Thread by @Raamraaj3

கொத்தப்புள்ளி, திண்டுக்கல் மாவட்டம்.

விரிவடைந்து செல்லும் கற்றை கதிர் எனப்படும். ‘‘தொடங்கி விரிவது கதிர்’’ என்பது இலக்கண விளக்கம். கதிர் என்றால் ஒளி என்றும் பொருள் உண்டு. 🙏🇮🇳1

உச்சிச் சூரியன்போல் பக்தர்களுக்கு வழிகாட்டும் ஒளி பொருந்திய பெருமாளாக கேட்டோர்க்கு நற்பலன்களைக் குறையின்றி அருளிக்கொண்டிருப்பவர், 🙏🇮🇳2

திண்டுக்கல் மாவட்டம், ரெட்டியார் சத்திரம் அருகேயுள்ள கொத்தப்புள்ளி “கதிர் நரசிங்கப் பெருமாள்’’ பக்தனுக்கு நலமும் சுகமும் அருளும் வழங்கிக்கொண்டிருப்பவர்.

பலர் சேர்ந்து வாழும் இடத்தினை பள்ளி என அழைப்பார்கள். கொத்த என்றால் புதிய என்பது பொருளாகும். 🙏🇮🇳3

புதியதாக பலர் சேர்ந்து வாழும் இடம் கொத்தப்பள்ளி என வழங்கப்பட்டது. ரெட்டியர் சத்திரம், கோபிநாதசாமி கோவில் அமையக் காரணமாயிருந்த கோபிநாதனும் ஆந்திரத்து பெல்லாரி பகுதியிலிருந்து முதன் முதலாக வந்து குடியேறியது இவ்வூருக்கு அருகில் உள்ள மலைப்பகுதி அடிவாரமாகும். 🙏🇮🇳4

அவர்களைக் காப்பாற்றியது அவர்களால் நரசிம்மர் என அழைக்கப்பட்ட திருமால் ஆகும். பெல்லாரியைச் சுற்றியுள்ள பகுதிகளில் இருந்த திருமால் வழிபாடும் நரசிம்மர் வழிபாடும் பேரளவில் இங்கு பதிந்து கதிர் நரசிங்கப் பெருமாள் கோவில் என அழைக்கப்பட்டது.

🙏🇮🇳5

கோவில் கருவறையில் கதிர்நரசிங்க பெருமாள், கமலவல்லி தாயார் லட்சுமியுடன் நின்றவாறு அருள்பாலித்துக் கொண்டிருக்கிறார். இவர்களுக்கு துணையாக சிவன் சுயம்பு லிங்கமாக உடனிருக்கிறார். 🙏🇮🇳6

சிவனும், பெருமாளும் ஒரே இடத்தில் காட்சி தரும் தலம் கொத்தப்புள்ளி கதிர் நரசிங்கப் பெருமாள் திருக்கோவிலாகும்.

கருவறைக்கு முன் அர்த்த மண்டபம், மகா மண்டபம் உள்ளன. கருவறையைச்சுற்றி சிறிய உள் பிரகாரம் உள்ளது. 🙏🇮🇳7

கருவறை சுவற்றுக்கும் வெளியே உள்ள சுவற்றையும் இணைக்கும் கூடு போன்ற தளஅமைப்பு உள்ளது. வெளி வரும்போது மணி மண்டபம், உள்ளே முன்பக்கத்தில் இரண்டு துவார பாலகர்கள் உள்ளனர். இந்தக் கட்டிடக்கலை நாயக்கர் காலத்து கட்டுமான அமைப்புபோல் உள்ளது.

🙏🇮🇳8

சந்நதிக்கு நேர் எதிரில் கருடாழ்வார் காட்சி தருகிறார். வெளிப்பிராகாரத்தில் கோயிலின் முன்புறத்தில், பிரமாண்டமான நீள்சாலை வடிவ ராஜகோபுரம் உள்ளது. உள்ளே நுழைந்தவுடன் வலதுபுறத்தில் அனுக்கிரக பைரவர், இடதுபுறம் வீரமகா ஆஞ்சநேயர், யோக ஹயக்ரீவர், சக்கரத்தாழ்வார், 🙏🇮🇳9

தனிக்கோவில் தாயார் ஸ்ரீ செங்கமலவல்லித் தாயார் சந்நதிகள் வடக்குப்புற மதில் சுவரில் சொர்க்கவாசல் ஆகியவை அமைந்துள்ளன. ஒவ்வொரு வியாழக்கிழமை தோறும் “வாக்தேவி” யான சரஸ்வதி தேவிக்கே குரு என அழைக்கப்படும் லட்சுமி ஹயக்ரீவருக்கு சிறப்பு வழிபாடு நடக்கிறது. 🙏🇮🇳10

வடக்கு நோக்கி காட்சி தரும் இவருக்கு ஏலக்காய் மாலை சாற்றி வழிபட்டால், கல்விச் செல்வம் பெருகும். ஆவணி திருவோணத்தன்று, ஹயக்ரீவருக்கு சிறப்புப் பூஜை நடைபெறுகிறது. 🙏🇮🇳11

படிப்பை முதலில் துவங்கும் குழந்தைகளும், கலைகளிலும், கல்வியிலும் தேர்ச்சி பெற விரும்பும் மாணவர்களும் அதிக அளவில் இவரை வழிபடுகின்றனர்.

தனிக்கோவில் தாயார் ஸ்ரீ செங்கமலவல்லித் தாயார் என்ற பெயரோடு கிழக்கு நோக்கி அமர்ந்த கோலத்தில் அருள் வழங்குகிறாள். 🙏🇮🇳12

ஒவ்வொரு வெள்ளிக்கிழமை ஆடி, தை மாத வெள்ளிக் கிழமைகள் சிறப்பு வழிபாட்டு நாட்களாக உள்ளன. சக்தி பொருந்தியவராக விளங்கும் ஸ்ரீ சுதர்சனர் என்னும் சக்கரத்தாழ்வார், கிழக்கு நோக்கி சதுர சிலா பலகையில் தேவர்களுடன் எழுந்தருளி அருள்வழங்குகிறார்.

🙏🇮🇳13

சுதர்சனரின் மேல்புறம் இரண்ய சம்ஹார நரசிம்மரும், கீழ்புறம் ஸ்ரீ லட்சுமி நரசிம்மரும் சுற்றிலும் எட்டு திக்குகளையும் காவல் காக்கும் வகையில் கருடன் பெருமாள் உபய நாச்சிமாரோடும் தேவதா சக்தி புருஷர்களும் எழுந்தருளியுள்ளனர். 🙏🇮🇳14

கோர்ட்டு, வழக்கு, வாகனத் தினால் வரும் விபத்து ஆகியவற்றில் இருந்து இவரை வணங்கி சாதகமான பலன் பெறுகின்றனர். தீராத வழக்குகள் கூட தீர்ந்து சாதகமாக முடிவதாகச் சொல்லப்படுகிறது. 🙏🇮🇳15

பலன் பெற்றவர்களும், பலன் வேண்டுபவர்களும் ஒவ்வொரு சித்திரை நட்சத்திர நாளில், விசேஷ திருமஞ்சனம் செய்கின்றனர்.

மேற்கு நோக்கிய சக்கரத்தாழ்வார் பின்புறத்தில் நான்கு வேதங்களே தேவர்களாக இருந்து நரசிம்மரை வழிபடுகின்றனர். 🙏🇮🇳16

நரசிம்மரை வழிபடு
வதால் எதிரியின் ஆக்ரோஷம் குறையும். செல்வம் பெருகும். வெள்ளிக்கிழமை தோறும் மஞ்சள் பொடி, சந்தனம், இளநீர், பால் ஆகியவற்றால் திருமஞ்சனம் செய்து காரியத் தடைகள் நீங்கி பலன் பெறுகின்றனர்.

🙏🇮🇳17

திருக்கோவிலின் க்ஷேத்திர பாலகர் என்ற அந்தஸ்தில் தெற்கு நோக்கி அனுக்ரக பைரவராக நின்ற கோலத்தில் அருளுகிறார், பொதுவாக, அவருக்குப் பின்னால் ஒரு நாய் இருந்தாலும் இருக்கும். இல்லாமலும் போகலாம். 🙏🇮🇳18

ஆனால், தீயதை அழித்து நல்லதை அருளுவதற்காக அவருக்கு பின்புறம் இரட்டை நாய்கள் துணையாகயுள்ளன.

இரட்டை நாய்களும் கிழக்கு - மேற்கு திசைகளை நோக்கி இருக்கின்றன. பைரவருக்கே உரியது எனச் சொல்லப்படும் தேய்பிறை அஷ்டமி வழிபாடு சிறப்பாகக் நடத்தப்படுகிறது. 🙏🇮🇳19

தங்கள் தொழில்ரீதியான பலன்களைப் பெற்று வேண்டுதல்களை நிறைவேற்ற பக்தர்கள் அதிகஅளவில் வருகின்றனர். ஞாயிற்றுக்கிழமைகளில் மாலை 4.30 மணி முதல் 6 மணி வரை ராகு காலத்திலும், வெள்ளிக்கிழமை ராகு காலத்தில் பகல் 10.30 மணி முதல் 12 மணி வரை 12 விளக்குகள் ஏற்றி வழிபடுவது, 🙏🇮🇳20

இந்தச் சந்நதியின் வழிபாட்டு முறையாகக் கொள்ளப்பட்டுள்ளது.

திருக்கோவிலின் வாயு மூலையில் இருப்பதற்கு பதிலாக அக்னி மூலைப் பகுதியில் வீரமகா ஆஞ்சநேயர் இருப்பது இங்கு சிறப்பாகும். பெருமாளின் பக்தர்களின் குறைதீர்க்க மிக்க ஆர்வம் கொண்டவராக ஆஞ்சநேயர் கருதப்படுகிறார். 🙏🇮🇳21

ஆஞ்சநேயரின் உடல்பகுதி கிழக்கு நோக்கியும், தலை வடக்கு நோக்கியும் உள்ளது. ஸ்ரீ வியாசராஜர் பிரதிஷ்டை செய்த ஆஞ்சநேயர் எனப்படும் வீரநடை போட்டபடி ஆஞ்சநேயர் பக்தர்களுக்கு அருள்பாலிக்கிறார்.🙏🇮🇳22

பண்டைக்காலத்தில் மன்னர்களின் கட்டுப்பாட்டில் இருந்த கோவில், காலப்போக்கில் கன்னிவாடி ஜமீந்தார்கள் பராமரிப்பில் இருந்தது. இந்த, கதிர்நரசிங்க பெருமாளை வழிபட்டால் ஜாதக ரீதியாக ஏற்படும் சூரியதிசை தோஷங்கள் நீங்கும் என்பது ஐதீகம்.

🙏🇮🇳23

கதிர்நரசிங்கப் பெருமாள் கோவிலின் சிறப்பாகக் கருதப்படுவது நெய்தீபம் ஏற்றுவதுதான். எண்ணெய் ஊற்றி இங்கு தீபம் ஏற்றுவதில்லை. திருமணத் தடை நீங்கவும், கணவர் பெற வேண்டியும் மன அழுத்தம் குறையவும், கவலைகள் நீங்கவும் ஏராளமான பெண்கள் நெய்தீபம் ஏற்றி வழிபடுகின்றனர்.🙏🇮🇳24

சித்திரைத் திருநாள் வருடப் பிறப்பு, நரசிம்ம ஜெயந்தி ஆடி மாதம் 18-ம் நாள் ஆஞ்சநேயர் சிறப்புத் திருமஞ்சனம், ஆவணி மூலம் ஹயக்ரீவர் திருமஞ்சனம், கோகுலாஷ்டமியன்று உறியடி உற்சவம், புரட்டாசி 3-வது சனிக்கிழமை பூஜை, திருக்கார்த்திகை, வைகுண்ட ஏகாதசி பைரவருக்கான தேய்பிறை அஷ்டமி பூஜை, 🙏🇮🇳25

திருக்கல்யாண உற்சவம் ஆகியவை கோவிலின் முக்கிய திருநாட்கள் ஆகியவை நடைபெறுகிறது.

புரட்டாசி மாதம் சனிக்கிழமைகள் மிகவும் முக்கியம் வாய்ந்தது. முதல் வாரம் பெருமாள், ஆஞ்சநேயருக்கு சந்தனக் காப்பு, 2-வது வாரம் வெண்ணெய் காப்பு, 3-வது வாரத்தில் பெருமாள் ஏகாந்த சேவை, 🙏🇮🇳26

ஆஞ்சநேயர் காய்கறி அலங்காரமும், பெருமாள் செங்கமலவல்லி தாயார்-திருக்கல்யாண உற்சவம், 4-வது வாரம் ஆஞ்சநேயர், பெருமாளுக்கு பழ அலங்காரம். 5-வது வாரத்தில் ஆஞ்சநேயர், பெருமாள்-புஷ்ப அலங்காரம் ஆக 5 புரட்டாசி சனிவார உற்சவம் நடத்தப்படுகிறது.

🙏🇮🇳27

திண்டுக்கல்லில் இருந்து சுமார் 12 கிலோ மீட்டர் தூரத்தில், பழனி தேசிய நெடுஞ்சாலையோரத்தில் கதிர் நரசிங்கப் பெருமாள் கோவில் அமைந்துள்ளது. பழனி செல்லும் பொதுமக்கள், பக்தர்கள் கதிர் நரசிங்கப் பெருமாளை தரிசித்து வருகின்றனர். 🙏🇮🇳28

குறிப்பாக ஆஞ்சநேயரின் அருளைப் பெற சனிக்கிழமைதோறும் இங்கு பக்தர்களின் கூட்டம் அலைமோதுகிறது. திருக்கோவிலில் தினமும் காலை 7 ½ மணி முதல் இரவு 7.00 மணிவரை தரிசன நேரங்களாகும்.

வாழ்க பாரதம் 🇮🇳🙏
வளர்க பாரதம் 🇮🇳🙏🇮🇳