Thread by @kashifch

سینگ اور سرگم

عجیب وغریب بچے پیدا ہونا کوئی انوکھی بات نہیں تھی۔ مگر ریاست کے کسی دور دراز مقام پر بغیر کانوں کے ایک بچے کی پیدائش پر بادشاہ کا پریشان ہونا نہ قابلِ فہم بات تھی۔

اگلے ہی روز وزیر نے ایک اور ایسے ہی بغیر کانوں کے بچے کی پیدائش کی اطلاع دی تو بادشاہ ٹھٹھکا۔
1

کیا یہ محض اتفاق تھا؟
بادشاہ کو کسی غریب کے گھر ایسے بچے کی پیدائش سے کیا لینا مگر پریشانی یہ تھی کہ مدتوں اور بہت سی دعاوں منتوں کے بعد ملکہ کی گود ہری ہوئی تھی اور بادشاہ کو ولی عہد ملنے والا تھا۔ اگر وہ بھی ایسا ہی پیدا ہوا تو۔۔۔ پھر؟ بادشاہ کو سوچ کر جھرجھری آگئی۔
2

پھر ایسی خبریں روز کا معمول بننا شروع ہوگئی تو بادشا ہ نے اجلاس طلب کر لیا۔ کوئی وزیر مشیر پیر فقیر ان واقعات کا تسلی بخش جواب نہ دے سکا۔ شاہی طبیب نے ملکہ کے لئے کچھ ادویات اور پرہیز بتائے مگر وجہ بتانے سے وہ بھی قاصر رہا۔ بادشاہ کا آرام و سکون غارت ہو گیا۔
3

کیا اس سب کا تعلق نور بانو کے واقعہ سے تعلق ہے؟ بادشاہ کے اندر ہاں اور نہیں کی ایک نئی جنگ چھڑ گئی ۔

نور بانو ایک خانہ بدوش مغنیہ تھی۔ رب نے کمال کی آواز و سوز عطا کیا تھا۔لوگ اس کو سننے کے لئے دیوانے ہوجاتے۔ یہ بارہ برس پہلے کی بات ہے۔
4

بادشاہ کے کانوں میں بھی اس کی شہرت کے چرچوں کی خبر پڑی اور ایک روز حکم دیا کہ اس مغنیہ کو شاہی دربار میں جگہ دی جائے۔ لیکن نور بانو خانہ بدوش تھی ایک مقام پر ایک شخص کے لئے گانا اسکی فطرت میں ہی نہیں تھا۔اس نے بادشاہ کا حکم رد کر دیا۔
5

ایک روز شہر سے باہر دورہ کرنے پر لوگوں کا جم ِ غفیر دیکھ کر بادشاہ خوش ہو کہ اس کے استقبال کے عوام کتنی جوش و خروش سے موجود ہے۔ مگر وزیر کے انکشاف پر کہ یہ نور بانو کو سننے کے لئے جمع ہوئے ہیں بادشاہ کو ایک صدمے سے دوچار کر دیا۔ وہ عوام کا ہردلعزیز بادشاہ ہر گز نہ تھا
6

تاہم عوام کے پاس بھی اس سے شدید نفرت کرنے کی کوئی خاص وجہ بھی نہیں تھی۔ مگر بادشاہ ، بادشاہ ہی ہوتا ہے اور مغنیہ ، مغنیہ ہی۔

حکم دیا اس کو دربار بلاو۔ اب حکم عدولی کرے تو گردن اتار دو۔
پھر حکم عدولی ہوئی۔
اگلے روز اسکی گردن اتار دی گئی

وہ وعوام کی مقبول ترین مغنیہ تھی
7

اس واقعہ کی خبر آناً فاناً سارے ملک میں پھیل گئی۔اس واقعہ نے ملک کے چاروں کونوں میں ایک آگ لگا دی۔ اس کے پرستاروں نے جلسے جلوس نکال مارے۔ اسکا گانا گاتے سینہ کوبی کرتے بادشاہ کے خلاف نعرے لگاتے

بادشاہ نے شاہی افواج کو ان باغیوں کی سرکوبی کا حکم دیا۔ کہیں لوگ امن سے بیٹھ گئے
8

کہیں جھٹرپیں ہوئی اور جانی نقصان بھی ہوا۔ مگر بالاآخر شورش پر قابو پا لیا گیا۔ تاہم عوام کے دلوں سے نور بانو کے نغمے نہ مٹائے جا سکے ۔ اسکا گانا اجتجاج اور بغاوت کی علامت بن گیا۔

فنکار مرنے کے بعد اپنی پوری قوت سے دوبارہ زندہ ہوجاتا ہے۔ بادشاہ اس حقیقت کو نہ سمجھ سکا.
9

درباری دانشوروں اور مذہبی رہنماوں کے زریعے موسیقی کو لہو و لعب قرار دیا گیا۔ تقریریں اور واعظ کروائے گے اور بالاآخر پورے ملک میں موسیقی پر پابندی لگا دی گی اور موسیقاروں کو ملک بدر کا حکم دے دیا گیا۔ساز سازندے سب ختم کر دئے گئے۔ موسیقی ناچنے گانے پر پابندی لگا دی گئی۔
10

سارے درباری قوالوں، رقاصاوں اور گوئیوں کی چھٹی ہو گئی۔ساز بجانےاور بنانے پر پابندی اور خلاف ورزی پر سخت سزائیں رکھ دی گئیں

عوام کی نگرانی کے لئے خصوصی خفیہ پولیس کے دستے بنائے گئے۔لوگوں کو سخت سزائیں دی گئی۔ زبانیں کاٹ دی جاتیں، کھولتے تیل میں ڈال دیا جاتا۔اعضا کاٹ دئے جاتے
11

اس سب کے باوجود بھی چوری چھپے کوئی نہ من چلا حقے کی نے میں سوراخ کر بانسری بجاتے پکٹرا جاتا۔ کوئی خشک گدو سے ساز بنا کر آواز نکالتا دھرلیا جاتا۔ بچوں کو چھوڑ دیا جاتا جو گندم کی بالی سے پیپی بنا کر گلی میں گھومتے پکڑے جاتے۔
12

موسیقی کسی نہ کسی شکل میں موجود رہی تو درباریوں نے شعر و شاعری پر پابندی کی تجویز دے ڈالی کہ شعر ہوگا تو گایا بھی جائے گا۔ بس پھر کیا تھا ادب و ادیب اور شاعر شاعری بھی ختم کر دی گئی۔

کچھ مار دئے گئے باقی ملک بدر کر دیئے گے۔ کتب خانے جلا دئیے گئے۔
13

معاشرے کی روح مرنے لگی ایک عجیب اداسی چھا گئی۔ لوگ بات بات پر قتل و غارت پر اتر آتے ۔

بادشاہ کو خود کو اور لوگوں کی توجہ ہٹانے کے لئے ایک نئی ترکیب سوجی۔ نئے لشکر بنائے گئے اور ارد گرد کی چھوٹی ریاستوں پر حملے کرنے شروع کر دئیے۔ ریاست بھی پھیلنا شروع ہو گئی۔
14

لوگوں کے ہاتھ مال ِ غنیمت بھی آیا۔ کچھ عرصہ عیاشی میں گزرتا اور پھر نئی مہم پر روانہ ہو جاتے۔ مگر پھر یہ جیت کی خوشی بھی ماند پڑتی گئی کہ جیت کا جشن کیسے منائیں۔ بادشاہ اس سے بھی تنگ آگیا۔

پھر خبریں آنا شروع ہوئیں کہ عوام نے نت نئے نشے شروع کر دئے ہیں۔
15

یہاں تک کہ خود لشکروں میں نشہ عام ہو چکا ہے۔ بادشاہ کو ریاست کی دفاع کی نئی فکر لاحق ہو گئی۔ ہر آنا والا دن کوئی ایک نئی بری خبر لاتا۔بادشاہ اسی سوچ میں بیٹھا تھا کہ منڈیر پر ایک پرندہ آ بیٹھا اور گانے لگا

بادشاہ پہلے ہی غم و فکر میں تھا پرندے کی آواز انتہائی ناگواز گزری۔
16

اگلے ہی روز اعلان کر دیا جو گانے والے پرندے مارے گا اس کو انعام ملے گا۔تھوڑے ہی عرصے میں صرف گدھیں اور چیلیں ہی بچھیں۔ مگر سکون پھر بھی نصیب نہ ہوا۔

ریاست میں اب عوام کے چہروں پر راتوں رات جنگلی جانوروں جیسے بال اگنے لگ گئے۔کسی کے سینگ نکل آتے۔
17

لوگوں کی شکلیں بد ہیت ہوتی جا رہی تھی۔ بادشاہ کو اس کی پروا نہیں تھی کہ غلامی اور بدصورتی ساتھ ساتھ ہی چلتی ہے ۔

ولی عہد کی پیدائش کے دن اب بہت قریب تھے کہ اب یہ بغیرکانوں والے بچوں کی پیدائش نے ایک نئی الجھن کھڑی کر دی جس کا حل کسی کے پاس نہ تھا۔
18

بادشاہ نے سوچا کہ ان سب کا اگر نور بانو والے واقعہ سے کوئی تعلق تھا یا نہیں لیکن ملکہ کے ذہنی سکون کے لئے موسیقی کا انتظام کرنے میں کوئی حرج نہیں۔ لہذا حکم ہوا گویئے اور سازندوں کو ڈھونڈا جائے۔ مگر اس سے پہلے کوئی انتظام ہوتا ملکہ نے ولی عہد کو جنم دے دیا۔
19

بادشاہ کے پیروں تلے زمین کسک گئی اور یہ دیکھ ہوش اڑ گئے کہ ولی عہد کے نہ صرف کان غائب تھے بلکہ وہ آنکھوں سے بھی اندھا تھا۔

ماخوذ

@threadreaderapp
please compile