یہ بات تو طے ہے اس وقت پاکستان نظریاتی طور پر دو حصوں میں بٹ چکا ہے کثیر تعداد پاکستانیوں کی چاہتی ہے کہ وہ احتساب کے کھوکلے نعروں کو حقیقت کا رنگ بھرتے ہوئے دیکھے اور جنہوں نے پاکستان کو اس حال تک پہنچایا ہے ان سب کو سزائیں ہو لیکن جب انصاف نہیں ہو گا تو سوال ہو گا
سوال یہ ہے کہ حکومت آخر چاہتی کیا ہے ؟ اگر آپ کے ہاتھوں میں وہ طاقت نہیں تو اپنے سچ بولنے کی روایت کو برقرار رکھیں ۔ عوام کو بتائیں کہ وہ کون سے ایلیمنٹ ہیں جنکی وجہ سے احتساب کا عمل رکا ہوا ہے ؟ آپ عوام کو بتائیں کہ عدالتیں آپکا ساتھ نہیں دے پا رہی یا اسٹبلیشمنٹ پر دباو ہے
آخر کون سے ملک میں چور یوں کھلے عام ریاست کو للکارتے ہیں قانون کا مذاق بناتے ہیں ۔ حکومت کو چاہیے کے دعوے کرنے کی بجائے عوام کو حقیقت سے آگاہ کرے ۔ یہ ملک فٹ بال نہیں ہے کہ جس کا جب دل چاہے اس سے کھیلنا شروع کر دے ۔ ہمیں بیرونی دشمن سے زیادہ اندرونی محاذوں کا سامنا ہے
یہاں ہر طرف الٹی گنگا بہہ رہی ہے ۔ جس کو محلے میں کوئی نہیں منہ لگاتا وہ ٹی وی پر بیٹھ کر ریاست کی دھجیاں بکھیرنے میں لگا ہوا ہے ۔ ہمیں اب نیا چورن ففتھ جنریشن وار کھیلنے کو دے کر خود ریاستی کردار چوروں سے ملاقاتیں کرتے ہیں کیا ہماری شکلوں پر چ لکھا ہے ؟ یا ہم اندھے ہیں ؟
میں اپنے وطن سے اپنی جان سے بھی زیادہ عشق کرتا ہوں میرا یہ حق ہے کہ میں ریاست سے سوال کروں کہ آخر کب تک مجھے اس عذاب کو جھیلنا پڑے گا کب میرے ملک میں سکون آئے گا ۔ کب میں بے رحم احتساب کو ایلیٹ کلاس پر ہوتا دیکھونگا ۔ میرے ٹیکس کا پیسہ کیا ریاست کی عیاشیوں کے لیے ہے ؟
میں ایک قانون پسند شہری ہوں ۔ کب تک ریاست اور ریاستی اداروں کو بلیک میل ہوتا دیکھوں ؟ اگر تم سے یہ نہیں ہو سکتا تو بتاو کہ ہاں یہ وجہ ہے نہیں کر سکتے ۔ ہمیں لالی پاپ سے مت بہلاو وہ دن گئے جب خلیل میاں فاختہ اڑایا کرتے تھے یہ نیا زمانہ ہے آج کا بچہ بھی ریاست پر ہنستا ہے
اس سے زیادہ ذلالت اور کیا ہو گی کہ پانچ سال کی بچی بھی حاکم وقت پر آٹا مہنگا ہونے کا الزام دھر دے ۔ حالانکہ اسے کچھ نہیں معلوم لیکن جو سارا دن میڈیا دیکھاتا ہے جو باتیں گھروں میں ڈسکس ہوتی ہیں وہ بچوں کا بچپن خراب کرنے کے لیے کافی ہیں ۔ لہذا یا تو سرنڈر کرو یا پھر احتساب ☝
• • •
Missing some Tweet in this thread? You can try to
force a refresh
