Thread by @peru_vaikkala

Alice in Borderland (2020/Japan)

Genre : Sci-fi, Suspence Thriller
IMDb Rating : 7.2/10
Episodes : 8
Available in : Netflix
ஜப்பானிய மொழியில் வெளியான Alice in Borderland என்ற Manga comics பின்னர் Anime series ஆகவும் வெளிவந்தது. அதையே இப்பொழுது TV series ஆக வெளியிட்டுள்ளார்கள்.

கொரியன், மலையாளம் படங்கள் உயிரோட்டமா இருக்கிறதுக்கு காரணம் கதையோடு பின்னி பிணைந்திருக்கும் emotionsதான்.
ரத்தம் தெறிக்கிற action காட்சிகள் உள்ள கொரியன் படம் எல்லாம் பார்த்தீங்கன்னா அதன் பின்னணியில் நெஞ்சை உருக்கும் emotions காட்சிகள் இருக்கும்.
இதுவும் அதே மாதிரியான கதைதான்.

The Hunger Games triology, Maze Runner Triology போன்ற படங்கள் பார்த்திருக்குறீர்களா? அவற்றை போன்ற ஒரு survival விளையாட்டுத்தான் இந்த series.
ஆரம்பம் முதல் முடிவு வரை விறுவிறுப்புக்கு பஞ்சம் இல்லை. இரண்டாம் பாகத்துக்கு தரமான lead உடன் முடிவடைகிறது.

கதை : டோக்கியோவில் மூன்று நண்பர்கள் சந்தித்து பேசிக்கொண்டிருக்கின்றனர். நடு ரோட்டில் நின்று அவர்கள் செய்த சேட்டையில் விபத்து நடக்கிறது. போலீசுக்கு பயந்து ஒரு டாய்லெட்டினுள் சென்று ஒளித்துக்கொள்கின்றனர். சிறிது நேரத்தில் வெளியே வந்து பார்த்தால் அவர்களை தவிர அங்கு யாருமே இல்லை.

எல்லோரும் மாயமாக மறைந்து விடுகிறார்கள். கார்கள் எல்லாம் ரோட்டில் அங்கங்கே நிற்கின்றன, மின்சாரம் இல்லை, எந்த எலெக்ரோனிக்ஸ் பொருட்களும் வேலை செய்யவில்லை. திடீரென திரையில் Game ஆரம்பிக்கும் இடத்திற்கு செல்லும்படி குறிப்பிடப்படுகிறது. இவர்களும் அங்கு செல்கின்றனர்.

போன இடத்தில் சில போன்கள் இருக்கும். ஆளுக்கு ஒன்றை எடுத்துக்கொள்ளும்படி எழுதி இருக்கும். போனை கையில் எடுத்ததும், "Welcome to Game" என்று மெசேஜ் வருகிறது. இவர்களுடன் புதிதாக இரண்டு பெண்களும் கேமில் இணைகின்றனர். ஆட்டம் சூடு பிடிக்கிறது. அவர்களின் பரபரப்பும் நம்மை தொற்றிகொள்கிறது.

Diamond, Clubs, Spades, Heartsனு ஒவ்வொரு வகை cards ஐயும் சேர்க்க வேண்டும். ஒரு கேமில் வெற்றி பெற்றால் ஒரு card கிடைக்கும். ஒவ்வொறு கேமும் ஆளைக்கொள்ளும் விளையாட்டுக்கள். மூளையை, பலத்தை உபயோகித்து என்று விதம் விதமான விளையாட வேண்டும். புது விளையாட்டில் வேறு சிலரும் இணைவார்கள்.

Heart card games இல் அவங்களுக்கு பிரியமானவங்களையே கொல்ல வேண்டி வரலாம். கடைசியில் யார் வெற்றி பெற்றார்கள் என்பதுதான் கதை. முக்கிய கதாபாத்திரங்களுக்கு ஒவ்வொன்றுக்கும் ஒரு முன் கதை, அதையும் சரியான இடங்களில் சொல்லி நம்மை அசரடிக்கிறார்கள். எங்குமே அலுப்படிக்கவில்லை.

Seriesல காந்தியின் பொன்மொழி ஒன்றை முக்கிய கதாபாத்திரம் சொல்லும் காட்சி ஒன்று இருக்கும்.
காந்தி தேசத்தவரை தவிர மற்ற எல்லா நாடுகளிலும் காந்தியின் தாக்கம் அளப்பரியதுனு புரிஞ்சுக்கிட்டேன். கண்டிப்பா பாருங்க.