పుట్టపర్తి ధిషణకు జైకొట్టగ మనసాయె నాకు.
కలితీ కనరాని క్షీరకళలు చిలుకు అతని పలుకు
వెలితి ఎరుగలేని కడలి పొలుపు తెలుపు అతని తలపు
వ్యవహారాజ్ఞత అంటని వైదిక జాతకుడాతడు
రక్తికి భక్తికి సేతువు రచియించిన రసికుడతడు!!!
కలితీ కనరాని క్షీరకళలు చిలుకు అతని పలుకు
వెలితి ఎరుగలేని కడలి పొలుపు తెలుపు అతని తలపు
వ్యవహారాజ్ఞత అంటని వైదిక జాతకుడాతడు
రక్తికి భక్తికి సేతువు రచియించిన రసికుడతడు!!!
శ్రీ నారాయణరెడ్డి గారు సరస్వతీపుత్రునికి సమర్పించిన పై కవితా నీరాజంతో ఆ మహనీయునికి ఘనమైన నివాళిని సమర్పించుకుందాం🙏🌹💐🌷🌺🌼🏵️🇮🇳
అయనను తెలుగు వారు గుర్తించింది లేదు. ఈ జాతికి పండితులను గుర్తించే సంస్కారం కానీ, వైవిధ్యతను అనుశీలించే చాతుర్యం కానీ, ప్రాధాన్యతలను తెలుసుకునే తెలివి కానీ లేవు.ఐనా అయన తాను పుట్టిన తెలుగుజాతి కోసం చారిత్రక విషయాలను ఇతివృత్తంగా సృజనాత్మకతతో సాహిత్యీకరించగలిగిన
అద్వితీయ ప్రజ్ఞ ఉన్న ప్రతిభామూర్తిగా కీర్తిని పొందిన ఆ సరస్వతీపుత్రుడు డా పుట్టపర్తి నారాయణాచార్యులు.వారి జయంతి(24 -3 -1914 )నేడు. పుట్టపర్తి నారాయణాచార్యులు పద్నాలుగు భాషల్లో పండితుడు. ప్రాచీన, ఆధునిక సాహిత్యాల్లో దిట్ట. గొప్ప వక్త. శతాధిక గ్రంథకర్త.
కానీ, ఆయన ‘శివతాండవం’ గ్రంథకర్తగానే చాలామందికి తెలుసు. అయితే అంతకు ముందే చిన్నతనంలో చారిత్రక కావ్యాలే పుట్టపర్తిని కవిగా తెలుగు సాహితీ లోకంలో నిలబెట్టాయి.‘పెనుగొండలక్ష్మి’ పుట్టపర్తి తొలి రచన. దీన్ని ఆయన పన్నెండేళ్ల వయసులో (1926) రచించారు.
ఓ సందర్భం లో ఇలా అంటారు"ఆ రచనా కాలం నాటికి నాకు ఛందస్సు కూడా రాదు. తిక్కన భారతాన్ని బాగా చదువుతుండటం వల్ల ఆ వాచక శక్తి దీనికి పునాది అయింది. ఆంధ్రమహాభారతం శక్తి అలాంటిది" .పుట్టపర్తి గారి ఈ తొలి రచనే ఆ తర్వాత కాలంలో ఆయనకు విద్వాన్‌ పరీక్షలో పాఠ్యగ్రంథమైంది!.
మరి ఇంతటి ప్రతిభాశాలి గూర్చి మన పిల్లలకు చెప్పడం వాళ్ళ బాగు చూసుకునే తల్లిదండ్రుల భాద్యత కాదా! పందొమ్మిదేళ్ల వయసులో... తిరుపతి శ్రీ వేంకటేశ్వర సంస్కృత కళాశాల విద్యార్థిగా ఉన్నప్పుడు ‘షాజీ’ కావ్యరచన చేశారు పుట్టపర్తి. సహధ్యాయులే దీన్ని అచ్చొత్తించారు.
విశేషం ఏంటంటే, ఈ కావ్యమూ నాడు ఇంటర్మీడియట్‌ విద్యార్థులకు పాఠ్యపుస్తకంగా ఎంపికైంది. ఇంతటి ప్రతిభగల మహనీయులను పరిచయం చేసినప్పుడే గురువుల భాద్యత నిర్వహించిన వాళ్ళు అవుతారు!ఓ సందర్భం లో డా।। సినారె మాటల్లో చెప్పాలంటే-
కవిత్వాన్నీ, పాండిత్యాన్ని కలిసి ఆపోశన పట్టిన అగస్త్యుడు పుట్టపర్తి. చరిత్రకు తన కల్పనాశక్తిని జోడించి చిక్కటి చారిత్రక రచనలను వెలువరించాయన. మల్లంపల్లి సోమశేఖరశర్మ లాంటి వారు ఆ సరస్వతీపుత్రుణ్ని ‘చారిత్రకుడి’గా గౌరవించడానికి కారణం ఈ కృషే.
బహుముఖ ప్రజ్ఞ అన్న పదానికి పర్యాయంగా భాసించిన పుట్టపర్తి... ఓ అరుదైన సాహితీమూర్తి. పుట్టపర్తి వారు సాహిత్య రంగంలోనే కాదు, నిజ జీవితంలోనూ పండితుడు. పండితుడు అంటే –
విద్యావినయ సంపన్నే బ్రాహ్మణే గవి హస్తిని lశుని చైవ శ్వపాకే చ పండితాస్సమదర్శినః ||
విద్యావినయ సంపన్నే బ్రాహ్మణే గవి హస్తిని lశుని చైవ శ్వపాకే చ పండితాస్సమదర్శినః ||
(విద్యావినయ సంపన్నుడైన బ్రాహ్మని విషయంలో, ఏనుగు విషయంలో, శునకం, శునకమాంసము తిను వాని విషయంలోనూ సమానత్వం పాటించెడు వాడు పండితుడు) మరి అలంటి పండితులు మానవజీవితంలో కూడా ఉండాలి ఆలా ఉండేలా మన బిడ్డలను తీర్చిదిద్దాలని కోరుకుంటూ...
సరస్వతీ పుత్రుడు డా పుట్టపర్తి నారాయణాచార్యులకి ప్రణమిల్లుతూ..వారి గూర్చి కనీస పరిజ్ఞానమ్ లేని మన పాలకులనుచూసి ఆవేదన చెందుతూ..
* సవరణ 28-03-1914*
• • •
Missing some Tweet in this thread? You can try to
force a refresh
