Thread by @taibahdot

غامدی اور #قادیانیت_نوازی4

مجدد الف ثانی کی عبارت میں غامدی تحریف وخیانت

مندرجہ ذیل سلسلہ وار پیغامات میں ہم مجدد الف ثانی کی عبارت اور اس کے صحیح معنی بتاتے ہوئے ان شاءﷲ واضح کریں گے کہ غامدی صاحب نے ان کی عبارت کے معنی بدل کر غلام قادیانی کے دفاع کی ناکام کوشش کی ہےـ ⏬

غامدی صاحب نے جس طرح ابن عربی کی عبارات سے غلام قادیانی کے دفاع کی کوشش کی تھی اسی طرح مجدد الف ثانی کی تحریر کے ایسے معنی نکال کر جو خود ان کی تشریح کے خلاف ہیں #قادیانیت_نوازی کی کوشش کی ہےـ
مجدد الف ثانی نے اپنے ایک مکتوب میں یہ ارشاد فرمایا ہے: "کمالات نبوت باقی ہیں-" ⏬

«کمالاتِ نبوت باقی ہیں»
اس جملے کی غامدی صاحب ان الفاظ میں تشریح کرتے ہیں: "منصب کمالات کیا ہیں، وحی آتی ہے نا، الہام ہوتا ہے، خدا سے رابطہ ہوتا ہےـ"
گویا غامدی صاحب کے نزدیک مجدد الف ثانی کی عبارت کا مطلب یہ ہے کہ نبی اکرم ﷺ کے بعد بھی کسی شخص پر وحی آسکتی ہےـ ⏬

"کمالاتِ نبوت" سے کیا وحی مراد ہے، اجرائے نبوت مراد ہے؟ ہم تین تشریحات پیش کریں گے جن سے واضح جائے گا کہ حضرت مجدد کی عبارت کا کیا مطلب ہے، اور غامدی تحریف وخیانت کیا ہے؟

1- خود مجدد الف ثانی اپنے مکتوب301 میں(جو کمالات نبوت کی تشریح کے لئے لکھا ہے) ارشاد فرماتے ہیں: =⏬

="جاننا چاہیے کہ کمالات نبوت کا حصول انبیاء عليهم السلام کے حق میں بغیر کسی واسطے کے ہوتا ہے، یعنی اللہ رب العزت کی طرف سے ان کو یہ عطا ہوتے ہیں. جبکہ حضرات صحابہ کو انبیاء کی اتباع اور ان کی وراثت کے طور پر یہ دولت ملتی ہےـ انبیاء وصحابہ کے بعد اور بہت سے لوگوں کو یہ" = ⏬

= اور بہت سے لوگوں کو کمالات نبوت کا مقام حاصل ہوا ہےـ ... یہ ہوسکتا ہے کہ انبیاء وصحابہ کے علاوہ کمالاتِ نبوت کی یہ دولت بہت سارے لوگوں کو اتباع کی وجہ سے حاصل ہوئی ہوـ (مکتوبات مجدد، مکتوب 301). ⏬

مجدد الف ثانی کی مذکورہ عبارت سے واضح ہوتا ہے کہ صحابہ کو نبی ﷺ ہی کے توسط سے یہ کمالات حاصل ہوئے ہیں. اور جب صحابہ کو یہ کمالات حاصل تھے تو کیا کسی صحابی نے اپنے لئے اجرائے وحی کادعوی کیا ہے؟ نہیں. تو غامدی صاحب عبارت کی تشریح کرتے ہوئے اجرائے وحی کے معنی کہاں سے لے آتے ہیں؟ ⏬

2 - حضرت مجدد کے صاحبزادے خواجہ محمد معصوم «مکتوبات معصومیہ» (369/1) مکتوب 192 میں کمالات نبوت کے بارے میں فرماتے ہیں: "امت کے بعض افراد کو کمالات نبوت، اتباع کی وجہ سے یا وراثت کی وجہ سے حاصل ہوئے ہوں تو یہ لازم نہیں آتا کہ وہ لوگ نبی ہوگئے یا نبی کے برابر ہوگئے. = ⏬

= "ایسا نہیں ہوسکتا. اس لیے کہ منصبِ کمالات کا حصول الگ چیز ہے اور منصب نبوت کا حصول الگ چیز ہےـ اس بات کی تشریح وتفصیل حضرت مجدد الف ثانی کے مکتوبات میں مختلف جگہوں پر لکھی ہوئی ہےـ"

مذکورہ تحریر سے بھی واضح ہوگیا کہ نبوت اور منصبِ کمالاتِ نبوت دونوں الگ اور مختلف ہیں. ⏬

3 - قاضی ثناء اللّٰه پانی پتی، کمالات نبوت کی تشریح کرتے ہوئے «تفسیر مظہری» (سورہ توبہ، آیت: 99-101) کی تفسیر میں لکھتے ہیں: "مجدد الف ثانی نے فرمایا: تمام صحابہ، اکثر تابعین اور تھوڑے تبع تابعین کمالاتِ نبوت کے حامل تھے"ـ⏬

مذکورہ بالا تینوں تحریروں سے واضح طورپر معلوم ہوتاہے کہ کمالات نبوت کے معنی اجرائے وحی یا اجرائے نبوت کے نہیں ہیں، ایسا نہیں کہ جسے کمالاتِ نبوت حاصل ہوں اس پر وحی آنے لگے یا وہ نبی بن جائے. صحابہ وتابعین جنہیں یہ کمالات حاصل تھے ان میں سےکسی نےبھی وحی یا نبوت کا دعوی نہیں کیاـ⏬

«کمالات نبوت» کی غامدی تشریح جس کے الفاظ یہ ہیں: "کمالات نبوت کیا ہیں؟ وحی آتی ہے نا، خدا سے رابطہ ہوتا ہےـ" وہ خود ساختہ اور غلط تشریح ہے، بلکہ تحریف اور خیانت ہےـ جسے کرکے اور مجدد الف ثانی کی عبارت کے معنی بدل کر غامدی صاحب غلام قادیانی کو بچانے کی کوشش کرتے نظر آرہے ہیں. ⏬

خلاصۂ کلام: مجدد الف ثانی کی عبارت ہے "کمالات نبوت باقی ہیں". غامدی صاحب نے حضرت مجدد، ان کے بیٹے خواجہ معصوم اور دیگر محققین کی تشریح کو نظر انداز کرتے ہوئے معنی بدل کر اس عبارت کی ایسی تشریح کی ہے جس سے نبی اکرمﷺ کےبعد اجرائے وحی کا شبہ پیدا ہوجائے. اور یہ سراسر علمی خیانت ہےـ