Thread by @SohailLionKing

بہنیں ایسی کیوں ہوتی ہیں

صبح صبح چائے کی دکان پہ
میرا دوست میرے پاس آ بیٹھا
مجھے سلام کیا
اُس کی آنکھوں میں آنسو تھے
میرا ہاتھ پکڑا روتے ہوئے بولا
فارس میں آج خود کو بہت چھوٹا محسوس کر رہا ہوں

میں حیران تھا اُس کی کمر پہ تھپکی دی
ارے ایسا کیا ہوا گیا شیر کو
جاری ہے 👇

وہ مجھ سے نظریں نہ ملا رہا تھا
پھر زور زور سے رونے لگا
سب لوگ اس کی طرف دیکھنے لگے
میں نے اُس کو چپ کروایا
ارے پاگل سب دیکھ رہے ہیں
میرے سینے سے لگ گیا
روتے ہوئے بولا
فارس بہنیں ایسی کیوں ہوتی ہیں

میں سوچ میں گم
کیا ہو گیا تم کو ایسا کیوں بول رہے ہو
کہنے لگا
جاری ہے 👇

فارس پتا ہے
بہن کی شادی کو 6 سال ہو گئے ہیں
میں کبھی اُس کے گھر نہیں گیا
عید شب رات
کبھی بھی میں ابو یا امی جاتے ہیں
میری بیوی ایک دن مجھے کہنے لگی
آپ کی بہن جب بھی آتی ہے
اس کے بچے گھر کا حال بگاڑ کر رکھ دیتے ہیں
خرچ ڈبل ہو جاتا ہے
اور تمہاری ماں
ہم سے چھپ چھپا
جاری ہے👇

کر کبھی اُس کو صابن کی پیٹی دیتی ہے کبھی کپڑے کبھی صرف کے ڈبے
اور کبھی کبھی تو چاول کا تھیلا بھر دیتی ہے
اپنی ماں کو بولو یہ ہمارا گھر ہے کوئی خیرات سینٹر نہیں

فارس مجھے بہت غصہ آیا
میں مشکل سے خرچ پورا کر رہا ہوں
اور ماں سب کچھ بہن کو دے دیتی ہے
بہن ایک دن گھر آئی
جاری ہے👇

ہوئی تھی
اُس کے بیٹے نے ٹی وی کا ریموٹ توڑ دیا
میں ماں سے غصے میں کہہ رہا تھا
ماں بہن کو بولو یہاں عید پہ آیا کرے بس
اور
یہ جو آپ صابن صرف
اور چاول کا تھیلا بھر کر دیتی ہیں نا
اِس کو بند کریں سب
ماں چپ رہی
لیکن بہن نے ساری باتیں سن لی تھیں
میری بہن کچھ نہ بولی
جاری ہے 👇

4 بج رہے تھے اپنے بچوں کو تیار کیا
اور کہنے لگی بھائی مجھے بس سٹاپ تک چھوڑ آؤ
میں نے جھوٹے منہ کہا رہ لیتی کچھ دن
لیکن وہ مسکرائی نہیں بھائی بچوں کی چھٹیاں ختم ہونے والی ہیں

پھر جب ہم دونوں بھائیوں میں زمین کا بٹوارا ہو رہا تھا تو
میں نے صاف انکار کیا کہ میں اپنی
جاری ہے👇

زمین سے بہن کو حصہ نہیں دوں گا
بہن سامنے بیٹھی تھی
وہ خاموش تھی کچھ نہ بولی ماں نے کہا بیٹی کا بھی حق بنتا ہے
لیکن میں نے گالی دے کر کہا
کچھ بھی ہو جائے
میں بہن کو حصہ نہیں دوں گا
میری بیوی بھی بہن کو برا بھلا کہنے لگی
وہ بیچاری خاموش تھی

فارس کافی عرصے ہو گیا
جاری ہے 👇

کام کاج ہے نہیں
میرے بڑے بیٹے کو ٹی بی ہو گئی
میرے پاس اُس کا علاج کروانے کے
پیسے نہیں بہت پریشان تھا میں
قرض بھی لے لیا تھا دو لاکھ
بھوک سر پہ تھی
میں بہت پریشان تھا کمرے میں اکیلا بیٹھا تھا شاید رو رہا تھا حالات پہ
کہ اتنے میں بہن گھر آگئی
میں غصے سے بولا
جاری ہے 👇

اب یہ آ گئی ہے منحوس

بیوی میرے پاس آئی
کوئی ضرورت نہیں گوشت یا بریانی پکانے کی اس کے لیئے

پھر ایک گھنٹے بعد وہ میرے پاس آئی
بھائی پریشان ہو
میں مسکرایا نہیں تو
بہن نے میرے سر پہ ہاتھ پھیرا
بڑی بہن ہوں تمہاری
گود میں کھیلتے رہے ہو
اب دیکھو مجھ سے بھی بڑے لگتے ہو
جاری ہے 👇

پھر میرے قریب ہوئی
اپنے پرس سے سونے کے کنگن نکالے میرے
ہاتھ میں رکھے
آہستہ سے بولی
پاگل توں ایویں پریشان ہونا اے
تیرا بھائی شہر گیا ہوا تھا
بچے سکول تھے میں سوچا دوڑتے دوڑتے
بھائی سے مل آؤں
یہ کنگن بیچ کر اپنا خرچہ کر
بیٹے کا علاج کروا
اور جا اٹھ نائی کی دکان پہ جا
جاری ہے👇

داڑھی بڑھا رکھی ہے
شکل تو دیکھ ذرا کیا حالت بنا
رکھی تم نے
میں خاموش تھا
بہن کی طرف دیکھے جا رہا تھا
وہ آہستہ سے بولی
کسی کو نہ بتانا کنگن کے بارے
تم کو میری قسم ہے
میرے ماتھے پہ بوسہ کیا
اور ایک ہزار روپیہ مجھے دیا
جو سو پچاس کے نوٹ تھے

شاید اُس کی جمع پونجی تھی
جاری ہے 👇

میری جیب میں ڈال کر بولی
بچوں کو گوشت لا دینا
پریشان نہ ہوا کر
تیرے بھائی کو تنخواہ ملے گی تو
پھر آؤں گی

جلدی سے اپنا ہاتھ میرے سر پہ رکھا
دیکھ بال سفید ہو گئے
اب بازار جاؤ اور داڑھی منڈوا کر آؤ
وہ جلدی سے جانے لگی
اُس کے پیروں کی طرف میں دیکھا
ٹوٹی ہوئی جوتی
جاری ہے 👇

پہنی تھی
پرانا سا دوپٹہ اوڑھا ہوا تھا
جب بھی آتی تھی وہی دوپٹہ اوڑھ کر آتی

فارس
بہن کی اِس محبت میں
مَر گیا آج مَیں

ہم بھائی کتنے مطلب پرست ہوتے ہیں
بہنوں کو پل بھر میں بیگانہ کر دیتے ہیں
اور بہنیں
بھائیوں کا ذرا سا دکھ برداشت نہیں
کر سکتی
وہ ہاتھ میں کنگن پکڑے
جاری ہے 👇

زور زور سے رو رہا تھا

اُس کے ساتھ میری آنکھیں بھی نم ہو گئیں
اپنے گھر نہ جانے کتنے غم سہ رہی ہوتی ہیں
کچھ لمحے بہنوں کے پاس بیٹھ کر
اُن کا حال پوچھ لیا کریں

شاید اُن کے چہرے پر کچھ لمحوں
کے لئیے سکون آجائے

بہنیں ماں کا روپ ہوتی ہیں