Thread by @Digvijay_004

#नोकरी करण्यापेक्षा नोकरी निर्माण करणारे का होऊ नये? कोणताही व्यवसाय मनापासून, प्रामाणिकपणे आणि चिकाटीने केला तर तो नक्कीच चांगला बहरतो, अनेकांच्या हाताला काम मिळवून देतो, शेकडो मध्ये सुरु झालेला प्रवास लाखो-करोडोंच्या उलाढाली करून दाखवतो. आजच्या वाढत्या बेरोजगारीच्या काळात👇

स्वतःचा छोटा मोठा व्यवसाय सुरु करून त्याला मेहनीतीची जोड दिल्यास नक्कीच रसाळ फळे खायला मिळतील यात शंका नाही. बारामती तालुक्यातील एका लहानश्या खेड्यातील #सचिन_घाडगे यांनी ७ रुपये रोजंदारीवर सुरु केलेला प्रवास आता वार्षिक ९ कोटीच्या उलाढालीवर आणलाय.👇

त्यांच्याकडून नक्कीच प्रेरणा घेता येईल. आई वडील दोघेही मजूर, वाट्याला फक्त १७ गुंठे शेती, सगळं कुटुंब दुसऱ्याच्या शेतात खुरपायला जायचं. सचिन सकाळी ७ ते १० मजुरी करायचे, तिथून घरी येऊन, आवरून मग शाळेला जायचे. या मजुरीचे ७ रुपये त्यांना मिळायचे. व्यवसाय करण्याची जिद्द मनात होती👇

त्यामुळे सचिन यांनी विट बनवायची मशीन, ट्रॅक्टर, कॅटल फीड्स असे व्यवसाय केले पण त्यात त्यांना म्हणावे असे यश आले नाही. प्रत्येकाला सुरवातीच्या दिवसात व्यवसायात उभे राहण्यासाठी संघर्ष हा करावाच लागतो त्याला सचिन सुद्धा अपवाद नव्हते. पुढे त्यांनी पुण्यातील मिटकॉन मध्ये 👇

२ महिन्याचे ट्रेनिंग घेतले आणि त्यांच्या लक्षात आले की आपल्याला दूध सहजरित्या आणि मुबलक प्रमाणात उपलब्ध होऊ शकते. मग ते डेअरी व्यवसायात उतरले. दूध संकलन करायला सुरु केले, हळूहळू खावा आणि कुल्फी बनवायला सुरवात केली. ग्राहकांचा चांगला प्रतिसाद मिळू लागला. मग १७ गुंठे परिसरात 👇

दुधाचे पदार्थ बनवणारे युनिट उभे केले. त्यांच्याकडे जवळपास २५०० लिटर दूध संकलन होते, त्यातले १२०० ते १३०० लिटर दूध पॅकिंग करून विकले जाते आणि राहिलेले दुधाचे पदार्थ बनवण्यासाठी वापरले जाते. जवळपास ५०० लिटर म्हैशीच्या दुधाचे श्रीखंड, आम्रखंड, दही, लस्सी असे पदार्थ बनवले जातात.👇

सचिन यांनी सुरु केलेला #माय_सह्याद्री हा ब्रँड श्रीखंड, आम्रखंड, खावा, बासुंदी, पनीर, दही, लस्सी, तूप, लोणी, कुल्फी, कॉरनॅटो एवढे पदार्थ बनवतो. सचिन सुरवातीच्या काळात ग्राहकांना आपले पदार्थ खायला देऊन प्रतिक्रिया विचारायचे. जेव्हा ग्राहक उत्तम प्रतिसाद देतील तेव्हाच मग 👇

त्याचे मोठ्या प्रमाणात उत्पादन सुरु करायचे. ग्राहकांना काय आवडतंय हे लक्षात घेतल्यामुळे ग्राहकांचा चांगला प्रतिसाद त्यांना मिळू लागला. आज या व्यवसायातून सचिन वर्षाला ९ कोटी रुपयांची उलाढाल करतात त्याचसोबत ३० लोकांना रोजगार या माध्यमातून उपलब्ध झालेला आहे, तसेच पुणे परिसरात👇

'माय सह्याद्री' च्या १५ फ्रँचायझी आहेत.अपयशाने खचून न जाता जिद्दीने व्यवसाय करत राहिलं आणि त्याला प्रामाणिकपणा, कल्पकता यांची जोड दिली तर नक्कीच यश मिळते हेच यातून शिकता येईल.

सौजन्य : BBC News Marathi
#दिग्विजय_004