Thread by @doc_farqaleet

سمادھی سر گنگا رام
سر گنگارام نے 10 جولائ 1927 کو لندن میں وفات پائی. بی پی ایل بیدی گنگارام کی آخری رسومات کے متعلق لکھتے ہیں ان کے انتقال کی خبر لاہور بذریعہ تار پہنچی 12جولائی 1927 کو بروز جمعہ گنگانواس لاہور میں ان کی کریا کی رسم ادا کی گئی. اس روز غرباء میں کپڑے اور نقدی

تقسیم کی گئی لالہ سیوک رام نے والد کی راکھ کو گنگا میں بہانے کی رسومات ادا کئیں جس میں دس ہزار افراد نے شرکت کی تقریب میں یوں نعرے لگائے گے دھان ویر کی جے,غریبوں کے ولی کی جے,ودھواؤں کے سہارے کی جے اور پنجابی حاتم طائی کی جے
15 اگست کو گنگارام کی وصیت کے مطابق ان کی بچی راکھ

لاہور لائی گئی جہاں بیوہ گھر اور اپاہج آشرم کے قریب واقع مقبرہ میں اسے رکھ دیا گیا گنگاپور کے لوگ درشن کے لیے آئے آخری تقریب میں ٹاون ہال گارڈن بھرا ہوا تھا ڈولا کا جلوس ہزاروں افراد پر مشتمل تھا لوگوں نے دکانیں بند رکھیں جلوس کے شرکاء میں دودھ تقسیم کیا گیا گھروں کی بالکونیوں سے

خواتین ڈولے پر پھول برساتی رہیں جلوس سمادھی کی جگہ پر پہنچا جہاں راکھ کو ماربل کے مقبرے میں دفن کردیا گیا. اس روز شہر بھر کے غرباء کو کھانا کھلایا گیا
سر گنگارام کی سمادھی لاہور میں کچا راوی روڈ پر ہے یہاں پہنچنا نہ ہی دشوار ہے نہ ہی بہت سہل اگر رہنمائی لینی ہے تو آپ دو مرتبہ

بلائنڈ کرکٹ ورلڈ کپ جیتنے والی ٹیم کی درسگاہ سن رائز بلائنڈ اسکول کا پوچھ سکتے ہیں یہ اسکول کافی معروف ہے اور سمادھ اس سے پہلے آتی ہے کافی دیر خوار ہونے کے بعد ہم نے آخر کار سمادھی تلاش کرلی لوہے کے دروازے سے داخل ہوئے تو ایک وسیع میدان میں موجود سمادھ کا دروازہ بند تھا اور ایک

عجب سی ویرانی تھی باہر ایک صاحب جو کہ روزنامہ پاکستان کے رپوٹر تھے ان سے معلوام ہوا کہ نگران صاحب تو غائب ہیں کچھ دیر میں آئیں گے کوئی آدھے گھنٹے بعد وہ تشریف لائے انہوں نے دروازہ کھول دیا. اندر داخل ہوئے تو سخت شرمندگی ہوئی لاہور کے محسن کی سمادھی میں تعمیراتی سامان پھینکا ہوا

تھا بانس ٹوٹی ہوئی لائٹیں اینٹیں معلوم ہوتا تھا کہ یہاں عرصہ دراز سے صفائی نہیں کی گئی 1948 میں منٹو نے لکھا تھا ہجوم نے رخ بدلا اور سرگنگارام کے بُت پر پل پڑا لاٹھیاں برسائی گئیں اینٹیں اور پتھر پھینکے گئے ایک نے منہ پر تارکول مل دیا دوسرے نے بہت سے پرانے جوتے جمع کیے اور ان

کا ہار بنا کر بُت کے گلے میں ڈالنے کے لیے آگے بڑھا مگر پولیس آگئی اور گولیاں چلنا شروع ہوئیں جوتوں کا ہار پہنانے والا زخمی ہوگیا چنانچہ مرہم پٹی کے لیے اسے سرگنگا رام ہسپتال بھیج دیا گیا مگر اس سے بھی ہماری تسلی نہیں ہوئی اور 1992 میں بابری مسجد کے تنازعہ کے بعد سمادھی کی

چاردیواری میں جو برجیاں موجود تھیں گرا دی گئیں سنگ مرمر کے بنچ فرش پر موجود سنگ مرمر اور سمادھی تک سے سنگ مرمر اتار کر بازار میں بیچ دیا گیا گنگارام کی ویران سمادھی میں ایک سوال گونج رہا تھا کہ کون ہے گنگارام وہ گنگارام جس نے لاہور کے لیے ایک وسیع ہسپتال بنایا جس نے آشرم

تعمیر کروائے جس نے گنگارام ٹرسٹ بنایا جس نے گنگارام ہائی سکول بنوایا جس نے نوجوانوں کے لیے روزگار کے مواقع پیدا کیے جس نے بزنس بیورو اور لائبریری بنوائی جس نے بیوہ خواتین کے لیے ٹرپل پرجیکٹ شروع کیا جس نے لڑکیوں کے لیے سکول کھولے, جس نے اپاہج آشرم کھولا, جس نے غریب ریلیف فنڈ قائم

کیا وہ گنگا رام جس نے گورنر کو کامرس کالج قائم کرنے کا مشورہ دیا تو کہا گیا جگہ نہیں ہے کوئی مناسب عمارت میسر آجائے تو کالج کی ابتدا کی جاسکتی ہے تو گنگارام نے گورنر کی کی میز پر اپنی رہائش گاہ کی چابیاں رکھ دیں اور اگلی سویرے گنگارام کے گھر میں ہیلی کالج آف کامرس کی کلاسیں شروع

ہوگئیں وہ شخص جس نے ہیرو کی طرح کمایا اور درویش کی طرح خرچ کیا مگر ہم نام نہاد زندہ دلوں کے ڈوب مرنے کا مقام ہے کہ اس عظیم شخص کی سمادھی کو اسکی پڑپوتی شیلا کو مرمت کروانا پڑتا ہے وہ شخص جس نے لاہور کو جدید ہسپتال دیا آج اس کی سمادھی پر سالوں میں بننے والی ڈسپنسری تک فعال نہی

ہمیں گنگارام کی یاد میں کوئی عمارت تعمیر کرنی چاہیے مگر ہم تو اس کی بنائی ہوئی عمارتوں کے بھی نام تبدیل کرنے کے درپے ہیں پنجاب یونیورسٹی کو دیکھوں تو جس نے اس جامعہ کو شعبہ کیمیاء بنا کر دیا آج اس کے نام پہ یہاں کوئی چیز نہیں حتی کے یہاں کے بیشتر طلباء اس کو جانتے تک نہیں جس شخص

کے متعلق لاہور کے بچے بچے کو معلوم ہونا چاہیے جس کو نصاب کا حصہ ہونا چاہیے آج اس کی سمادھ کھنڈر کا درجہ پانے کو ہے مگر ہم بے حس ہیں ہم وہ ہیں جو چوروں کا استقبال کرتے ہیں ہم لوگ لوٹنے والوں کو تاج پہناتے ہیں ہمیں کیا لگے محسنوں سے ہم لوگ اپنے جیسوں کو ہی عزت دیتے ہیں کیا ہم لوگ

زندہ دل ہیں کیا زندہ دل ایسے ہوتے ہیں یہ ہے ہماری زندہ دلی اور حکومت کو کیا کہنا انکو تو اپنی پڑی ہے کہ پانچ سال میں کتنا مال جمع کیا جائے گنگا رام کی سمادھ کی بوڑھی عمارت ہماری زندہ دلی کے لیے ایک سوال ہے سمادھ پر کونسلر صاحب کے ہمراہ اوباش لڑکے تاش کھیل رہے تھےآج کے بے فکر

نوجوان گنگارام جیسی عظیم شخصیات سے ناواقف ہیں ہمیں نصاب میں ہندو دشمنی کا زہر پلایا جاتا ہے تقسیم سے قبل حالات مختلف تھے گنگارام کی سمادھ پر ہر سال میلہ لگتا تھا یہاں آشرم بھی ہوتا تھا مگر اب کچھ بھی نہیں تقسیم میں بہت سا خون بہا اور شاید اس میں ہماری انسانیت کا بھی خون ہو گیا

@threadreaderapp unroll