDWA KUFANYA KAZI VIZURI (HEART FAILURE).
Moyo ni kiungo muhimu ktk mwili kinachotumika kusambaza/kupokea damu sehemu mbalimbali mwilini (mapafu, ubongo, figo, matumbo n.k). Hivyo, moyo kushindwa kufanya kazi hupelekea mwili kukosa hewa na chakula.
#Thread

SABABU ZINAZOWEZA KUPELEKEA MOYO KUSHINDWA KAZI.
1. Shinikizo la damu lisilothibitiwa barabara
2. Magonjwa ya moyo ya kuzaliwa nayo (congenital)
3. Magonjwa ya mishipa ya moyo (coronary artery d'se/ischemic heart d'se)
4. Magonjwa ya tezi shingo (thyroid dysfunction) n.k

WATU WALIO KTK HATARI YA KUPATA TATIZO HILO NI;
1. Wenye shinikizo la damu
2. Kisukari
3. Wenye uzito mkubwa (obesity)
4. Watumiaji wa pombe na sigara
5. Wenye historia ya matatizo ya moyo kwenye familia yao n.k

DALILI ZA MOYO KUSHINDWA KUFANYA KAZI;
1. Kupata shida ya kupumua wakati wa kufanya kazi
2. Kukosa hewa akilala chali
3. Kukohoa hasa usiku
4. Kushtuka usiku kutokana na kukosa hewa
5. Kuvimba mwili kwa kuanzia miguuni
6. Moyo kutanuka (cardiomegally)
7. Ini kukua (hepatomegaly)

MAMBO YA KUEPUKA KWA MGONJWA WA MOYO KUSHINDWA KAZI;
1. Epuka kunywa pombe
2. Epuka kula vyakula vyenye mafuta mafuta
3. Epuka kula nyama nyekundu
4. Epuka unywaji wa maji mengi
5. Epuka matumizi ya chumvi nyingi/chumvi ya kuongeza
6. Tumia dawa ulizopewa hospitali kikamilifu

Ukipata tatizo lolote linalofanana na hili. Fika hospitali iliyo karibu na wewe mara moja.

Imeandaliwa na;
@jukwaalaafya na @drmlalukoMD

@threadreaderapp compile it