Thread by @AkListwa

#tread

#1- Si w poko li rapò ULCC sou BPH la, nou ankouraje w fè sa. Yon bank Leta ekip Tèt Kale a piye. Yo bay zanmi yo tankou Jovenel Moise, Evinx Daniel ak yon pakèt lòt, yon kantite lajan ki lakoz bank lan fè fayit. bit.ly/3vojTVl

✍️#PouLaVeriteAkPouListwa

#2- 26 Oktòb 2011, Michel Martelly nome yon konsèy direksyon ki gen Gesly Levèque ak Myryam Jean nan tèt BPH ki se yon bank Leta Ayisyen posede. Nominasyon sa ilegal, paske, règleman bank lan di, se yon konsèy administrasyon ki dwe jere l ak yon direktè jeneral.

#3- 15 novanm 2011, Jovenel Moise mande BPH prete 600 mil dola ameriken. Pou l prete lajan sa, li di bagay li posede vo 5.5 milyon US. Li di li posede yon tèren 300 mèt kare nan zòn Balan, Okap, ki vo 150 mil dola ameriken.

✍️#PouLaVeriteAkPouListwa

#4- Jovenel di bank lan li gen yon pwopriyete ki nan #31 rue Titus, Bas-peu-de-Chose. Li gen yon asirans 500 mil dola ameriken. Li gen 90 mil dola ameriken nan depo labank. Li di lajan li menm ak Martine Moise rante se plis pase 162 mil goud ak 6000 dola ameriken.

#5- BPH pa verifye si Jovenel posede sa li bay kòm garanti yo.

28 me 2013, BPH prete Jovenel Moise 19 milyon goud ak yon to 12 pousan pou l peye sou senk an. Malgre tout lajan ak byen Jovenel te di li genyen kòm garanti, li pa rive peye bank lan.

✍️#PouLaVeriteAkPouListwa

#6- An Novanm 2012, BPH prete Evinx Daniel plis pase 6 milyon goud san garanti. Yon pati nan lajan pèdi. Evinx se yon dilè dwòg lapolis te arete ak 23kg marijuana Okay. Li te bon zanmi Michel Martelly li te reprezante Okay. Li te vin disparèt apre sa. bit.ly/3qJD7B9

#7- An 2014, pouvwa Michel Martelly ak Evans Paul la, lanse yon pwogram ki rele "Chanje Metye, Chanje Lavi". Se nan PBH yo pran yon gwo kantite lajan nan move kondisyon. Yo itilize enfliyans yo pou pran lajan sa. Se youn nan koz fayit BPH.

✍️#PouLaVeriteAkPouListwa

#8- Rapò ULCC sou Banque Populaire Haïtienne nan mande pou lajistis pousuiv Marie Gesly Levêque ak Myriam Jean paske yo patisipe nan fayit bank kan.

Gesly ap travay jodi a pou USAID malgre li enplike nan malvèsasyon. . Jovenel Moise nome Myriam Jean minis touris mwa mas 2020.

#9- Rapò ULCC ammande pou lajistis rapousuiv André Dauphin, François Joseph (BRH) ak Myriam Fethière nan dosye fayit BPH la. Myryam Fethière se sè Marie Nelta Fethière ki se yon jij nan Lakoudèkont.

@Aklistwa ap chaje imaj André Dauphin ak François Joseph.

#10- Li enpòtan pou n gade jan BRH pa janm aji pandan tout tan sa BPH ap mal jere. BRH responsab pou fè Bank yo respekte sa an fransè yo rele "Normes prudentielles" yo, ki la pou anpeche bank yo pran yon seri risk ki mete yo an fayit. Se Charles Castel ki te gouvènè nan epòk la.