Thread by @taibahdot

غامدی اور #قادیانیت_نوازی7

کیا صوفیاء کی عبارات سے عقیدہ ثابت کیا جاسکتا ہے؟

مندرجہ ذیل سلسلہ وار پیغامات میں ہم ان شاء اللہ واضح کریں گے کہ کیا صوفیاء کی کتابوں اور عبارتوں سے عقیدے ثابت کئے جاسکتے ہیں؟ اور کیا غامدی صاحب کے یہاں اس کی گنجائش ہے؟ پسِ پردہ حقیقت کیا ہے؟ ⏬

🔹ﷲ تعالیٰ نے قرآن میں [أحزاب: 40] نبی اکرم ﷺ کو خاتم النبیین قراردیا ہےـ
🔹بخاری ومسلم کی احادیث میں ہے کہ نبی اکرم ﷺ نے واضح اعلان کیا ہے کہ میرے بعد کوئی نبی نہیں ہے۔
🔹امت اسلامیہ کا 14سو سالہ اجماع ہے کہ نبی اکرم ﷺ خاتم النبیین ہیں آپ کے بعد کوئی نبی نہیں ہےـ
بالمقابل ⏬

اس کے بالمقابل غامدی صاحب بعض صوفیاء کی عبارتیں پیش کرتا ہیں اور اُن سے ختم نبوت کے عقیدے کے خلاف غلام قادیانی کے عقیدۂ نبوت اور عقیدہ اجرائے وحی کو ثابت کرنے کی کوشش کرتے ہیں. تو کیا قرآن، حدیث اور اجماع سے ثابت شدہ عقیدہ قابل قبول ہوگا یا بعض صوفیاء کی عبارتیں قبول ہوں گی؟ ⏬

بلا شبہ قرآن، حدیث اور اجماع کا فیصلہ ہمارے لئے حرف آخر ہےـ اور صوفیاء کی عبارتوں کے کیا معنی ہیں؟ ہم گزشتہ ٹویٹس میں اس کو بالتفصيل بیان کر چکے ہیں۔

خود غامدی صاحب کے یہاں صوفیاء کی کتابوں اور عبارتوں سے عقیدہ ثابت ہوسکتا ہے؟ ان کی تحریرات سے ان کے موقف کا تجزیہ کرتے ہیں۔ ⏬

غامدی صاحب نے اپنی کتاب "میزان" کے صفحہ81 سے 196 تک میں ایمانیات کا ذکر کیا اور وہیں ختم نبوت کا بھی ذکر کیا ہےـ گویا خود غامدی صاحب کے یہاں ختم نبوت ایمانیات کا حصہ ہیں۔ دوسری جگہ غامدی صاحب نے "میزان" (ص: 15) پر لکھا ہے: "حدیث سے دین میں کسی عقیدہ وعمل کا اضافہ نہیں ہوتا"۔ ⏬

نیز "میزان" (ص:61) پر حدیث کے بارے میں لکھتے ہیں: "یہ بات تو بالکل واضح ہے ان سے دین میں کسی عقیدہ وعمل کا کوئی اضافہ نہیں ہوتا۔"
تو پھر غامدی صاحب کس منہ سے صوفیائے کرام کی عبارات سے ختم نبوت کے بالمقابل اجرائے
نبوت اور اجرائے وحی کے قادیانی موقف کےاثبات کی کوشش کرتے ہیں؟⏬

غامدی صاحب نے اپنی کتاب "مقامات" (ص:151) پر لکھا ہے:
"دین صرف وہی ہے جو قرآن وسنت میں بیان کر دیا گیا ہے اس کے علاوہ کوئی چیز دین نہیں نہ اسے دین قرار دیا جاسکتا ہےـ"

ختم نبوت تو قرآن، حدیث اور اجماع امت سے ثابت ہےـ تو کیا قادیانیت نوازی کے لیے غامدی صاحب = ⏬

= تو کیا قادیانیت نوازی کے لیے غامدی صاحب صوفیائے کرام کی عبارات سے استدلال کرکے اپنے ہی اصولوں سے انحراف کر لیتے ہیں؟

اپنا اصول بھول کر قرآن اور سنت کے علاوہ صوفیاء کی عبارات کا خود ساختہ مفہوم نکال کر جھوٹے غلام قادیانی کی نبوت کا دفاع کرنے کی کوشش کرتے ہیں غامدی صاحب۔ ⏬

🔹نبی اکرم ﷺ نے قیامت سے پہلے حضرت عیسی کے آسمان سے نزول کی خبر دی ہے اور نزول عیسی کا عقیدہ امت اسلامیہ کا متفقہ عقیدہ ہےـ چونکہ حضرت عیسی دوبارہ تشریف لائیں گے تو انہیں مسیح موعود بھی کہتے ہیں۔
اس کے بالمقابل غلام قادیانی کا ایک جھوٹا دعویٰ یہ ہے کہ وہ ہی مسیح موعود ہےـ ⏬

اور دلچسپ حقیقت یہ ہے کہ غامدی صاحب نبی اکرم ﷺ کے بتائے ہوئے نزول عیسٰی کے قائل نہیں ہیں۔ اس کے بالمقابل اقوال صوفیاء کے خود ساختہ مفہوم نکال کر انہوں نے ایسے غلام قادیانی کی تائید کی اور دفاع کیا ہے جو اپنے عیسی ہونے کا دعوی کرتا ہے اور جو اپنے آپ کو مسیح موعود کہتا ہےـ ⏬

نزول عیسٰی جس کی احادیث بخاری ومسلم میں ہیں، وہ تو غامدی صاحب کے نزدیک محل نظر ہوگیا اس کے بالمقابل غلام قادیانی کا دعویٰ مسیحیت ان کے لئے منظور نظر ہو گیا۔ گویا نبی اکرم ﷺ کا بتائے ہوئے مسیح موعود کو غامدی صاحب نے مسترد کیا اور اس مسیح موعود کی تائید وترجمانی کی جو جھوٹا ہےـ ⏬

غامدی صاحب "میزان" میں تسلیم کرتے ہیں کہ نزول عیسٰی کا تذکرہ احادیث شریفہ میں ہے اور محدثین نے اسے بالعموم قبول کیا ہےـ اس کے بالمقابل جس غلام قادیانی کا وہ دفاع اور تائید وترجمانی کر رہے ہیں، کیا اس کا تذکرہ کسی بھی ایک حدیث میں ہے؟ ہرگز نہیں۔ ⏬

غامدی نے نزول عیسٰی کے بارے میں لکھا ہے: "اس واقعہ کی طرف کوئی ادنی اشارہ بھی قرآن کے بین الدفّتین موجود نہیں ہےـ" اور لکھا ہے: "اسے بآور کرنا آسان نہیں ہے" یعنی اسے قبول کرنا آسان نہیں ہےـ
کیا قادیانی کی مسیحیت کا کوئی ادنی اشارہ بھی قرآن میں ہے؟ یا اس کو باور کرنا آسان ہے؟ ⏬

🔹حضرات صوفیائے کرام کے حوالے سے ایک اہم بات پیش نظر رکھنی ہو گی: صوفیائے کرام کی عبارات اور کتابوں میں تحریف کی گئی ہے، تبدیلیاں کی گئی ہیں جیسا کہ ہم پچھلی نشستوں میں بالتفصیل دلائل کے ساتھ بیان کرچکے ہیں۔ تو عقائد جیسی اہم چیزوں کا اثبات عبارتوں سے کیسے کیا جاسکتا ہے؟ ⏬

🔹صوفیاء کی اصطلاح میں ان کی کچھ عبارات کو شطحات کہتے ہیں۔
شطحات: وہ عجیب وغریب باتیں ہوتی ہیں جو صوفیاء وجد کی کیفیت میں بلا اختیار کہ بیٹھتے ہیں، اس میں بعض عبارات شریعت کے خلاف بھی نظر آتی ہیں۔ کبھی ایسا ہوتا ہے کہ اگر ان کی عبارات کو کوئی کو دوسرا آدمی سمجھنے کی کوشش کرے = ⏬

= تو اسے محسوس ہوتا ہے کہ یہ عبارت شریعت کے خلاف ہےـ جبکہ فی الحقیقت ان عبارات کے معنی وہ نہیں ہوتے۔ انہیں بھی شطحات کہتے ہیں۔
یہ بات اہل سنت اور خود صوفیاء کے یہاں طے شدہ ہے کہ شطحات قابل استدلال نہیں ہیں۔
خود غلام قادیانی بزرگوں کے اقوال کو حجت نہیں مانتا تھا۔ = ⏬

غامدی صاحب سے ایک سوال: آپ قرآن، حدیث اور اجماع کے مقابلہ میں بعض صوفیاء کی عبارتوں کے خود ساختہ مفہوم نکال کر غلام قادیانی کا جو دفاع، تائید اور ترجمانی کرتے ہیں۔ بتائیں
آپ کیا غلام قادیانی کو نبی مانتے ہیں؟ یا اسے مسیح موعود مانتے ہیں؟ اگر نہیں، تو اس دفاع کا کیا مقصد ہے؟ ⏬

غامدی صاحب! کیا آپ مسلمانوں میں انتشار پیدا کر کے ان کو یہ دعوت دے رہے ہیں کہ قادیانی اور صوفیاء میں کوئی فرق نہیں ہے لہذا اگر تم قادیانیت کو قبول کر لو تو اس سے کوئی فرق نہیں پڑتا؟ الغرض اپنے موقف کو واضح کریں کہ آپ کی تحریرات کو آپ کا ترجمان سمجھا جاسکتا ہے یا آپکی ویڈیو کو؟⏬