كيف يعني فيني شنو غير الشعر؟!
الحمدلله فيني حاجات كتيرة غيره 😂
الشعر نهائي ما الجزء مني الdefines me.
هو جزء من جسمي وانا الوحيدة المطالبة اني احبه والوحيدة العندي حق أحدد شكله يكون كيف، وطبعاً الوحيدة اللي حق أقرر اذا حاغطيه ولا لا.
مع كل إطراء يجيني في شعري على حساب الشعر الما بيستوفى شروط الجمال الوهمية بتاعت مجتمعنا بحس بغضبي زايد.
الجمال ما محتاج شروط، اولاً.
ثانياً، في شعر ممكن يكون أجمل من غيره، بسبب لونه، تسريحته، كثافته، الخ..، لكن الحاجة دي عمرها ما مفروض تكون بسبب ملمسه/نوعه.
حقو عنصرية الشعر تقيف!
ربنا خلقنا كلنا بشعور جميلة، زي ما هي في حالتها الطبيعية. مافي ملمس او نوع بتاع شعر أفضل من غيره.
الشعر الناعم عمره ما حيكون أفضل من الشعر الخشن، وعنصرية الشعر عندنا حقيقةً حاجة تجيب الضغط.
ما ممكن يكون عندنا كل التنوع ده وكل الجمال ده بأنواعه المختلفة ولسه عايزين نضيِّق النطاق؟
نحنا سودانيين عندنا تنوعات كثيرة جداً في ألوان البشرة وأنواع الشعر والملامح المختلفة، لكن مجتمعنا بسبب عُقَد الإستعمار (مثل كره الذات) أصبح مبرمج على معايير جمال أوروبية ومقاييس جمال شافها في زهرة الخليج وفي ميديا العرب، وناسي انو نحنا أفريقيين عندنا جمال بنطاق أوسع من كده بكتير!
المهم، المجتمع لقى طريقة يخليني أكره فيها شعري مع انو بيستوفى شروطه الوهمية، لكن ما كان مستوفي شروطي انا وما قدرتا أحبه.
بسبب الstraightening والبروتين ومختلف الحاجات العملتها عبر السنين عشان اسهِّل الحياة على نفسي وما اتعامل معاهو كتير، بقى damaged وفيهو كم ملمس مختلف ومتلف.
وحتى مع الdamage لسه كنت بسمع تعليقات كويسة عنه لكن ما كنت بصدقها.
كنت بحس انو الناس بيعجبهم شعري لكل الأسباب الخاطئة.
كم مرة كنت حاقصه وخفت في آخر لحظة؛
خفت أزعِّل ماما، خفت ازعِّل حبوبة، خفت ما احب منظري بدون شعر طويل، حتى خفت فعلاً ما يطلع كان فيني شيء غير الشعر 😂
لكن مع الزمن اكتشفتا انو أجمل هيئة للشعر هي الهيئة الطبيعية الاتخلق بيها، وقررتا أقص كل الdamaged hair وأتعرف بشعري تماماً على هيئته الطبيعية (لأول مرة من ما كبرت وبقيت مسؤولة عنه).
اخيراً انا جاهزة عشان أكسر الحاجز ده وأمارس حكمي الذاتي كاملاً، وأحِل نفسي من قيد وعارض آخر.
اليوم ٦ أبريل، الذكرى الثانية للثورة المجيدة ✌🏾🔥♥️🇸🇩
واليوم، كفعل ثوري خاص بي،
حأخلص نفسي من ٣٠ سنتيمتر من شعري.
I finally did it 😍✌🏾🙏🏾🔥♥️
MY HEAD FEELS SO LIGHT & I FEEL SO LIBERATED! Omg!! YAAAS!! 🔥
Mama hates it ofc, said it’s the ugliest haircut she’s ever seen, my aunt said I’ve gone way too far, my grandma already went through all 5 stages of grief, but my bestfriends, siblings, cousins & friends love it.
Most importantly, I do.
Worth it? YES 🥰
المصممة والفنانة الاء ساتر تطرقت لموضوع عنصرية الشعر البتواجه نساء السودان الشعرهم أفريقي الملمس
والضغط المجتمعي لتمليسه/فرده ومعايرة الجمال بمعايير بيضاء/عربية
في حين انو المرأة ما مديونة للعالم بنوع معين من الجمال!
ده الألهمها تصمم طرح حريرية جميلة تحمي كل انواع الشعر الطبيعي.
"كنساء، لا اعتقد اننا مديونات للعالم بالجمال، او بضغط أنفسنا عشان نتبع لأي معايير جمال، بالذات معايير جمال دائماً بتستبعد السواد،
لكن نحنا مديونات لنفسنا اننا براحة نتقبل الأجزاء مننا الاتربينا واتعودنا على كرهها."
بما انو الناس متفاعلة مع الثريد،
رجاءً ابقوا كتااااااار بكرة يا بنات ويا شفاتة في #الموكب_النسوي ١١ص قدام وزارة العدل ضد الظلم والقهر والعنف الحاصل داخل وخارج المنازل السودانية.
ابقوا كتار عشان مطالبنا تتحقق ونقدر نخلق سودان جديد فيهو بيئة آمنة لجميع النساء والأطفال والرجال.
• • •
Missing some Tweet in this thread? You can try to
force a refresh
غايتو الحرامية والمنافقين وعبدة الرأسمالية والجهلاء والمستعمرين وتجار الدين والرجال العنيفين الكارهين عديمي الرحمة في الأجيال الفاتو ديل بهدلوك يالسودان، وحالياً انت قاعد بتبهدل فينا نحنا، ونحنا والله ما لينا ذنب 🥺
وكمان انتي يالرأسمالية انتهيتي مننا، وخلقتي ليك نوع من العنصرية كده حقك براك، فوق العنصرية وعُقد الاستعمار الأصلاً موجودة عندنا، والشغلة جاااطت. وجات القروش فرّقت الناس زيادة وجابت معاها كمان عُقد استعلاء واستعباد وقلة أدب، بالذات من الرجال وبالذات من الرجل الشمالي/"ود العرب".
الامهات البتساهم في انتاج اولاد زي ديل للعالم جزء كبير من المشكلة، وده برضو ضرر عميق من أضرار المجتمع الذكوري.
وجزء من أضراره انو حارم الاولاد من الأبوة الصحيحة بسبب مشاكل السودان وكلام الناس وبسبب انو الأب متوقع منو انو يساهم مادياً فقط وممكن فعلاً يكون ٣/٤ اليوم خارج البيت.
المجتمع بينظر لتربية الأطفال كمسؤولية المرأة، ومتوقع منها تساهم في تربيتهم معنوياً وذهنياً وجسدياً وربما مادياً وتشتغل شغل البيت وتعمل كل ده وهو لو حاول يقعد مع عيالو ساي بيقولوا "حارس" الاولاد.
الأب البيمارس أبوته كاملة ومساهم في تربية عيالو ممكن يسمع كلام فارغ كتير من الناس.
"انت باطل ولا شنو؟"
"ماسك العيال وبتأكل فيهم؟ دي شنو حركات النسوان دي؟"
و غيرها من عبارات الذكورة السامة الممكن تأثر فيه لدرجة يتحسس يقضي وقت ويهتم بأولادو وبناتو ويلعب معاهم ويمرقهم بأريحية، خوفاً من كلام الناس الفارغ الما بودي وما بجيب، وفي النهاية الضحايا بيكونوا الاطفال.
حاجة غريبة وحزينة ومحرجة جداً انو ولد كبير بالغ عاقل عندو مكانتو في المجتمع يكون ما بيعرف يأكِّل ويشرِّب نفسو ويهتم بيها وما بيعرف يكوي ويغسل ويرتِّب المساحة الهو عايش فيها وما بيعرف يهتم بنفسو وبس داير يشرفوا عليهو حياتو كلها زي الطفل🤔
المشكلة بعد ده عادي تجي تلقاهو بيقل أدبو على نفس الناس المشرفة على حياتو دي، ويجي بكل بساطة وبكل بجاحة يقلل من احترام شغل البيت عموماً ويستخدم عبارات سخيفة مثل "البنات مكانهم المطبخ" او يشتبك مع الناس عشان وجبة الغداء اتأخرت او هدومو وسخانة. ياخ قوة عين وقلة أدب عجيبة!
الواحد يغترب ويعيش براهو يلقى نفسو حرفياً ما بيعرف يعمل أي شيء من أساسيات الاهتمام بنفسو ويضطر وهو راجل كبير يا اما يعلم ويربي نفسو من أول وجديد على الإستقلال يا يعيش في فوضى تامة.
او يتزوج والبنت طبعاً تكون هي ضحية الدلع وقلة الأدب والقرصنة الشافها عادية في بيتو وجاها بيها.