Thread by @Digvijay_004

मासिक पाळीच्या दिवसांत स्त्री खरंच अपवित्र किंवा अशुद्ध असते का?
उत्तर : अजिबात नाही. मासिक पाळीचे चक्र महिन्याच्या पहिल्या दिवसापासून महिन्याच्या शेवटच्या दिवसापर्यंत चालूच असते, त्यामुळे रक्तस्राव होण्याच्या ४ दिवसांपुरती स्त्री अपवित्र आणि इतर दिवशी पवित्र असं असूच शकत नाही.👇

ज्याप्रमाणे आपण अन्न खातो, ते पचवतो त्यातून ऊर्जा तयार होते आणि नको असलेल्या गोष्टी आपले शरीर बाहेर फेकते, हे जसे एक चक्र आहे तसेच मासिक पाळी हे देखील एक चक्र आहे. साधारण २८ ते ३२ दिवसांचे हे चक्र असते, ज्यामध्ये स्त्रीबीज तयार होऊन त्याची वाढ होते. 👇

परिपक्व झालेले स्त्रीबीज मासिक पाळीच्या शेवटच्या टप्प्यात रक्तस्रावाच्या स्वरूपात बाहेर फेकले जाते आणि पुन्हा नवीन स्त्रीबीज निर्माण होऊन परिपक्व होण्याची प्रक्रिया सुरु होते. ही सगळी प्रक्रिया का होते? तर गर्भधारणेसाठी होते. गर्भधारणा झाली नाही तर मग ते स्त्रीबीज शरीराबाहेर👇

फेकले जाते. जसं आपल्या शरीराला ऑक्सिजनची गरज असते म्हणून आपला श्वासोच्छवास सतत चालू असतो तसं गर्भधारणेसाठी स्त्रीबीज तयार होण्याची प्रक्रिया सतत चालू असते. श्वासोच्छवासाचे चक्र काही सेकंदाचे असते तर मासिक पाळीचे चक्र महिन्याभराचे असते.👇

थोडक्यात काय तर जशा इतर नैसर्गिक क्रिया आहेत तशीच मासिक पाळी ही एक नैसर्गिक क्रिया आहे. जसं शरीरातून नको असलेले घटक शरीर आपोआप बाहेर फेकते (उदा. मल, मूत्र, कफ इत्यादी) तसं परिपक्व झालेले स्त्रीबीज स्त्री चे शरीर रक्ताच्या स्वरूपात बाहेर फेकते आणि नवीन स्त्रीबीज बनवण्याची 👇

प्रक्रिया सुरु करते. मासिक पाळीच्या ४ दिवसांत रक्तस्राव होत असल्याने स्त्रियांना शारीरिक वेदना होतात, अशक्तपणा जाणवतो. एकंदरीतच त्यांना या काळात विश्रांतीची गरज असते. पूर्वीच्या काळी एकत्र कुटुंब पद्धती होती, एका महिलेला मासिक पाळी आलेली असेल तर तिला पूर्णपणे विश्रांती घेण्यास👇

सांगितले जायचे, कारण घरात इतर महिला असायच्या कामे करायला. आपला समाज मोठ्या प्रमाणात अशिक्षित होता त्यामुळे ज्यांनी कोणी प्रथा परंपरा निर्माण केल्या त्यांनी समाजाला शास्त्रीय कारण समजून सांगायचे कष्ट घेतले नसावेत. देवाचे नाव जोडले की लोक ऐकतात या ठोकताळ्याने👇

"मासिक पाळीच्या दिवसांत स्त्री अपवित्र असते, अशुद्ध असते, तिने एका बाजूला बसावे, कशाला हात लावू नये, इ." सांगितले असावे. स्त्रीला मासिक पाळीच्या दिवसांत सक्तीची विश्रांती मिळावी हा त्यांचा चांगला हेतू असावा परंतु काळानुसार तो हेतू बाजूला पडत गेला आणि ती एक अनिष्ठ प्रथा बनली👇

(अर्थातच अशिक्षित समाज आणि विकृत मानसिकता यामुळे). समाजमनावर ती एवढी खोलवर रुजली की आजही शिकल्या सवरलेल्या स्त्रिया मासिक पाळीमध्ये शुभकार्य करत नाहीत. आजही बहुतांश लोकांना मासिक पाळीबद्दल गैरसमज आहेत. खरंतर शिकलेल्या मुलींनी, महिलांनी स्वतःच्या घरापासून मासिक पाळीबद्दलचा 👇

गैरसमज दूर करायला सुरवात करायला हवी. एक साधा विचार आपण करायला हवा की मासिक पाळी हा गर्भधारणा किंवा प्रजनन या प्रक्रियेचा एक भाग आहे. तुम्ही, आम्ही, आपण सगळेच या प्रक्रियेमुळे जन्माला आलेलो आहोत. मग जर मासिक पाळी / मासिक पाळीच्या दिवसांत स्त्री अशुद्ध आणि अपवित्र असेल👇

तर मग त्या प्रक्रियेमधून जन्मलेलो आपण सगळे पवित्रच / अशुध्दच नाही का? जर मासिक पाळीमुळे स्त्री अशुद्ध / अपवित्र होणार असेल तर स्त्रीच्या पोटी जन्माला आलेलो आपण सगळे अशुद्ध आणि पवित्रच नाही का?

#दिग्विजय_004