Thread by @SohailLionKing

معاف کرنے کے تین درجات
اور
اُن کے ثمرات

اگر یہ تحریر غور سےپڑھ لیں
اور
عمل بھی کریں تو زندگی کی بہت سی مشکلات آسان ہوسکتی ہیں

انسانی معاشرے میں رہتے ہوئے
ایک دوسرے کی حق تلفی بھی ہو جاتی ہے کبھی زیادتی ہوجاتی ہے
اور
کبھی حقوق کی ادائیگی میں کمی رہ جاتی
اسلام ایک طرف
جاری ہے 👇

حقوق کی ادائیگی پر فوکس کرتا ہے
اور
دوسری طرف صاحبِ حق کو
کمی بیشی کی صورت میں
معافی کی تلقین کرتا ہے

معاف کرنا
اللّٰه تعالیٰ کی صفت ہے
اس پر کائنات کا نظام چل رہا ہے
یہ انبیاء و صالحین کی خوبی ہے
قرآن مجید نہ صرف اس عظیم خوبی کو پروموٹ کرتا ہے
بلکہ اسے اوجِ کمال پر
جاری ہے 👇

پہنچاتے ہوئے
معافی کے عمل کو
تین درجات
میں تقسیم کرتا ہے
اور
درجہ بدرجہ
آگے بڑھنے کی ترغیب دیتا ہے

پہلا درجہ
آپ اپنے مجرم کی سزا معاف کر دیں
بھلے آپ اسے ڈانٹ پلالیں
خوب جھڑک لیں
لیکن اُس کے جرم کی واقعی
سزا دینا چھوڑ دیں

اِسے عَفْو کہتے ہیں

جاری ہے 👇

دوسرا درجہ
اُس سے بلند اخلاقی مقام یہ ہے کہ
آپ کسی قسم کی ڈانٹ پلائے بغیر
جھڑکے بغیر
معاف کردیں
اِسے صَفْح کہتے ہیں

تیسرا درجہ
یہ بلند ترین اخلاقی مقام پر
فائز لوگوں کی خوبی ہے
نہ صرف یہ کہ آپ
اُسے بغیر جھڑکے معاف کریں
بلکہ
اُس کی غلطی دل سے نکال دیں
جیسا کہ اُس نے
جاری ہے 👇

کی ہی نہیں تھی
اور
اُس پر ایسا پردہ ڈالیں کہ
کبھی اُس کو نوکِ زبان پر لانا بھی
گوارا نہ کریں
معاف کرنے کے اِس اعلی ترین
مقام کو
غفران کہتے ہیں
اللہ تعالیٰ نے درج ذیل آیت مبارکہ میں
یہ تینوں درجات ترتیب صعودی
ascending order
کےساتھ یکجا بیان کردیئےہیں
جاری ہے 👇

یٰۤاَیُّہَا الَّذِیۡنَ اٰمَنُوۡۤا اِنَّ مِنۡ اَزۡوَاجِکُمۡ وَ اَوۡلَادِکُمۡ عَدُوًّا لَّکُمۡ فَاحۡذَرُوۡہُمۡ ۚ وَ اِنۡ تَعۡفُوۡا وَ تَصۡفَحُوۡا وَ تَغۡفِرُوۡا فَاِنَّ اللّٰہَ غَفُوۡرٌ رَّحِیۡمٌ
(سورة تغابن آیت نمبر 14)

اے لوگو جو ایمان لائے ہو
بیشک تمہاری بیویوں اور
جاری ہے 👇

تمہارے بچوں میں سے
بعض تمہارے دشمن ہیں
سو اُن سے ہوشیار رہو
اور
اگر تم معاف کرو
اور
درگزر کرو
اور
بخش دو تو بیشک اللّٰه بےحد بخشنے والا نہایت رحم والا ہے

اس آیت مبارکہ میں
عَفو، صَفح اور غُفران
کو جس ترتیب سے ایک مقام پر
بیان کرکے
اُس پر مغفرتِ الہی اور رحمت کا تذکرہ
جاری ہے 👇

کیا گیا ہے وہ اپنی مثال آپ ہے

اِس کی عملی شکل فتح مکہ کے
موقع پر رسول اللّٰه ﷺ کے اُسوہ حسنہ
میں دکھائی دیتی ہے
جب آپ ﷺ نے مشرکین مکہ کے
بڑے بڑے ظالموں کو نہ صرف معاف کیا
بلکہ
جھڑک کا ایک بول تک نہ بولا
بلکہ
اِس پر مستزاد اپنے دل سے اُن کی خطاؤں کو ایسے نکالا
کہ
جاری ہے 👇

اُن کی دل جوئی کے لیے کسی
کو پروانہ امن دیا
کسی کے ساتھ اپنا رشتہ استوار کر کے
اُسے قربت کا شرف بخشا
اور
کبھی اُن کے سامنے
اُن کے ظلم وستم کا تذکرہ تک
گوارا نہ فرمایا

صلی اللّٰه علیہ وآلہ وسلم