Thread by @mohandastg

ഞാനാണ് സിബിഐ ഡയറക്ടർ എങ്കിൽ:-
സരിതയുടെ പീഡനപരാതിയിൽ പേരുള്ള എല്ലാവരെയും അറസ്റ്റ് ചെയ്ത് കസ്റ്റഡിയിൽ വാങ്ങി ചോദ്യം ചെയ്യും. പ്രതികളുടെ മൊഴിയെ തുടർന്നുള്ള അന്വേഷണത്തിൽ മൂന്നു പ്രമുഖ സിപിഎം നേതാക്കളെ അറസ്റ്റ് ചെയ്യും.
1/4

അബ്ദുള്ളക്കുട്ടി ഒരു ഡിസ്ചാർജ് പെറ്റീഷൻ ഫയൽ ചെയ്യും. ഞാനതിനെ ദുർബലമായി മാത്രം പ്രതിരോധിക്കും. അബ്ദുള്ളക്കുട്ടി രക്ഷപെടും. കോൺഗ്രസ് - സിപിഎം നേതാക്കൾ അറസ്റ്റ് ജാമ്യം അറസ്റ്റ് എന്ന വൃത്തത്തിൽ കറങ്ങിക്കൊണ്ടിരിക്കും. ജോസ് കെ മാണിയുടെ പേരിൽ സരിതയിൽ നിന്ന് പുതിയ പരാതി എഴുതി വാങ്ങും
2/4

തുടർന്ന് ജോസിനെയും അറസ്റ്റ് ചെയ്യും. പരാതി തന്നില്ലെങ്കിൽ അന്വേഷണം തടസ്സപ്പെടുത്തി, വ്യാജ പരാതികൾ നൽകി തുടങ്ങിയ കുറ്റങ്ങൾക്ക് സരിത അറസ്റ്റ് ചെയ്യപ്പെടും. ഇത്രയൊക്കെ ആവുമ്പോൾ തന്നെ നിയമസഭാ തെരഞ്ഞെടുപ്പ് എത്തും. ബാക്കി വരുന്നിടത്ത് വെച്ച് കാണാം
3/4

പ്രത്യേക ശ്രദ്ധയ്ക്ക്: പ്രതികൾ വമ്പൻ രാഷ്ട്രീയ നേതാക്കളായതിനാൽ കേസുകളെല്ലാം കർണാടക കോടതികളിലായിരിക്കും നടക്കുക
4/4

പക്ഷേ നിർഭാഗ്യവശാൽ ഞാനല്ലല്ലോ സിബിഐ ഡയറക്ടർ! അതിനാൽ നടക്കാൻ പോകുന്ന കാര്യം പറയാം:-

സോളാർ കേസ് സിബിഐ ഏറ്റെടുക്കേണ്ട dimensions ഇല്ലാത്ത കേസാണ്. അന്തർ സംസ്ഥാന/ അന്തർദേശീയ മാനങ്ങളൊന്നുമില്ലാത്ത ഒരു സാധാരണ റേപ്പ് കേസ് മാത്രമാണ്. സിബിഐക്ക് ഇപ്പോൾത്തന്നെ ആവശ്യത്തിന് സ്റ്റാഫില്ല

രാഷ്ട്രീയ കാരണങ്ങൾ സംശയിക്കാവുന്ന കേസുകളിൽ അന്താരാഷ്ട്ര ബന്ധങ്ങൾ ഇല്ലെങ്കിൽ സിബിഐ അന്വേഷണം വേണ്ട എന്ന് ദുർഗാ ദേശ്പാണ്ഡെ കേസിൽ സുപ്രീം കോടതി വിധിച്ചിട്ടുണ്ട്. ഇതിന്റെയെല്ലാം അടിസ്ഥാനത്തിൽ സിബിഐക്ക് ഈ കേസ് ഏറ്റെടുക്കാൻ നിർവാഹമില്ല!

ഇതായിരിക്കും സിബിഐ നിലപാട്!

ഈ കാര്യങ്ങളെ ഖണ്ഡിച്ചു കൊണ്ട് കേരള സർക്കാർ വീണ്ടും പ്രധാനമന്ത്രിക്ക് കത്തയയ്ക്കും. മോദി അത് സിബിഐക്ക് കൈമാറും. സിബിഐ വീണ്ടും ഹാഹൂ എന്നൊക്കെ പറഞ്ഞ് കേരള സർക്കാരിന് മറുപടി നൽകും.

ഇതിനിടയിൽ ഈഡി സ്പീക്കറെ ചോദ്യം ചെയ്യാൻ നോട്ടീസ് കൊടുക്കും. തനിക്ക് ഭരണഘടനാ പരിരക്ഷ ഉണ്ടെന്ന് വാദിച്ച് സ്പീക്കർ ഹൈക്കോടതിയിൽ എത്തും. ഈ സമയം മുഖ്യമന്ത്രിയുടെ ഉപദേശപ്രകാരം ഗവർണർ നിയമസഭ പിരിച്ചു വിടും. തെരഞ്ഞെടുപ്പിൻ്റെ നോട്ടിഫിക്കേഷൻ ഇറങ്ങും!

നിയമസഭ പിരിച്ചു വിട്ടാലും പുതിയ സഭ നിലവിൽ വരുന്നത് വരെ തനിക്ക് ഭരണഘടനാ പരിരക്ഷ ഉണ്ടെന്ന് സ്പീക്കർ വാദിക്കും. സ്പീക്കർക്ക് വേണ്ടി ഇന്ദിരാ ജയ്സിംഗ് ഹാജരാകും. മഴ വന്നപ്പോൾ ഒരു തവണ മജിസ്ട്രേറ്റ് കോടതിയുടെ തിണ്ണയിൽ കയറി നിന്ന പഴയ എസ്എഫ്ഐക്കാരൻ അഡ്വ പി പി ഷൈജു ഈഡിക്ക് വേണ്ടി ഹാജരാകും

ഗുരുതരമായ ഭരണഘടനാ പ്രശ്നങ്ങൾ അന്തർഭവിച്ചിട്ടുള്ളതിനാൽ ഈഡിയുടെ നോട്ടീസ് ഹൈക്കോടതി സ്റ്റേ ചെയ്യും. തെരഞ്ഞെടുപ്പ് പ്രചരണം കൊഴുക്കും. മോദി വരും. പാവങ്ങളെ സഹായിക്കുന്നതിൽ നിന്ന് തന്നെ തടയാൻ ആർക്കും സാധിക്കില്ല എന്ന് പ്രഖ്യാപിക്കും. സിപിഎമ്മിൻ്റെ ഇരട്ടത്താപ്പിനെ കണക്കറ്റ് പരിഹസിക്കും

സോളാർ കേസ് സിബിഐ ഏറ്റെടുക്കത്തത് കോൺഗ്രസ് ബിജെപി ബന്ധത്തിന്റെ തെളിവാണ് എന്നായിരിക്കും സിപിഎമ്മിൻ്റെ പ്രചാരണം. സിബിഐ അന്വേഷിക്കട്ടെ, ഞങ്ങൾക്ക് പ്രശ്നമല്ല എന്ന് കോൺഗ്രസ് പറയും. സിബിഐ സ്വതന്ത്ര ഏജൻസിയാണ്, തങ്ങൾ അതിൽ കൈ കടത്തില്ല എന്നൊക്കെ ബിജെപി പറയും

സിപിഎമ്മിൻ്റെ സ്ഥാനാർത്ഥി പട്ടിക ആദ്യം ഇറങ്ങും. ചരിത്രത്തിലെ ഏറ്റവും കൂടുതൽ സ്വതന്ത്രൻമാരുള്ള പട്ടിക! അടിച്ചും തൊഴിച്ചും കോൺഗ്രസിന്റെ പട്ടികയും പുറത്ത് വരും. അവസാന നിമിഷം ബിജെപിയുടെ പട്ടികയും പുറത്ത് വരും..

അമിത് ഷാ പ്രചരണത്തിന് വരും. ദേശദ്രോഹികളുടെ തലയെല്ലാം പറ്റെ, ഒരു കുറ്റി പോലും നിർത്താതെ, ചെത്തിക്കളയുമെന്നു പറയും. സോഷ്യൽ മീഡിയയിലെ RW ആഘോഷിച്ചു തിമിർക്കും. പക്ഷേ പ്രമോദ് രാമൻ, സിന്ധു സൂര്യകുമാർ ഒക്കെ ചേർന്ന് ഇടതുപക്ഷ വ്യാജ വാർത്തകളും ട്രോളും ചെയ്ത് സിപിഎമ്മിൻ്റെ morale രക്ഷിക്കും

ഇതിനിടയിൽ കാനം രാജേന്ദ്രൻ, എൻ കെ പ്രേമചന്ദ്രൻ, ഡി രാജ മുതലായവർ നിരന്തരം ഭരണഘടന ഉയർത്തിപ്പിടിച്ച് ക്ഷീണിക്കും...

പക്ഷേ ഒരു കാര്യം...
തലകീഴായി കെട്ടിത്തൂക്കി നെറ്റിയിൽ തോക്കമർത്തി ഭീഷണിപ്പെടുത്തിയാൽ പോലും ശശി തരൂർ ഭാര്യാപീഡനക്കേസിൽ പ്രതിയാണ് എന്ന് ഒരു ബിജെപിക്കാരനും പറയില്ല

തെങ്ങിൽ പിടിച്ചു കെട്ടി തുണിയഴിച്ച് നിർത്തി കടലാവണക്കിൻ പത്തലിനടിച്ചാൽ പോലും ഒരു ബിജെപിക്കാരനും സോണിയയും രാഹുലും നാഷണൽ ഹെറാൾഡ് കേസിൽ പ്രതികളായി ജാമ്യത്തിലാണ് എന്ന് പറയില്ല...

തെരഞ്ഞെടുപ്പ് അടുത്തു വരുന്നു.. വരട്ടെ... നോക്കാം 😊