Thread by @roymukhtar

"شیر خدا کی بیٹی"
اللہم صل علی محمد وعلی آل محمد !
یزید کے دربار پہ سکتہ طاری تھا
تمام خوشامدی امراء اور یزید خود مہر بلب تھا۔ ساٹھ ہزار مربع میل کا اکلوتا حکمران ایک خاتون کی گرجتی آواز کو سن کر دہل رہا تھا
وہ یزید جس نے مخالفت میں بولنے والی ہر زبان کو کاٹ دیا تھا
آج خود 🔻

قوت گویائی سے محروم ہو چکا تھا
اس کے ظالم جرنیل بھی انگشت بدنداں تھے
بھرے دربار میں شیر خدا کی بیٹی بول رہی تھی
اور زمانہ سن رہا تھا
فرشتے بھی سن رہے تھے
کائنات کی حرکت رک چکی تھی
یہ بنت علی سیدہ زینب سلام اللہ علیہا تھیں
جو کربلا سے دمشق میں قیدی بنا کر لائی 🔻

گئی تھیں
یزید پلید کے وفاداروں نے 72 تن شہید کرنے کے بعد اہل بیت کی حرمت کو بھی پامال کیا
اہل بیت کی دشمنی جو یزید کو باپ دادا سے ملی تھی
اس نے خانوادہ رسول کو نا صرف کہ شہید کیا
بلکہ کربلا سے دمشق تک ان کا تماشا بنایا
جن کا انبیاء بھی احترام کرتے ہیں
جن کا نام سن کر فرشتے درود🔻

و سلام پڑھنے لگ جاتے ہیں
یزید کے دربار میں سیدہ زینب کا خطبہ تاریخی حیثیت رکھتا ہے
شیر خدا کی بیٹی کے الفاظ یزید کی تقدیر بن گئے
اس بد بخت کی نسل تک مٹ گئی
سیدہ نے فرمایا:
"اے یزيد اگر چہ حادثات زمانہ نے ہمیں اس موڑ پر لا کھڑا کیا ہے اور مجھے قیدی بنایا گیا ہے لیکن جان لے میرے🔻

نزدیک تیری طاقت کچھ بھی نہیں ہے۔ خدا کی قسم، خدا کے سوا کسی سے نہیں ڈرتی اس کے سوا کسی اور سے گلہ و شکوہ بھی نہیں کروں گی

اے یزید مکر و حیلے کے ذریعہ تو ہم لوگوں سے جتنی دشمنی کر سکتا ہے کر لے۔ ہم اہل بیت پیغمبر (ص) سے دشمنی کے لیے تو جتنی بھی سازشیں کر سکتا ہے کر لے لیکن خدا🔻

کی قسم تو ہمارے نام کو لوگوں کے دل و ذہن اور تاریخ سے نہیں مٹا سکتا اور چراغ وحی کو نہیں بجھا سکتا تو ہماری حیات اور ہمارے افتخارات کو نہیں مٹا سکتا اور اسی طرح تو اپنے دامن پر لگے ننگ و عار کے بدنما داغ کو بھی نہیں دھوسکتا، خدا کی نفرین و لعنت ہو ظالموں اور ستمگروں پر"
یزید 🔻

کے دربار میں دئیے گئے اس خطبے کی گونج چار دانگ پھیل گئی
اور یزید کا اقتدار محض تین سال کے عرصے میں ختم ہو گیا
وہ اقتدار جسے یزید کو دلوانے کیلئے یزید کے باپ نے چار سال مسلسل مہم چلائی
تمام تر اسلامی اصولوں کو پامال کیا
وہ ختم ہو گیا
اور یزید جہنم واصل ہوا 🔻

سیدہ زینب سلام اللہ علیہا پانچ ہجری کو مدینہ شریف میں پیدا ہوئیں
جب نبی کریم صلی اللہ علیہ وآلہ وسلم کا وصال ہوا ان کی عمر سات سال تھی
انہیں بچپن میں آپ صلی اللہ علیہ وآلہ وسلّم کی محبت و شفقت بہت زیادہ ملی
ان کی شادی حضرت عبداللہ بن جعفر طیار سے ہوئی
ان کے پانچ بچے تھے
جن میں🔻

سے حضرت عون و محمد کربلا میں شہید ہوئے دیگر تین بچوں میں حضرت عبداللہ،عباس اور ام کلثوم ہیں
حسنین کریمین اپنی ہمشیرہ سے والہانہ محبت رکھتے تھے
خصوصاً سیدنا امام حسین علیہ السلام کو تو آپ سے حد درجہ انس تھا
کربلا کے سفر میں بھی وہ آپ کی ہمسفر تھیں
اور کربلا میں قیامت ٹوٹنے کے🔻

بعد باقی خاندان کو بھی انہوں نے ہی سنبھالا
بیمار زین العابدین کو سہارا دیا
ظالم یزیدیوں کا سامنا کیا
حتی کہ یزید کے دربار میں اس کے سامنے خطبہ دے کر تاریخ رقم کر دی
آپ کا وصال 62 ہجری کو دمشق میں ہی ہوا
وہیں پہ آپ کا شاندار روضہ مبارک موجود ہے
جو مخلوق خدا کیلئے اس کی ایک 🔻

بڑی نشانی ہے
ہر سال کروڑوں لوگ سیدہ کے روضے پر حاضر ہو کر اللہ کی رحمتیں اور برکات سمیٹتے ہیں
اور ان کے وسیلے سے دعائیں قبول ہوتی ہیں
داعش کے خوارجی دہشت گردوں نے آپ کے روضے پر بمباری کی
جس کے بعد ان بدبختوں کی خلافت دنوں میں ختم ہو گئی
ابوبکر بغدادی سمیت تمام حملہ آور جہنم 🔻

واصل ہوئے
سیدہ کا روضہ دوبارہ پہلے سے بھی زیادہ آب و تاب سے چمک رہا ہے
اہل بیت سے جس نے بھی دشمنی کی
اس کا یہی انجام ہوا ہے
داعش کا ان علاقوں سے نام و نشان مٹ گیا
سیدہ کا فیض جاری ہے!!
قارئین:
میرے لئے یہ تھریڈ لکھنا انتہائی مشکل تھا
آنکھیں ہیں کہ برسنے لگ جاتی ہیں
اہل بیت پہ🔻

ٹوٹے مظالم کا تصور ہی دل دہلا دیتا ہے
افسوس مگر اس پر بھی ہے کہ اہل بیت اطہار کے مقدس ناموں کو بھی فرقوں میں بانٹ لیا گیا ہے
وہ اہل بیت جو پوری انسانیت کا آسرا ہیں
جو اللہ کی رضا و رحمت کا سب سے بڑا ذریعہ ہیں
ان کے گرد فرقوں کے جال بن دئیے گئے
میری محترم بہنیں جو اس تھریڈ 🔻

کو پڑھ رہی ہیں
آپ سب کیلئے سیدہ زینب سلام اللہ علیہا کی جرآت بہادری اور کردار مشعل راہ ہے
ان سے بڑھ کر اٹھارہ ہزار عالمین میں کوئی معزز نہیں
اللہم صل علی محمد وعلی آل محمد کما صلیت علی اِبراھیم وعلی آل اِبراھیم اِنک حمید مجید
#ولادت_سیدہ_زینب_سلام_اللہ_علیہا_مبارک