வெற்றியும் தோல்வியும் மாறி மாறி வருவதுதான் வாழ்க்கை. அதே நேரத்தில், நாம் யாரிடம் வெற்றி பெற வேண்டும், எவரிடம் தோல்வியைத் தழுவவேண்டும் என்று மறைமுகமாக நமக்கு அருளியிருக்கிறார் பகவான். பகவான் ஸ்ரீகிருஷ்ணருக்கு, தாமோதரன் எனும் பெயரும் உண்டு. 
தாம்புக் கயிற்றால் ஸ்ரீகிருஷ்ணரின் இடுப்பில் கட்டிய கதையைத் தான் நாம் அறிவோமே. இந்த உலகையே கட்டியாள்கிற கிருஷ்ண பரமாத்மா, ஒரு சிறிய தாம்புகயிற்றுக்குக் கட்டுண்டு கிடந்தான்.
அவனின் விஷமத்தனத்திற்கு தண்டனையாக யசோதை, தாம்புக்கயிற்றை எடுத்து அவனது இடுப்பில் சுற்றிக் கட்டலாம் என்றால், லேசாகப் பெருத்தான் கண்ணபிரான். கயிற்று முனைகளைக் கட்டுவதற்கு இரண்டு அங்குல இடைவெளி இருந்தது. இன்னொரு கயிற்றைச் சேர்த்து, முடிச்சுப் போட்டுக் கட்ட முனைந்தார்கள்.
இன்னும் சற்றுப் பெருத்தான். இப்போதும் இரண்டு அங்குல இடைவெளி இருந்தது. இன்னொரு கயிறு, இன்னொரு இரண்டு அங்குல பருமன்... என்றே இந்த விளையாட்டு நிகழ்ந்து கொண்டிருக்க... அவன் அம்மா சோர்ந்து போனாள். ஆனால், கண்ணன் களைப்படையவில்லை.
அந்தத் தருணத்தில்தான் பகவான் யோசித்தான். "அடேடே..! இப்போது நாம் யாரிடம் நம் வீரத்தை காட்டிக் கொண்டிருக்கிறோம்? இதோ... தோல்வியைக் கண்டு அம்மா துவண்டுவிட்டாளே. பாவம் அவள்"என்று எண்ணியவன், "இந்த என்னுடைய திமிர்த்தனத்தை உன்னிடம் காட்டியது தவறுதான் தாயே!
இந்தாம்மா என்னைக் கயிற்றில் கட்டிக்கொள்"என்பதுபோல், பருமனை குறைத்துக்கொண்டு நின்றான். உடனே, குறும்புக் கண்ணனை கயிற்றில் கட்டிப்போட்டாள் தாய் யசோதா. நம்முடைய தாய் - தந்தையிடம் தோற்றுப் போவதில் தப்பே இல்லை என்பதை எவ்வளவு சூசகமாக, அழகாக, தெளிவாகச் சொல்லியிருக்கிறான் ஸ்ரீகண்ணபிரான்.
பகவான் கயிற்றுக்கெல்லாம் கட்டுப்படாதவர். பிறகு..?
அவர் அன்புக்கும் பாசத்துக்கும் கட்டுப்படுபவர். காதலுக்கும் பிரேமைக்கும் கட்டுண்டு கிடப்பவர்.
இதனை, "கண்ணிநுண் சிறுத்தாம்புடன் கட்டுண்டப் பண்ணிய பெரு மாயன்..."எனும் அழகிய பாடல் அற்புதமாக விளக்குகிறது.
அவர் அன்புக்கும் பாசத்துக்கும் கட்டுப்படுபவர். காதலுக்கும் பிரேமைக்கும் கட்டுண்டு கிடப்பவர்.
இதனை, "கண்ணிநுண் சிறுத்தாம்புடன் கட்டுண்டப் பண்ணிய பெரு மாயன்..."எனும் அழகிய பாடல் அற்புதமாக விளக்குகிறது.
ஸ்ரீகிருஷ்ணரின் இடுப்பிலே அந்த கயிற்றுத்தழும்பைக் காணலாம். அது தழும்பு அல்ல; பட்டம். நெற்றியில் கிரீடம் சூட்டிக்கொண்டால், திருமண் இட்டுக் கொண்டால் அந்த இடத்தில் தழும்பேறிக் கிடக்கும், அல்லவா... அப்படித்தான் இது!
அந்தப் பட்டம் எதை உணர்த்துகிறது தெரியுமா? "அடியவர்கள் எவராக இருந்தாலும், அவர்களுக்கு நான் கட்டுண்டு கிடப்பேன்"என்பதைத்தான் அந்தத்தழும்பின் மூலம் நமக்கு உணர்த்திக் கொண்டிருக்கிறார், பகவான் ஸ்ரீகிருஷ்ணர்!
ஆகவே, தாய்-தந்தையிடம் தர்க்கம் வேண்டாம்.சண்டையும் பூசலும் அவசியமில்லை.
ஆகவே, தாய்-தந்தையிடம் தர்க்கம் வேண்டாம்.சண்டையும் பூசலும் அவசியமில்லை.
வெற்றி - தோல்வி என்பதெல்லாம் முக்கியமில்லை. அவர்கள் வெற்றி பெற்றால், அதற்காக மகிழ்வது நீங்கள்தான். பூரிப்பது நீங்கள்தான்.ஆக பெற்றோர்களுக்குக் கட்டுப்படுவதை ஸ்ரீகண்ணன்
நமக்கு மிகத்தெளிவாக உணர்த்தியிருக்கிறார்.
உணர்ந்து, தெளிந்து, செயல்படுபவர்கள் பாக்கியவான்கள்.
நமக்கு மிகத்தெளிவாக உணர்த்தியிருக்கிறார்.
உணர்ந்து, தெளிந்து, செயல்படுபவர்கள் பாக்கியவான்கள்.
• • •
Missing some Tweet in this thread? You can try to
force a refresh
