Thread by @anbezhil12

#நீலகண்டதீக்ஷிதர் இவர் ஒரு மகாவித்வான்! பதினெட்டு வயதுக்குள் எல்லா வேத சாஸ்திரங்களையும் படித்து அனைத்து சில்ப சாஸ்திரங்களையும் பயின்று பெரிய மேதையாக விளங்கினார்! அதனால் மதுரையை ஆண்ட திருமலை நாயக்கர் மகாராஜா கேட்டுக்கொண்டதற்கு இணங்க அவருக்கு மந்திரியாக இருந்தார். நீலகண்டதீக்ஷிதர்

மந்திரியாக அபாரமான செயல்களை செய்துள்ளார். இன்றும் நாயக்கர்கள் செய்த சேவை நம் தேசத்துக்கும் நம் தமிழ்நாட்டுக்கும் பெருமை சேர்க்கிறது. ஒரு முறை மீனாட்சி அம்மன் திருக்கோவிலில் தன்னுடைய சிலையும், தன்னுடைய மனைவிமார்கள் சிலையையும் வவைக்க ஆசைப்பட்டார் அரசர். நீலகண்டதீக்ஷிதர் அந்தச்

சிலைகளைச் செய்ய பொறுப்பேற்றுக் கொண்டார். ராணியின் சிலை செய்பவன் சிலையை வடிக்கும்பொழுது முட்டிக்குமேல் ஒரு இடத்தில் சில்லு தட்டிவிடுகிறது. அதை இவரிடம் சிற்பி சொன்னபொழுது நீலகண்டதீக்ஷிதர் ஒரு நொடி யோசித்துப் பார்த்துவிட்டு அந்த இடத்தில் ராணிக்கு ஒரு மச்சம் இருக்கும் என்று அவர்

மனத்தில் படுகிறது. அதனால் அது அப்படியே இருந்துவிட்டு போகட்டும் என்று சொல்லிவிட்டார். ராஜா சிலையை பார்த்தபோது ஏன் இப்படி செய்தாய் என்று சிற்பியிடம் கேட்டார். அவன் தீக்ஷிதர் ஐயா அப்படியே இருக்கட்டும் என்று சொல்லிவிட்டார் என்று சொன்னவுடன் அரசருக்கு ராணியுடைய மச்சம் அவருக்கு எப்படி

தெரிந்தது என்று சந்தேகம் வந்தது. ஆட்களை அனுப்பி அவரைக் கைது செய்து கொண்டு வர சொல்கிறார். காவலர்கள் வரும்பொழுது தீக்‌ஷிதர் பூஜை செய்துகொண்டு இருந்தார். சேவகர்கள் உங்களை கைது செய்ய வந்திருக்கிறார்கள் என்று சொன்னவுடனேயே அவருக்குப் புரிந்துவிடுகிறது. கற்பூர ஆரத்தி பண்ணப் போனவர்

இரண்டு கையில் இரண்டு கற்பூரத்தை ஏத்தி, கண்மேல் வைத்து கொண்டுவிடுகிறார். வெளியில் வந்து அரசர் என்ன எனக்கு தண்டனை கொடுக்கணும் என்று நினைத்தாரோ அதை நானே எனக்குக் கொடுத்துக் கொண்டு விட்டேன் என்று அரசரிடம் போய் சொல்லுங்கள் என்று சொல்கிறார். இதை அவரிடம் சொன்னவுடனே அரசர் ரொம்ப தவித்துப்

போய்விட்டார். ஒரு மகானிடம் அபச்சாரம் பண்ணிவிட்டோமே என்று ஓடோடி வந்து அவர் காலில் விழுந்து, தெரியாமல் பண்ணிவிட்டேன் உங்களுடைய ஞானத்ருஷ்டி பற்றி தெரியாமல் நான் தப்பாக புரிந்து கொண்டு விட்டேன், மன்னித்துவிடுங்கள் என்று இறைஞ்சுகிறார். பரவாயில்லை, சந்தேகம் வருவது சகஜம்தானே என்று

தீகிஷதர் பதில் உரைத்தார். அப்படி நீங்க சொல்லக்கூடாது, கண் தெரியாமல் இருந்தால் ஒவ்வொரு நாளும் நான் வருத்தப்பட்டு, அதிலேயே எனக்கு உயிர் போய்விடும் என்று சொன்னார் அரசர். உங்களுக்கு திரும்பவும் கண் வரவேண்டும். மீனாக்ஷியிடம் வேண்டிக்கொள்ளுங்கள். கண்களால் கருணை செய்கிறவக் அவள்! தயவு

செய்து நீங்க பிரார்த்தனை பண்ணிக்கொள்ளுங்கள் என்று அரசர் கெட்டு கொண்டதால் உடனே, #ஆனந்தஸாகரஸ்தவம் என்னும் ஸ்லோகத்தை மீனாட்சி மேல் இயற்றினார் நீலகண்டதீக்ஷிதர். 62வது ஸ்லோகத்யில், ‘அம்மா! உன்னுடைய பாத தரிசனம் எனக்கு கிடைக்குமா? கிடைத்தால் கூட எந்த கண்ணைக் கொண்டு நான் அதை பார்ப்பேன்?’

என்று சொல்கிறார். இதை உட்குறிப்பா காஞ்சி மகா பெரியவாளும் சொல்லிருக்கார். அதனால் அப்படி சொன்னவுடன் அவருக்கு கண் பார்வை வந்துவிட்டது என்று கூறியுள்ளார். மீனாக்ஷி அவருக்கு கண்ணை கொடுத்துவிடுகிறாள்.
இந்த நிகழ்ச்சிக்குப் பிறகு ராஜ சேவகம் போதும் என்று சொல்லிவிட்டு திருநெல்வேலியில்

பாலாமடை என்னும் இடத்தில் (தற்போது நீலகண்டஸமுத்திரம்) அப்பைய தீக்ஷிதரின் வம்சத்தில் அவதரித்து மீனாக்ஷி தேவியின் அத்யந்த பக்தராக விளங்கிய மகாவித்வான் ஸ்ரீ நீலகண்ட தீக்ஷிதர் தனுர் மாசம் சுக்ல பக்ஷ அஷ்டமி திதியில் சித்தி அடைந்தார். இன்று அங்கு அவருடைய அதிஷ்டானத்தில் அந்த மஹானின்

ஆராதனை கொண்டாடப் படுகிறது. அவருடைய படைப்புகளான சிவலீலார்ணவம், ஆனந்தஸாகரஸ்தவம், கலி விடம்பனம் முதலியவை சம்ஸ்கிருத பண்டிதர்களால் இரசித்து கொண்டாடுபவை. அவரை வணங்கி அவர் ஆசி பெறுவோம்🙏🏻

Edited from valmikiramayanam.in/?p=3746 நன்றி🙏🏻