Thread by @_1point5

سورۃ النساء آیت 34/35
جعلسازی سے پاک جدید علمی و عقلی ترجمہ
از علامہ اورنگزیب یوسفزئی صاحب

یہ نہایت اہم آیات ہیں جہاں سے ہماری مذہبی پیشوائیت، ایک اور بڑے انحراف کا راستہ اختیار کرتے ہوئے، عورتوں کو مردوں کا ماتحت قرار دے کر انہیں سزا دینے اور مار پیٹ کرنے کا جواز پیش کرتی ہے

الرِّ‌جَالُ قَوَّامُونَ عَلَى النِّسَاءِ بِمَا فَضَّلَ اللَّـهُ بَعْضَهُمْ عَلَىٰ بَعْضٍ وَبِمَا أَنفَقُوا مِنْ أَمْوَالِهِمْ ۚ فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللَّـهُ ۚ وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُ‌وهُنَّ فِي

الْمَضَاجِعِ وَاضْرِ‌بُوهُنَّ ۖ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلًا ۗ إِنَّ اللَّـهَ كَانَ عَلِيًّا كَبِيرً‌ا ﴿34﴾ وَإِنْ خِفْتُمْ شِقَاقَ بَيْنِهِمَا فَابْعَثُوا حَكَمًا مِّنْ أَهْلِهِ وَحَكَمًا مِّنْ أَهْلِهَا إِن يُرِ‌يدَا إِصْلَاحًا يُوَفِّقِ اللَّـهُ

بَيْنَهُمَا ۗ إِنَّ اللَّـهَ كَانَ عَلِيمًا خَبِيرً‌ا ﴿35﴾

""طاقتور اور معاشی طور پر مضبوط لوگوں کو کمزوروں یا کمزور جماعتوں پر استحکام دینے کا ذمہ دار بنایا گیا ہے اس لیے کہ اللہ تعالیٰ کے قانون نے تمہارے معاشروں میں بعض لوگوں کو بعض پر برتری دی ہوئی ہوتی ہے اسلیے کہ

وہ اپنے مال و دولت میں سے انفاق (یعنی اپنی دولت کو فلاح انسانیت پہ خرچ) کرنے کی پوزیشن میں ہوتے ہیں ۔ پس اس طریقِ کار سے معاشرے کی صالح، وفادار و اطاعت شعار جماعتیں، اس پیش پا افتادہ مستقبل کی حفاظت کرتی ہیں جسکو اللہ کے قانون نے تحفظ دیا ھوا ہے۔ البتہ ان میں سے ایسے

گروپ جن کی سرکشی کا اندیشہ ہو، انہیں نصیحت کرو، انہیں ان کی مجالس میں سوچنے کے لیے چھوڑ دو اور انہیں وضاحت سے معاملات کی تشریح کر دو۔ پھر اگر تمہاری اطاعت اختیار کر لیں تو پھر ان کے خلاف کوئی اقدام نہ کرو۔ بیشک اللہ کا قانون بلند و بالا اثرات کا حامل ہے اور اگر تم دونوں طبقات

کے تعلقات میں دراڑیں پڑنے کا اندیشہ دیکھو تو دونوں کے گروپس میں سے ایک ایک ثالث مقرر کر دو۔ اگر وہ صورت احوال کی اصلاح کرنا چاہیں گے تو اللہ بھی ان کے درمیان میں موافقت پیدا فرما دے گا کیونکہ اللہ تعالی عمل رکھنے والا اور باخبر ہے۔""

اور آخر میں ادائیگی فرائض یعنی پیرویِ احکامِ الہی کے ضمن میں لفظ "نسا" کا استعمال بھی دیکھ لیتے ہیں :-

4/43 : يَا أَيُّهَا الَّذِينَ آمَنُوا لَا تَقْرَ‌بُوا الصَّلَاةَ وَأَنتُمْ سُكَارَ‌ىٰ حَتَّىٰ تَعْلَمُوا مَا تَقُولُونَ وَلَا جُنُبًا إِلَّا عَابِرِ‌ي سَبِيلٍ حَتَّىٰ

تَغْتَسِلُوا ۚ وَإِن كُنتُم مَّرْ‌ضَىٰ أَوْ عَلَىٰ سَفَرٍ‌ أَوْ جَاءَ أَحَدٌ مِّنكُم مِّنَ الْغَائِطِ أَوْ لَامَسْتُمُ النِّسَاءَ فَلَمْ تَجِدُوا مَاءً فَتَيَمَّمُوا صَعِيدًا طَيِّبًا فَامْسَحُوا بِوُجُوهِكُمْ وَأَيْدِيكُمْ ۗ إِنَّ اللَّـهَ كَانَ عَفُوًّا غَفُورً‌ا ﴿4/43﴾

""اے امن و امان کے ذمہ دارو، جب تم کسی وجہ سے اپنے ہوش و حواس میں نہ ہو تو اپنے فرائض کی ادائیگی کے نزدیک مت جاؤ جب تک کہ تم اس قابل نہ ہو جاؤ کہ جو کچھ کہو اس کا شعور و ادراک رکھ سکو اور اگر تم ایمان و ایقان کے معاملے میں کسی کمزوری کا شکار ہو [ مَّرْ‌ضَىٰ] یا ابھی تربیتی سفر

کے درمیانی مرحلے میں ہو[عَلَىٰ سَفَرٍ‌]، یا اگر تم میں کچھ بہت پست شعوری سطح سے اُٹھ کر اوپر آئے ہوں [مِّنَ الْغَائِطِ]، یا کسی خاص شعوری کمزوری نے تمہیں متاثر کیا ہوا ہو [لَامَسْتُمُ النِّسَاءَ] اور اس ضمن میں تمہیں وحیِ الٰہی کی ہدایت میسر نہ آئی ہو [فَلَمْ تَجِدُوا مَاءً]

تو پھر بھی تم اپنا مطلوب و مقصود [فَتَيَمَّمُوا] بلند اور پاک رکھو [صَعِيدًا طَيِّبًا]۔ پھر اس کی روشنی میں از سرِ نو اپنے افکار اور اپنے وسائل کا جائزہ لو یا احاطہ کرو (فَامْسَحُوا )""۔

امید واثق ہے کہ اس جدید تحقیق کے نتیجے میں قرآن کی ایک گہرے معانی رکھنے والی اصطلاح کا

جدلیاتی منطق اور طبقاتی پیراڈائم کے تحت کیا گیا درج بالا ترجمہ نہایت آسانی سے قارئین کے ذہنوں میں ثبت ہو کر دینِ اسلام کے داغدار کر دئیے گئے ماضی کی بہت سی تاریکیاں دُور کرنے کا موجب ہوگا۔
اللہ تعالیِ سے دعا ہے کہ آپ پر اپنی رحمتوں کا نزول فرمائے۔