Thread by @WaghamareVikas

संघटना ही कार्यकर्त्यांच्याच जीवावर असते हे खरंय. संघटना आपल्यासाठी असतेच. पण आपल्याशिवाय संघटनाच नाही किंवा आपणच म्हणजे संघटना असं कधीच होत नाही. "प्रत्येक जण महत्वाचा पण अपरिहार्य कुणी नाही" हे आम्हाला अभाविपमध्ये शिकवलं, हे फक्त तेव्हाच काम करताना उपयोगाला आलं असं नाही तर+

आजन्म ज्या ज्या क्षेत्रात आपण जातो त्या त्या ठिकाणी कायम उपयोगाला येतं.काल भाजपाचे जेष्ठ नेते एकनाथ खडसे यांनी भाजपाला रामराम केल्यावर अनेकांनी अनेक प्रश्न आणि शंका उपस्थित केल्या.काही तर असंही म्हणाले की "भाजपाला गळती लागली, भाजपा संपण्याच्या मार्गावर आहे, भाजपचा अंत जवळ आलाय."+

पण त्यांना मुळात कार्यपद्धती माहिती नाही, संघटनेचं "तत्व" माहिती नाही.

नाथाभाऊ जेष्ठ आहेत, आदरणीय आहेत, अनुभवी आहेत, त्यांनी पक्षासाठी मेहनत घेतलीय, पक्षाला समाज मान्यता मिळवून देण्यासाठी अपार कष्ट केले, बिकट परिस्थितीत पक्ष सामान्य माणसांच्या घरापर्यंत नेला हे भाजपाचा शेवटचा+

कार्यकर्ता किंवा हितचिंतक कधीच आणि कुणीही आजही नाकारत नाही. नाथा भाऊ म्हणतात की, "ज्या काळात शेण फेकलं, अंगावर थुंकलं, लोकांनी मारलं, वाळीत टाकलं त्या काळात आपण भाजपाचा झेंडा जनमानसात रुजवला. म्हणजे गेली 40 वर्षे अव्याहतपणे भाजपाचा जयजयकार केला." हेसुद्धा माझ्यासारख्या सामान्य+

कार्यकर्त्याला मान्य आहे. पण नाथाभाऊंनी ज्या पक्षाचे 40 वर्षे काम केले त्या पक्षाने आपल्याला काय काय दिलं?आणि जे दिलं ते समाधानकारक नाही का? लोकांनी दिलेला त्रास ज्या पद्धतीने नव्या पिढीला सांगता, समाजमाध्यमात सांगता त्याच पद्धतीने, त्याच आविर्भावात पक्षाने दिलेली जबाबदारी, पदे,+

मोठेपणा आणि सर्व प्रकारची ताकद का सांगत नाहीत हे कळायलाच मार्ग नाही!
मीच मोठा, त्या पदावर फक्त मीच, दुसऱ्यांपेक्षा मीच महत्वाचा हा भाव कधी कधी आपल्याला हानिकारक ठरतो आणि तो नाथाभाऊंना ठरला. न्याय हा फक्त भाजपातच मिळू शकतो हे मी उदाहरणांसह पटवून देऊ शकतो, भाजपा हा केवळ पक्ष नाही+

तर परिवार आहे.

विधानसभा निवडणुका रणधुमाळी सुरू झाली, महाराष्ट्रावर अनेकांच्या नजरा होत्या, भाजपा - सेना युती झाली आणि जागावाटप सुरू झालं, भाजपाने आपल्या उमेदवारांच्या याद्या जाहीर केल्या, अनेक दिग्गज नेते, ज्यांच्या कोअर टीममध्ये पूर्वी महाराष्ट्र भाजपने निवडणुका लढल्या होत्या,+

नेते म्हणून महाराष्ट्रभर फिरले होते, देवेंद्रजींच्या मंत्रिमंडळात महत्वाच्या आणि पहिल्या 5-6 क्रमांकाच्या वजनदार मंत्री म्हणून काम केलं होतं अशांना उमेदवारी मिळाली नाही, अगदी शेवटच्या यादीपर्यंत उमेदवारी मिळाली नाही, मात्र कोणतीही तक्रार न करता, शांतपणे निवडणुका पार पाडल्या,+

पक्षाने आपल्या जागी बदलून दिलेला उमेदवार तन, मन, धन अर्पून पराकाष्ठेने निवडुन आणला. पक्षाने घेतलेला निर्णय योग्य असेल, माझ्याबाबतीत काहीतरी विचार केला असेल असं समजून कार्यरत राहिले आणि भारतीय जनता पार्टीने ज्या नेत्याला दावेदार असताना, निवडून येण्याची गॅरंटी असतानाही विधानसभेचं+

तिकीट दिलं नाही, त्या नेत्याला तब्बल एक वर्षाने भारतीय जनता पार्टीचा "राष्ट्रीय सचिव" केलं. त्या नेत्याचं नाव विनोदजी तावडे आहे. अशी अनेक उदाहरणं आहेत भाजपात, नेत्याला वाटत असेल की आपल्यावर अन्याय झाला, असूही शकते मात्र न्याय देण्याची भूमिका ही केवळ भाजपातच आहे.

नाथा भाऊंच्या+

पक्षातून जाण्यानं नुकसान झालं वगैरे ठीक आहे, पण एखाद्या नेत्याला जर भरभरून देऊनही अन्याय वाटत असेल तर विचार पक्षाने नाही त्यांना मानणाऱ्या कार्यकर्त्यांनी जरूर करायला हवा. दूध संघ, जिल्हा मध्यवर्ती बँक, सूत गिरणी, महामंडळ, आमदार, विरोधी पक्षनेते, कॅबिनेट मंत्री, खासदार असं सगळं+

भरभरून दिलं, आणि कायम दिलं. एकट्यालाच नाही तर घरातील 4-5 सदस्याला दिलं. म्हणजे पदं घरात कायम पाणी भरत ठेवली. तरीही अन्याय झाला!
"समय बडा पहेलवान होता हैं, यानुसार पूर्वीचा काळ वेगळा होता, आता वेगळा आहे. नेतृत्व बदलते, कामाची पद्धत थोडी वेगळी असेल. पण कार्य पद्धती आणि तत्व कधीच+

बदलत नाही. ज्या माणसाचं नातं तत्वाशी असतं ती माणसंही कधी बदलत नाही, दूर जात नाहीत, अन्याय झाला म्हणून घर सोडून बाहेर पडत नाहीत.

नाथा भाऊंच्या जाण्यानं मला वाईट वाटलं नाही, कारण गेल्या 2-3 वर्षांपासून केवळ भाजपच्या सर्वमान्य नेतृत्वावर कायम पक्षात राहूनच टीका करणारे, विरोध+

करणारे नेते पक्षात काय कामाचे? त्यापेक्षा सरळ विरोधात गेलेले कधीही चांगलेच आहे. अवघ्या महाराष्ट्राने ज्यांच्यावर विश्वास दाखवला त्या देवेंद्रजी फडणवीस यांच्यावर आरोप करणाऱ्या एकनाथ खडसेंनी आता आवरते घेऊन जाणाऱ्या नवीन पक्षात हिरहिरीने काम करावं. आपला असलेला आदरभाव असाच जपावा,+

नाहीतर सतत आरोप आणि टीका करत रहाल तर आपल्याबद्दलची उरली सुरली आत्मीयता, आदरभाव आमच्या मनातून गमावून बसाल. आयुष्यभर ज्यांच्या विरोधात आवाज उठवला त्यांच्या पाया पडणारे नाथाभाऊ पाहून जरूर वाईट वाटलं, पण जे नाथाभाऊंनी स्वीकारलंच आहे त्याला आपण करी काय करणार!

नाथाभाऊंच्या सून आणि+

भाजपाच्या खासदार रक्षाताई खडसे भाजपातच असतील असं नाथाभाऊ म्हणतात मात्र मुलगी रोहिणीताई खडसे या त्यांच्यासोबत राष्ट्रवादीत जात आहेत. म्हणजे ही निष्ठा नाही, पद जाण्याची भीती आहे म्हणून हे सगळं चाललंय. निष्ठा असती तर एकसंघ खडसे परिवार भाजपच्या सोबत असला असता. मुलीला भाजपाने तिकीट+

दिलं, आता पराभव झाल्याच्या नंतर तुम्ही पाडल्याचा आरोप करणार, निवडून आल्या असत्या तर पक्ष बदलला असता का? हा संशोधनाचा विषय आहे.
नाथाभाऊंवर अन्याय एवढाच झाला की वर्षानुवर्षे पदाच्या गराड्यात राहिल्यानंतर आता पद नसणे याची त्यांना अस्वस्थता वाटत असावी, सगळं मलाच हवं हा भाव त्यांना+

सत्तेकडे ओढत आहे. पक्षांतराकडे ओढत आहे. केवळ बदनामीसाठी एक नाव हवं होतं, ते नाव देवेंद्रजींचं घेतलं. पण असो. तुमच्या एका विरोधात जाण्यानं देवेंद्रजींचे काय वाईट होईल!

असो, नाथाभाऊंच्या निर्णयाला खूप शुभेच्छा! त्यांच्या जागी भाजपात नवं नेतृत्व येईल, जागा खाली केल्याबद्दल आभारच,+

कारण त्या ठिकाणी एका नवीनला संधी उपलब्ध होईल. नाथाभाऊंचा निर्णय बरोबर की चुकीचा याचं उत्तर येणारा काळ देईल, कारण समय बडा पहेलवान हैं....☺☺

पटलं तर शेअर करा.🙏

- विकास विठोबा वाघमारे