40ஆண்டு கடந்து தமிழகம் வரும் சாமி சிலைகள்..!
மயிலாடுதுறை மாவட்டம் அனந்தமங்கலம் ராஜகோபாலசுவாமி கோயிலில் இருந்து 40ஆண்டுகளுக்கு முன் திருடப்பட்ட ஐம்பொன்னாலான ராமர், லட்சுமணர், சீதை சிலைகள் லண்டனில் இருந்து மீட்கப்பட்டுள்ளன. டெல்லி வந்து சேர்ந்த மூன்று சிலைகளையும் தமிழக அதிகாரிகள் பெற்றுக் கொண்டனர்.
மயிலாடுதுறை மாவட்டம் அனந்தமங்கலத்தில் உள்ள ராஜகோபாலசுவாமி கோவிலில் இருந்த, 13ஆம் நூற்றாண்டைச் சேர்ந்த ராமர், லட்சுமணர், சீதை மற்றும் ஆஞ்சநேயர் வெண்கலச் சிலைகளை 1978ஆம் ஆண்டு மர்மநபர்கள் திருடிச் சென்றனர்.
1988ல் சிபிசிஐடி விசாரணைக்கு இந்த வழக்கு மாற்றப்பட்டபின், நாச்சியார்கோயிலைச் சேர்ந்த மூவரை சிபிசிஐடி போலீசார் கைது செய்தனர். இதன்பின்னர் சிலையை தேடும் பணி தொடர்ந்து கொண்டே இருந்தது.
கடந்த 4 ஆண்டுகளுக்கு முன், லண்டனைச் சேர்ந்த டீலர் ஒருவர் சிலைகள் விற்பனைக்கு உள்ளதாக இணையத்தில் படங்களை வெளியிட்டிருந்தார்.
இதில் தமிழக கோவிலைச் சேர்ந்த சிலைகள் இருப்பதை அறிந்த சிலை மீட்பு பணிக்குழு என்ற அமைப்பை நடத்திவரும் சிங்கப்பூரில் வசிக்கும் விஜயகுமார் அந்தப் படங்களை தமிழக சிலை தடுப்பு பிரிவு போலீசாருக்கு அனுப்பி வைத்தார்.
பாலிமர்
பாலிமர்
• • •
Missing some Tweet in this thread? You can try to
force a refresh
