Thread by @zahida_rahim

اقبال، قومی شاعر یا زبردستی کا ھیرو؟
جناب رفیع رضاکاسراقبال کی ذاتی زندگی شاعری ،افکار و نظریات سیاسی جدوجہداورقیام پاکستان میں کردار پرایک تحقیقی و تفصیلی مضمون "اقبال، قومی شاعریازبردستی کاھیرو؟"کے عنوان سےنظرسےگزرا۔مضمون میں سراقبال سےمتعلق وہ تمام حقائق موجود ہیں

جنھیں عقیدت اور مخصوص مقاصد کی تکمیل کےخاطرہمیشہ پاکستانیوں سےدانستہ چھپایا گیا۔
حقیقی اقبال شناسی کےلئیے اس مضمون کو جناب رفیع رضا سے خصوصی شکریہ کے ساتھ شئیر کرنےکی جسارت کرناچاپتی ہوں۔مضمون کی طوالت کی وجہ سے اسےسلسلہ وار شئیر کروں گی۔

اقبال،قومی شاعریازبردستی کا ھیرو؟؟؟
سراقبال،جنہیں پاکستان میں علامہ اقبال کہاجاتاھے،انکی شاعری اوران کےنثری خیالات کے حوالےسےپاکستان میں کافی گفتگوھوتی ھے،اور اس گفتگوکو جاری رکھنےکےلئےاقبال اکیڈمی کا قیام حکومت عمل میں لائی،
اقبال اکیڈمی نےحکومت کی منشا اورارادےکےتحت

اقبال کےحالاتِ زندگی، شاعری اورنثری بیانات وتقاریرکی روشنی میں سرمحمداقبال(علامہ اقبال)کی کُل شخصیت کے خدوخال ایسےبنائےیابنانےکےلئے معاون معلومات،واقعات و تحاریرکوپیش کیاجن کےذریعےسر اقبال ایک نہایت متقی،مومن، بزرگ،دانشمند،فلسفی،شاعر، ادیب،انقلابی اورجینیوئن ھیرو ثابت ھوسکیں

جہاں جہاں ایسے واقعات،تحاریر، شاعری،نثریات و شواھدات مِلیں جواوپربیان کردہ تخلصات و تعاریف کےمخالف مواد ملےاُسے
یاتو چھپادیاجائےیاتبدیل کیاجائے یااُسکےخلاف بظاھردانشمند لکھاریوں سےکچھ کہلوایاجائے تاکہ ایک قومی یاریاستی ھیرو کے تصوراتی خاکےمیں کوئی کجی یا کمی نہ معلوم ھو۔

اس ارادی سہوِنظرنےایسےموادکو نظراندازکرنےاورکروانےکاحق ایسا اداکیاکہ بیچارےسرمحمداقبال کو علامہ اقبال رحمہ اللہ بناکرپیش کرنےمیں مکمل کامیابی ھوئی۔
نوجوان توکیا60سال تک کےپیٹے کےلوگ بھی اس گمراھی میں صراطِ مستقیم ڈھونڈنےکی کوشش میں مگن رھے۔
مثلاًمندرجہ ذیل پیراگراف کا نتیجہ

ایک مکمل دلیل ھےلیکن یہ اقبال اکیڈمی کےڈسےمعصوم لوگوں کے اُس خیال یاعقیدےکوتوڑپھوڑدے گاجوانہیں زبردستی فوجی مزاج لوگوں کارٹایاھواھے۔
"صوبےکےقیام کامقصداقبال کے نزدیک یہ ہےکہ اس طرح اس دستوری ڈیڈ لاک سےنکلنےکا راستہ نکل آئےگا۔چنانچہ کہتے ہیں: ”صوبوں کی مناسب تقسیم سے۔۔۔۔

مخلوط اورجداگانہ انتخاب کا مسئلہ ہندوستان کےآئین کےبارے میں نزاع کوخودبخودختم کردے گا۔اس نزاع کاباعث بڑی حدتک صوبوں کی موجودہ تقسیم ہے۔۔ اگر صوبوں کی تقسیم اس طور پرہوجائےکہ ہرصوبےمیں کم و بیش ایسےگروہ بستے ہوں جن میں لسانی،نسلی،تمدنی،اورمذہبی اتحادپایاجاتاہوتومسلمانوں کو

علاقہ وارانہ انتخاب پرکوئی اعتراض نہیں ہوگا“۔
اس بات سےاقبالیات کےبڑےبڑے ماہرین کےاس دعوی کی تردیدہو جاتی ہےکہ اقبال زندگی کےکسی بھی مرحلےپرجداگانہ انتخاب سے دست برداری پرآمادہ نہیں ہوئے تھے۔اقبال کی اس بات سے یہ نتیجہ اخذ کرنےمیں کوئی چیز مانع نہیں کہ جداگانہ انتخاب مذہبی

نہیں سیاسی مسلہ تھا۔"
جہاں کہیں کسی حق گونے سچائی کارستہ پکڑا اور مظلوم سراقبال کوایک مجبورانسان کی صورت میں پیش کیااورانکے ذاتی و خانگی و شعری و فلسفیانہ خیالات کی اصل ماخذات کی جانب توجہ دلائی وھاں وُہ حق گولکھاری و تحقیق کار، کافر، غدار،حاسد،کہلائے۔۔
جبکہ سر اقبال ایک

ایک نہایت اعلی درجےکے شاعر، ترجمہ کار شاعر، ترجمہ کار فلسفی ، جسمانی و شہوانی حسن سے مرعوب ، مالی غربت و وقتی فوائد کے متلاشی ھماری ھی طرح کے انسان تھے۔ جن کی شخصیت و شاعری میں ھندوستان کے غریب الوطن و غریب الذھن لوگوں نے خیالی عافیت و تلذّذ پایا

عوام الناس، جنکےلئےقرآن میں بھی ایک الگ گروپ یاکیٹیگری بنائی گئی ھے۔۔ یعنی کہیں ایمان لانےوالوں سےخطاب ھےتو کہیں، مومنوں سےتو کہیں کُل عوام الناس سےخطاب کی آیات ھیں۔ تاکہ عوام کے بارے میں یہ حقیقت سمجھ آتی رھےکہ عوام الناس ھمیشہ بھیڑچال کی طرح چال چلتےھیں یعنی بےتحقیق جس جانب

مجمع چلےاس جانب چل پڑتے ھیں بالکل اسی طرح پاکستانی ریاست میں پچھلےستّرسالوں میں اقبال کےبارےاس عوام الناسی بھیڑچال کےسفر میں
سرمحمداقبال پرنہایت ظلم ھُوا کہ اِس موسیقی کی سمجھ اور حُسن و رقص کےبہترین شائق کو، مذھبی مولوی ذھن شاعرمتعارف کروایاگیا۔جوقرآن ھاتھ میں پکڑے روتارہتاتھا

اس مقصدکےلئےجعلی تصاویر
بنائی گئیں جن میں سرمحمد اقبال کےھاتھ قرآن ھےاوروہ تدبّر فرمارھاھے۔
ایسی کوئی اصلی تصویرنہ ھے نہ ھونی چاھئیےکیونکہ حقیقت سے اسکاکوئی تعلق ھی نہیں ھے۔سر اقبال،بالکل ھماری طرح ایک دل پھینک حُسن پرست شاعرتھےاور عملی زندگی میں سست الوجودہونے کےساتھ ساتھ حقّے

کی عادتِ غیر سُنت کےایسے عادی تھےکہ تمام عُمرحّقے کی عادتِ قبیحہ و غیر مُسنون(یعنی جو
محمدﷺ نہ کبھی نہ اختیار کی)
ترک نہ کی، جو مذھبی مومن اور
اھلِ سنت ھونےکےالزام کیخلاف ثبوت ھے۔تاھم اپنی ذاتی زندگی سےباھرانکےخانگی معاملات اورشعری وفلسفیانہ اکتساب پر ھم گفتگوکرتےرہیں گےجن میں

انکی کثرتِ ازدواج کی ناکامی، پہلی باشرع بیوی سےعلیحدگی
،پہلی اولادبیٹےاوربیٹی سے
علیحدگی،اورانگریزی وپشتو،و سنسکرت شُعراءکےخیالات و نظم سےاکتباسات و ترجمہ کاری شامل ھے۔سب سے پہلےاس خیال یاارادےکی جانب دیکھتےھیں جس کےذریعےاقبال کومعاملہ۔پدری میں حق پراوران کےہی بڑے بیٹےکوبراثابت

کرنےکی مسلسل کوشش نظر آتی ھےاور یادکریں اس سےپہلےآپ نےکبھی اس زاویےسےکسی کی کوئی تحریرنہ پڑھی ھوگی۔دیکھئےپروفیسرڈآکٹر رفیع الدین ھاشمی لکھتےھیں:اقبال کی بیوی سرداربیگم اتنی نیک تھیں کہ جب اقبال کےبڑے(سوتیلے)فرزندنے
اقبال سےکسی ضرورت(تعلمی اخراجات)پررقم کامطالبہ کیاتو
اقبال نے

انکارکردیا مگرسرداربیگم نے
اپناکوئی زیور بیچ کربیٹےکو
پیسےدئیے۔
آفتاب اقبال جوکہ اقبال کےپہلےبیٹےتھے انہوں نےدوران تعلیم ضرورت پڑنےپرسراکبر
سے190پونڈمانگے تاکہ تعلیم جاری رکھیں۔۔سر اکبر نے اقبال سےکہاکہ وہ اپنےبیٹےکوخرچہ دیں تواقبال نےانکارکردیا اور۔انکار کی وجوہات بتائیں۔۔

اب اس پیراگراف سےیہ ثابت کرنے کی کوشش کی گئی ھے۔۔کہ ایک تواقبال کی بیگم بہت نیک رحمدل
تھیں۔سوتیلےبیٹے کی مددکی
جواچھی بات معلوم ھوتی ھے۔دوسری یہ بات کہ اقبال،اپنے بیٹے
کی مالی مددنہ کرنےکےمعاملےمیں
حق بجانب تھےیعنی مسلمان امت
کابڑافلسفی شاعراپنےہی بیٹےکی امدادسےمونہہ موڑتاہے

کیونکہ اپنی بیوی اوراس بیٹےکی ماں سےاقبال علیحدگی اختیار
کرچکےھیں۔اورخودکوپابندنہیں سمجھتےکہ تعلیم کاخرچہ اپنے بیٹےکودیں(جبکہ اقبال خودتمام عُمراپنےبڑےبھائی شیخ عطاسے امدادلیتےرہے)یعنی ڈاکٹررفیع الدین ھاشمی سمیت تمام اقبال نگارہرمعاملےپراقبال کوراہ راست پرثابت کرنےمیں کوشاں رہے

جبکہ مجھےسر اقبال کی اس ترکِ اولادکی روش پرکافی اعتراضات ھیں۔سوال یہ ھےکہ اقبال جب خودچارشادیاں کرچکے،تواپنے معاملاتِ خانگی کےلئےاپنےبڑے بھائی سےھی کیوں تمام عمر رجوع کیا؟اوراگر اس میں کوئی مضائقہ نہیں توپھراپنےہی بڑے بیٹےکی امداد کرنےمیں کیوں بخل سےکام لیتے رہے؟کیوں اقبال کے

دوسرے بیٹےجاویداقبال نےکبھی اپنےبڑے بھائی کوزندگی بھرنہ دیکھا؟ جبکہ جاویداقبال لکھتےھیں انہوں نےاپنےبڑےبھائی آفتاب اقبال کوپہلی باراقبال کی وفات کےوقت دیکھاجواپنےباپ سر محمداقبال کی معیت کے۔پاؤں کی جانب بیٹھے زوروقطار رو رہے تھے۔ خانگی ادوار کی جانب ھم بار باراس لئیےآئیں گے کہ

سر اقبال پر جومومنانہ تہمتِ بزرگانہ لگائی گئی ھےاُس کوھٹانےکی کوشش کی جائے۔
سراقبال کوعلامہ نہیں سَراقبال ھی کہااور لکھاجائےکیونکہ آنجناب نےسرکےخطاب کوواپس کرنےسےاس وقت انکارکردیاتھا جب تحریک موالات چلی تھی۔اس تحریک میں انگریزسرکارکےتمام انعامات و اعزازات کواحتجاجاً واپس کرنے

کی مہم چلائی گئی تھی۔اُس سےپہلے جلیانوالہ باغ کےقتال پراحتجاج کرتےھوئےبنگالی شاعر،نثرنگارو فلسفی رابندرناتھ ٹیگورنےاپناسَر کاخطاب واپس کردیاتھالیکن اقبال پنجابی ھونےکےباوجوداس روش پرچلنےسےانکاری رھےبلکہ مزیدانعامات واعزازات کی کوشش میں انھوں نے بار بار انگریز سرکار کی مدح میں

قصیدےلکھےجواس مضمون کےساتھ تصویری شکل میں شامل کرتاجاوں گا۔چونکہ اقبال نےاپناسَِرکاخطاب انگریز کوواپس کرنےکاکبھی اعلان نہ کیااس لئےھمیں بھی اقبال سےیہ خطاب نہیں چھینناچاھئیےانہیں سَراقبال کہناچاھئیےعلامہ کوئی ڈگری نہیں نہ انعام ھےاسےچھوڑ دیناچاھئیے۔
(جاری)باقی آئندہ۔۔