Thread by @nanachi_tang202

#काकूंची_मुलाखत
मराठी ट्विटर वरील 'वर्ल्ड फेमस' शेलिब्रिटी काकूंची मुलाखत घेणे हे काही येऱ्या गाबाळ्याचे काम नाही,
पण ते आम्ही शिताफीने पार पाडले.

अर्थात काकू फारच बिजी असतात,
'निलंग्यात' आहेत की 'भोसरीत' याची खातरी करून अपॉइंटमेंट घेऊनच आम्ही भोसरीला पोहोचलो

घरी (भाड्याच्या) पोहोचताच काकूंनी आपल्या परिचित इष्टाईल मध्ये स्मितहास्य करत आमचे स्वागत केले

घर भाड्याचे असले तरी खानदानी श्रीमंतीच्या खाणाखुणा घरभर दिसत होत्या
काकू एका उंची (उंच नव्हे हं!) सोफ्यावर बसल्या आणि आम्हास समोरच्या सोफ्यावर (तो ही अर्थात उंचीच!) बसण्याचा

आदेश वजा हुकूम दिला.

काका दिसत नव्हते. एकतर पहिल्या शिफ्ट ला गेले असणार किंवा नाईट करून झोपले असणार याचा अचूक अंदाज आमच्या अंतर्मनाने लावला.

चि. मंगेश टेबलावर (अर्थातच उंची) काहीतरी चित्र रेखाटत होता.(ते ही कोणाचे असेल हे न पाहताच आमच्या अंतर्मनाने अचूक हेरले)

काकू पोह्याची प्लेट व चहा आदरातिथ्याने देत बोलल्या 'पोहे व चहा तुमच्या काकांनी कामावर जायच्या आधी बनवला आहे. अप्रतिमच असणार'
(पोह्याची प्लेट त्यातला चमचा, पाण्याचा तांब्या चांदीचा असल्याचा भास ? आम्हास झाला)

आणि हो, पाण्याचा नळ आता आम्ही घरीच जोडलाय हे सांगायला

काकू विसरल्या नाहीत.

काकू(पूर्ण तयारीने)- हं आता विचारा काय विचारायचं ते

आम्ही- 'ई. स.पू. ४२०' मध्ये आपण निलंग्याहून इकडे आलात अशी ट्विटर च्या इतिहासात चर्चा आहे.

काकू- ट्विटर वरच्या काही 'लफग्यांनी' ही अफवा मुद्दाम पसरविली आहे. (आम्ही त्यातले नाही हं काकू असं उगीचच बोललो)

आम्ही काही वर्षांपूर्वीच इथे आलो आहे.

आम्ही- नाही म्हणजे ट्विटर वर खूप चर्चा आहे की आपण भाड्याच्या ...
(काकूंनी आमचं वाक्य पूर्णच होऊ दिलं नाही)

काकू(त्वेषाने) - हो हो आम्ही इथे भाड्यानेच राहतो, पण गावाकडे आमचा ४०-४५ कोटींचा वाडा आहे,
(आपला उंची फोन काढत काकू म्हणाल्या)

फार तर खात्री करून घ्या, नाही म्हणजे निर्मला ताईंनी कालच बजेट मांडलंय अजून २-३ कोटींनी महागला असेल आमचा वाडा.
(काकूंच्या मोबाईल च्या मागे सफरचंदाचे उर्फ 'apple' चे 'चिपकविलेले' चिन्ह पाहूनच आमची खात्री पटली, असेल बुवा ४०-४५ कोटींचा वाडा)

आम्ही- जाऊ द्या काकू लोक काहीही बोलतात

बरं पुढचा प्रश्न,

आपल्याला कोणती फुले आवडतात?

पण 'फुले' शब्द ऐकताच काकूंचा चेहरा रागाने फुलून गेला.

नाव नका काढू त्या स...च

आम्हालाच समजेना आमचं काय चुकलं ते
आम्ही सारवासारव करत म्हंटलं,
पण काकू आमच्या 'मानसी' (मनी)
असं काहीच नाही हो.

पुन्हा काकूंनी दुप्पट रागाने आमच्याकडे बघितलं
आम्ही सोफ्यावर जरा मागे सरकून विषय बदलत म्हंटलं,

बरं काकू फुलांचं जाऊ द्या , तुम्हाला संत्रे आवडतात ? नाही म्हणजे एक डझन घेऊन आलोय तुमच्यासाठी.

काकू (चौपट रागात) - अच्छा संत्री, फुले, म्हणजे त्या 'नागपूरवाली' कडून आमची सुपारी

घेऊन आलात तर?

आम्ही (केविलवाण्या अवस्थेत)- नाही हो , बरं जाऊ द्या काकू ते 'टिकली ' प्रकरणावर आपलं काय म्हणणं आहे ?

आता काकू थोड्या शांत झाल्या, (चांदीच्या ग्लासातून पाणी पीत) काकू बोलल्या,

काही नाही हो ट्विटर वरच्या एका 'भगिणीला' सल्ला दिला, जीन्स टॉप घालतेस ते ठीक आहे,

पण त्यावर टिकली लावत जा.
तर म्हणते कशी, जीन्स वर टिकली शोभत नाही.

मग मी ही म्हंटलं 'अगं भ.... टिकली जीन्स वर नाही कपाळावर लावायची असते' आता सांगा माझं काही चुकलं का? म्हणत काकूंनी घड्याळाकडे (अर्थातच उंची) पहात वेळ संपल्याचं खुनावलं.

आम्हालाही माहिती आहे की काकूंना

ट्विटर वर खूप काम असतं , म्हणून आम्हीही आवरत घेत उठून धन्यवाद काकू म्हंटलं

जाता जाता काकूंनी विचारलं, मुलाखत कोणत्या पेप्रात येणार? म्हणजे शेजारच्या वाचनालयात जाऊन वाचायला आवडेल बरं.

आम्ही- पेपरात नाही, ट्विटर वरच येणार
दिनांक-०४/०२/२०२१
वेळ- दुपारी ३.००

तुमच्या पर्यंत साभार पोहोचविण्याची व्यवस्था करू 🙏
#ओके_सॉरी_काकू
#तिरकस
कोणालाही दुखावण्याचा हेतू नाही, निखळ विनोद
@nileshs03
@paddy_064
@Ravindra131277
@Shrijoshi19
@mansifule
@Nilesh_P_Z @AtulAmrutJ

@Am_here_DURGA
@Pnayan3
@Pranit_Patil_98
@d_d_dhuri