Thread by @taibahdot

غامدی اور #قادیانیت_نوازی5

مجدد الف ثانی اور عقیدۂ ختم نبوت

مندرجہ ذیل سلسلہ وار پیغامات میں ہم مجدد الف ثانی کی وہ عبارات پیش کریں گے جن میں عقیدۂ ختم نبوت کی صراحت ہے اور ان سے ہر اس شبہ کا ازالہ ہوجاتا ہے جسے غامدی صاحب نے ختم نبوت کے بارے میں پیدا کرنا چاہا ہےـ ⏬

مجدد الف ثانی نے ایک "مکتوب" میں ارشاد فرمایا: "کمالات نبوت باقی ہیں". غامدی صاحب نے اس کی ایک خود ساختہ تشریح یوں کی: "کمالات نبوت کیا ہے؟ وحی آتی ہے اور خدا سے رابطہ ہوتا ہےـ" جبکہ حضرت مجدد کے کسی مکتوب، کسی تصنیف میں "کمالاتِ نبوت" کی تشریح وحی اور رابطہ سے نہیں کی گئی ہےـ ⏬

غامدی صاحب کی یہ تشریح:
1- بے بنیاد اور علمی خیانت ہےـ
2- حضرت مجدد پر اجرائے وحی کا الزام ہےـ
3- حضرت مجدد پر جھوٹ وافتراء ہےـ
کیوں کہ مجدد الف ثانی، غلام قادیانی کے افکار سے بالکل بری ہیں، بلکہ وہ تو جا بجا ختم نبوت کی صراحت کرتے ہیں.
ذیل میں ان کی تین عبارات پیش خدمت ہیں. ⏬

1️⃣ حضرت مجدد نے «مکتوبات» (دفتر ٢، ص١٨٤ مکتوب ٦٧) میں لکھا ہے: "محمد رسول اللّٰه خاتم الرسل ہیں، اور انکا دین تمام سابقہ ادیان کیلئے ناسخ ہے ... جب عیسی علیہ السلام نازل ہوں گے تو وہ بھی حضرت محمد ﷺ کی شریعت پر عمل کریں گے اور انہی کے ایک امتی ہونے کی حیثیت سے رہیں گےـ" ⏬

2️⃣ حضرت مجدد نے «مکتوبات» (دفتر ١، ص٦٣٦ مکتوب ٣٠١) میں لکھا ہے: "نبوت نام ہے اللہ کے قرب کا، جس میں ظلیت کا کوئی شائبہ نہیں ہوتا ... اور اس منصبِ نبوت کے خاتم (ختم کرنے والے) سید البشر حضرت محمد ﷺ ہیں. جب حضرت عیسٰی نازل ہوں گے تو وہ بھی حضرت محمد ﷺ کی شریعت کے تابع ہوں گےـ" ⏬

3️⃣ حضرت مجدد «مکتوبات» (دفتر ١، مکتوب ٢٠٩) میں ارشاد فرماتے ہیں: "جب حضرت عیسٰی علیہ السلام نازل ہوں گے، تو خاتم الرسل محمد رسول اللہ ﷺ کی شریعت کے تابع کی حیثیت سے نازل ہوں گےـ"

مذکورہ تینوں عبارتوں میں مندرجہ ذیل چیزوں کی صراحت ہےـ ⏬

1- نبی اکرم ﷺ کی رسالت خاتم الرسالات ہےـ
2- جب حضرت عیسٰی علیہ السلام تشریف لائیں گے تو آپ کے تابع کی حیثیت سے تشریف لائیں گےـ
3- حضرت عیسٰی نزول کے بعد آپ ہی کی شریعت پر عمل کریں گےـ
4- نبوت کے اندر ظلیت کا شائبہ بھی نہیں ہےـ یعنی کوئی ظلی نبی نہیں ہوسکتاـ
⏬

غامدی صاحب نے غلام قادیانی کے دفاع کی کوشش میں اپنے سامعین سے حضرت مجدد کے اصل عقیدے کو چھپایا اور "کمالاتِ نبوت" کی غلط تشریح کرکے یہ #باطل تصور دینے کی کوشش کی ہے کہ حضرت مجدد بھی اجرائے وحی کے قائل ہیں، تو آخر صرف غلام قادیانی ہی کو کیوں کافر کہا جاتا ہے؟! ⏬

اب یہ فیصلہ آپ کو کرناہے کہ آپ قیامت کے دن امت مسلمہ کے ساتھ نبی اکرم ﷺ کی صف میں کھڑے ہوکر ان کی شفاعت کے مستحق ہونا چاہتے ہیں، یا غلام قادیانی اور اس کے حامیوں کی صف میں کھڑے ہو کر اپنی دنیا وآخرت تباہ کرنا چاہتے ہیں.
اللہ تعالیٰ سب کو صحیح فیصلے کی توفیق عطا فرمائیں. آمین