Thread by @HammadSGill

وزیراعظم صاحب نے بھى غلط نہیں کہا۔ اور ایران-عراق جنگ سے پہلے فرقہ واریت پاکستان کا رخ کر چکى تھى۔

اسکى تفصیل درج ذیل میں ہے۔
[1]

https://twitter.com/ZaidZamanHamid/status/1348349967644192773

افغانستان پر روسى حملے کے بعد پاکستان سعودى عرب اور امریکہ نے مل کر مجاہدین کى سات سنى مسلک جماتوں کا اتحاد بنایا۔ یہ جماعتیں تھیں:

١-حزبِ اسلامى
٢- محازِ ملى
٣-جمیتِ اسلامى
٤-اتحاد اسلامى
٥- حزب اسلامى خالص
٦-حرکت انقلابِ اسلامى
٧-جبه نجاتِ ملى

[2]

ان تمام جماعتوں کو بڑى تعداد میں سعودى فنڈنگ مل رہى تھى۔ سعودى فنڈنگ کى مدد سے مجاہدین کو بھرتى کرنے کے لیے بڑى تعداد میں مدرسے کھولے گئے۔ جب جنرل ضیاء نے حکومت سمبھالى تو پاکستان میں کل مدارس کى تعداد 893 تھى۔ مگر ان کے انتقال کے وقت یہ تعداد 2801 ہوچکى تھى۔
[3]

ان مدرسوں میں 64 فیصد مدرسے وہابى اور دیوبندى مسلک سے تعلق رکھتےتھے۔ان کى تمام کى تمام فنڈنگ سعودى عرب سےآتى تھى۔
دوسرى جانب ایران بھى ہزاره کمیونٹى کى شیعہ آبادى کو بھرپور استمعال کر رہا تھا۔ایران نے شیعہ مسلک سےتعلق رکھنے والے کریم خلیلى کى سربراہى میں حزبِ واحدت تشکیل دى۔
[4]

افغانستان سے سویت یونین کے انخلا کے بعد ان سب میں خانہ جنگى شروع ہوگئى۔ پاکستان اور سعودى عرب طالبان کى حمایت کر رہے تھے۔ جبکہ ایران کى حمایت یافتہ حزب واحدت کے سربراہ کریم خلیلى شمالى اتحاد کا حصہ تھے۔

اس سب سے پہلے ہى فرقہ وایت پاکستان کا رخ کر چکى تھى۔

[5]

جب جنرل ضیاء نے ملک میں زکوت اور عشر کا نظام نافذ کیا تو اسکى مخالفت میں شیعہ لیڈر عارف حسین الحسینى نے احتجاج شروع کر دیا۔ احتجاج شدت پکڑتا گیا اور بالآخر جنرل ضیاء نے شیعہ کمیونٹى کو اس سب سے الگ کر دیا۔

مگر بعد میں جنرل ضیاء کو انٹیلیجنس ایجنسیوں نے خبر دى کہ

[6]

کہ عارف حسین الحسینى کى سرپرستى میں ایران کى مدد سے ایک تنظیم تحریک نفاز فقہ جعفریہ تشکیل دى گئى ہے۔
جنرل ضیاء نے اس تنظیم کو انٹیلیجنس ایجنسیوں کى مدد سے کئى حصوں میں توڑ دیا۔ بعد جماعت کا نام بھى بدل کر تحریک جعفریہ رکھا دیا گیا۔

اس سب کا مقابلہ کرنے کے لیے سعودى عرب نے

[7]

نے اپنے حمایت یافتہ علامہ حق نواز جہنگوى کى سرپرستى میں سپاه صحابہ قائم کى۔

سپاه صحابہ اور دیگر سنى جماعتوں نے ایک مسلک کو ان تمام اصلاحات میں رعایت دینے پر شدید مخالفت کى۔ صاف نظر آرہا تھا کہ پاکستان میں کسى بھى وقت فرقہ واریت پھوٹ سکتى ہے۔ اور ہوا بھى ایسا ہى۔

[8]

1983 میں کراچى میں فرقہ وارانہ فسادات پھوٹ پڑے۔ سادگى میں اور اپنے نظریات کى محبت میں لوگ اپنے ہى بھائیوں کو مارنے پر تلے ہوۓ تھے۔

1988 میں عارف حسین الحسینى کو پشاور میں کسی نے گولیوں کا نشانہ بنادیا۔ اس کا الزام سپاه صحابہ پر لگا۔ اور کہا جاتا ہے کہ

[9]

کہ اس سب میں سعودى عرب کى انٹیلیجنس ایجنسی GID نے بھى سپاه صحابہ کى مدد کى تھا۔ اس کا بدلہ لینے کیلئے ایران نے ایک اور تنظیم سپاه محمد بنا دى۔

اس کے بعد 1990 میں سپاه صحابہ کے علامہ حق نواز جہنگوى کو بھى کسى نے ان کے گھر کے سامنے گولیوں سے چھلنى کردیا۔

[10]

پاکستان میں فرقہ وارانہ Tit for Tat شروع ہو گیا۔
ملک میں ایک بار پھر فرقہ وارانہ فسادات پھوٹ پڑے۔ ایک دن اخبار میں خبر چھپى کہ ایرانى کونسل جنرل صادق گنجى جو پاک ایران کلچرل سینٹر کے ڈائرکٹر تھے قتل کردیے گئے ہیں۔

کراچى میں 1996 میں فرقہ ورانہ فسادات میں 800 لوگ مارے گئے۔

[11]

ایران اور سعودى عرب کى پراکسی وار اب گلى کوچوں تک پھلنے لگى تھى۔ مخالف مسلک کے ڈاکٹر، شاعر، مصور حتى کہ علماء بھى نشانہ بنائے جانے لگے تھے

اس فرقہ واریت نے پاکستانی قوم کو اندر سے تقسیم کرکے رکھ دیا تھا۔ایران-سعودى عرب کے درمیان طاقت کے کھیل میں عام پاکستانی مارے جا رہے تھے
[12]

References :

1) Cold War in the Islamic World: Saudi Arabia, Iran and the Struggle for Supremacy by Dilip Hiro.

2) Taliban: Militant Islam, Oil and Fundamentalism in Central Asia by Ahmed Rashid

3) Islam and Sectarian Violence in PakistanThe Terror Within by Eamon Murphy.