وزیرِ اعظم عمران خان کی زیر صدارت نظام حکومت کے حوالے سے ترجیحی شعبہ جات اور بیرون ممالک میں پاکستانی ورک فورس میں اضافے کے حوالے سے اٹھائے جانے والے اقدامات پر جائزہ اجلاس
اجلاس میں نظام حکومت میں بہتری لانے، موجودہ قوانین میں ترمیم اور نفاذ، عام شہریوں کو انصاف کی فراہمی اور پولیس کے نظام میں بہتری لانے کے ساتھ ساتھ غیر ممالک میں پاکستانی ورک فورس میں اضافے کے حوالے سے کیے جانے والے اقدامات پر تفصیلی بریفنگ
چیف سیکرٹری پنجاب، چیف سیکرٹری خیبرپختونخوا اور چیف کمشنر اسلام آباد نے وزیرِ اعظم کو گورننس میں بہتری کے حوالے سے کیے جانے والے اقدامات پر تفصیلی بریفنگ دی
شہریوں کی شکایات کے ازالے، کھلی کچہریوں کے انعقاد، ریوینیو سے متعلقہ معاملات کے جلد از جلد حل، سروس ڈیلیوری کی بہتری، اختیارات کی تفویض و نچلی سطح پر منتقلی، ٹیکنالوجی کے استعمال کے فروغ، شہروں میں صفائی ستھرائی، عوام کی حکام بالا تک آسان رسائی و شہریوں کی سہولیات کے لئے ...
... اٹھائے جانے والے دیگر اقدامات پر تفصیلی بریفنگ
صوبائی سطح پر سول پروسیجر کوڈ میں ترمیم اور خصوصاً وراثت کے قوانین میں ترمیم کرکے خواتین کو جائیداد میں ان کے قانونی حق دلوانے کے عمل کو آسان بنانے کے حوالے سے پیش رفت پر بھی اجلاس کو بریف کیا گیا۔
صوبائی سطح پر سول پروسیجر کوڈ میں ترمیم اور خصوصاً وراثت کے قوانین میں ترمیم کرکے خواتین کو جائیداد میں ان کے قانونی حق دلوانے کے عمل کو آسان بنانے کے حوالے سے پیش رفت پر بھی اجلاس کو بریف کیا گیا۔
چیف کمشنر اسلام آباد نے وفاقی دارالحکومت میں قبضہ مافیا کے خلاف اٹھائے جانے والے اقدامات پر اجلاس کو بریفنگ دی
آئی جی اسلام آباد نے پولیسنگ کی بہتری کے لئے کیے جانے والے اقدامات سے اجلاس کو آگاہ کیا۔
آئی جی اسلام آباد نے پولیسنگ کی بہتری کے لئے کیے جانے والے اقدامات سے اجلاس کو آگاہ کیا۔
معاون خصوصی برائے بیرون ملک پاکستانیز سید ذوالفقار عباس بخاری اور انکی ٹیم نے بیرون ممالک پاکستانی ورک فورس اور ترسیلات زر میں اضافے کے حوالے سے اٹھائے جانے والے اقدامات سے وزیرِ اعظم کو بریفنگ دی۔
وزیرِ اعظم عمران خان نے اجلاس سے خطاب کرتے ہوئے کہا کہ نظام حکومت میں اصلاحات کا بنیادی مقصد عوام کے لئے آسانیاں پیدا کرنا اور انکو ہر شعبے میں انصاف کی فراہمی کو یقینی بنانا ہے۔
انہوں نے کہا کہ عوام اور حکومت کے درمیان تعلق کو مستحکم کرنا اور عوام کو بااختیار بنانا موجودہ حکومت کی اولین ترجیح ہے۔ انہوں نے کہا کہ اصلاحات کے مقاصد اس وقت تک حاصل نہیں ہوں گے جب تک ایک عام آدمی ان اصلاحات کے نتیجے میں واضح فرق محسوس نہیں کرے گا۔
وزیرِ اعظم نے ہدایت کی کہ شہریوں کے مسائل کے حل پر بھرپور توجہ دی جائے اور اس حوالے سے افسران و متعلقین کے لئے جزا اور سزا کا نظام رائج کیا جائے تاکہ اس حوالے سے کسی قسم کی غفلت برتنے کی شکایت نہ ہو۔
قبضہ مافیا کے خلاف ایکشن کے حوالے سے وزیرِ اعظم نے ہدایت کی کہ اس حوالے سے میڈیا کے ذریعے عوام کو مسلسل آگاہ رکھا جائے تاکہ عوام کو مفاد پرست عناصر کے منفی پراپیگنڈے سے محفوظ رکھا جا سکے۔
بیرون ممالک میں پاکستانی ورک فورس میں اضافے کے حوالے سے وزیرِ اعظم کو بتایا گیا کہ اس حوالے سے تین سالہ اسٹریٹیجی اور ایکشن پلان مرتب کر لیا گیا ہے جس میں ٹائم لائنز کے ساتھ تمام متعلقہ اداروں کی ذمہ داریوں کا تعین کیا گیا ہے۔
وزیرِ اعظم نے ان اقدامات پر اطمینان کا اظہار کرتے ہوئے ہدایت کی کہ اہداف کے حصول کے لئے ٹائم لائنز پر عمل درآمد کو یقینی بنایا جائے اور اس حوالے سے انہیں مسلسل آگاہ رکھا جائے۔
• • •
Missing some Tweet in this thread? You can try to
force a refresh
