Thread by @AliBhattiTP

ایوب خان پر دریا بیچنے کا الزام

قیام پاکستان سے قبل پاک و ہند کا سارا دریائی اور نہری نظام ایک اکائی کے نیچے کام کررہا تھا۔ تقسیم کے وقت برطانیہ نے تجویز پیش کی کہ دونوں ملک ایک معاہدہ کر لیں اور اس نظام کو اسی طرح چلائیں۔ یہ تجویز پاکستان اور انڈیا نے مسترد کر دی۔

ملک

تھا اس طرح وہ بھارت کے رحم و کرم پر رہ جائیگا اور نہرو نے تو صاف طور پر کہہ دیا تھا کہ دریا بھارت کا مسئلہ ہیں۔ اس کی کشمیر کے ہندو راجا کے ساتھ ساز باز شروع ہوچکی تھی۔ اس کو امید تھی کہ دریاؤوں پر اسی کی بالادستی ہوگی۔ یوں انڈیا جب چاہے گا پانی روک کر پاکستان

سے اپنی من مانی شرائط منوا لیا کرے گا۔ پھر ہوا بھی ایسا ہی اور انڈیا کو کشمیر جانے کا راستہ بھی دے دیا گیا۔

تقسیم کے وقت بظاہر پاکستان فائدے میں تھا کیونکہ پنجاب کی 23 مستقل نہروں میں سے 21 پاکستان کے قبضہ میں آگئیں تھیں۔ لیکن دوسری جانب کشمیر پر قبضہ کرنے کے بعد

پنڈت نہرو کی منصوبہ بندی کے عین مطابق پاکستانی نہروں کو پانی مہیا کرنے والے دریاؤوں پر انڈیا قابض ہوچکا تھا۔

پنجاب کے پانچوں دریا پاکستان پہنچنے سے قبل انڈیا کے علاقے سے ہوکر گزرتے تھے۔ دریائے سندھ بھی کشمیر کے ایک حصے پر بھارت کے زیر قبضہ لداخ کے مقام پر

بھی بہتا ہے۔ لیکن ہمالیہ کی دور دراز گھاٹیوں میں بہنے کی وجہ سے وہاں اس کا رخ بدلنا ممکن نہیں۔ لیکن باقی دریا خاص طور پر ستلج بھارت کے میدانوں میں میلوں چکر کاٹ کر آتا ہے۔ اس کے علاوہ پانی کی تقسیم کے لیے دونوں دریاؤوں راوی اور ستلج پر قائم تمام اہم ہیڈ ورکس

بھی بھارت کے قبضہ میں آگئے۔ یہ وہ ہیڈورکس تھے جو پچاس سال سے ان کھیتوں کو پانی پہنچا رہے تھے جو پاکستان کے علاقے میں تھے۔ بھارت اس پوزیشن میں تھا وہ جب چاہتا وہ پاکستان کو پانی کی سپلائی روک سکتا تھا اور اسکا انہوں نے تجربہ بھی کیا۔

بھارت نے

آزادی کے فوراًً بعد پاکستان کا پانی روک لیا۔ جس پر پاکستان نے احتجاج کیا اور جنگ کی نوبت آنے لگی تو مارچ 1948ء تک کی مدت کے لیے ایک معاہدے پر دستخط ہوئے اور پھر عین اسی دن راوی اور ستلج کا پانی دوبارہ روک لیا جس دن یہ مدت ختم ہوئی۔ کسانوں نے ابھی گرمیوں کی

فضلیں بونی شروع کیں تھیں اور اس کے نتیجے میں پاکستان میں لاکھوں ایکڑ پر مشتمل فصلیں مکمل طور پر تباہ ہوگئیں۔

پاکستان اور بھارت کے درمیان پانی پر تنازعات شروع ہوگئے۔ اس سلسلے میں عارضی بنیادوں پر جو معاہدے ہوئے وہ پاکستان کے لیے غیر تسلی بخش تھے ۔

کیوں کہ جب برصغیر کے تمام مغربی علاقوں میں پانی کی سپلائی میں کمی ہوتی تھی تو بھارت پاکستان کا پانی اپنے استعمال کے لیے روک لیتا تھا۔ جب موسمی سیلاب پنجند دریاؤں میں امڈ آتے تو یہ پانی پاکستان کے سالانہ کوٹے میں سے منہا کر لیا جاتا تھا ۔ جو پاکستان کے کسی کام

نہیں آتا تھا۔

ورلڈ بینک نے دونوں ممالک میں تنازع حل کرنے کی کوشش کی۔ پاکستان کو کسی صورت میں بھارت کی بالادستی اور دریاؤں پر پورا کنڑول منظور نہیں تھا۔ دریاؤں کے بالائی حصوں پر قبضہ کی وجہ سے بھارت کی بالادستی تھی لیکن پاکستان اپنے ابتدائی

سالوں کی سختیاں بھگت کر پختہ ہوچکا تھا۔

ایوب خان کے مارشل لاء کے ساتھ ہی پاکستان نے دریائے سندھ کو کنٹرول کرنے کی کوششیں تیز کردیں۔ کوٹری بیراج مکمل ہوا۔ جس سے سندھ کے مشرقی علاقوں میں پانی میسر آیا۔ چشمہ بیراج مکمل کیا گیا۔ اس طرح سندھ اور پنجند

کے ارتصال پر اور سکھر کے درمیان گدو بیراج مکمل کیا گیا۔
نئے بیراجوں کی تعمیر سے پاکستان کے مسائل کم ہورہے تھے لیکن پاکستان پنجند کے پانیوں کو استعمال کرنے کے لیے بدستور بھارت کا محتاج تھا ۔

1960ء میں بلاآخر ورلڈ بینک کی ثالثی سے ایوب خان نے انڈیا

کے ساتھ پاکستان کے حق میں ایک بہت بہتر معاہدہ کر لیا جسے سندھ طاس کا معاہدہ کہتے ہیں۔

تین مشرقی دریاؤوں بیاس، راوی اور ستلج پر انڈیا کا حق تسلیم کیا گیا۔ جب کہ تین مغربی دریاؤوں سندھ، جہلم اور چناب پر پاکستان کا حق تسلیم کیا گیا۔ زیادہ پانی والے

دریا ہمارے پاس آئے۔ 16٪ فیصد پانی انڈیا کو جب کہ 84٪ پانی پاکستان کو ملا۔ بھارت نے وعدہ کیا کہ وہ پاکستان میں ان کے بہاوَ میں کبھی بھی کوئی مداخلت نہیں کرے گا۔
یہ ایوب خان کی بہت بڑی جیت تھی جو ایک عالمی ادارے کی ثالثی میں انڈیا کے چنگل سے 84٪

فیصد پانی لینے میں کامیاب رہا۔
اس معاہدے کے تحت ہائیڈرولوجیکل اور موسمیاتی مراکز کا ایک مربوط نظام قائم کیا گیا ۔ جس کی معلومات تک رسائی دونوں ممالک کو حاصل تھی۔

یہ تھا وہ معاہدہ جس کے بارے میں کہا جاتا ہے کہ ایوب خان نے تین دریا بیچ دئیے۔

اس معاہدے کے بعد ایوب خان نے تیزی سے ڈیموں کی تعمیر شروع کر دی۔ دنیا کا سب سے بڑا ڈیم تربیلا بنایا گیا، منگلا ڈیم تعمیر کیا گیا۔ پھر ایوب خان بھٹو اور مجیب کے گٹھ جوڑ کا شکار ہوگیا۔ تاہم وہ جاتے جاتے اتنا ضرور کر گیا کہ آج بھی ہماری آدھی خوراک اسی کے بنائے گئے ڈیموں، بیراجوں

اور نہروں کے مرہون منت ہے۔

ایوب خان کے بعد ڈیموں پر کام روک دیا گیا۔ انڈیا نے عالمی معاہدوں کی پاؤں تلے روندتے ہوئے پاکستانی دریاؤوں پر ڈیموں کی تعمیر شروع کر دی۔ کسی نے انڈیا کر روکنے کی کوشش نہ کی۔ یاد رہے کہ انڈیا نے سب سے زیادہ ڈیم ہمارے جمہوری ادوار میں

بنائے۔ البتہ پاکستان میں جمہوریت کے چیمپئنز اور قوم پرست جماعتیں ہر بننے والی ڈیم کی مخالفت کرتی رہیں۔ جس کی وجہ سے انڈیا کے پاس واپس ہمارے ساٹھ فیصد پانی کا کنٹرول جاچکا ہے۔