Thread by @mohandastg

കൃസ്ത്യൻ ഇസ്ലാം മതങ്ങൾ പോലെ ഒന്നാണ് ഹിന്ദു എന്ന് ധരിച്ചാണ് പലരും ഹിന്ദുരാഷ്ട്രം എന്ന് കേൾക്കുമ്പോൾ അസ്വസ്ഥരാവുന്നത്. വാസ്തവത്തിൽ ഇംഗ്ലീഷിലെ religion എന്ന വാക്കിന് തുല്യമായി ഒരു വാക്ക് ഒരു ഭാരതീയ ഭാഷയിലും ഇല്ല. ഒരു ദൈവം ഒരു പ്രവാചകൻ ഒരു ഗ്രന്ഥം എന്ന ഏർപ്പാടാണ് religion
1/10

ഭാരതത്തിൽ ഇങ്ങനെ ഒരു ഏർപ്പാടില്ല. അനവധി ദൈവങ്ങൾ, അവതാരങ്ങൾ, ഋഷിമുനിമാർ അവധൂതൻമാർ സന്യാസിമാർ എണ്ണിയാലൊടുങ്ങാത്ത ഗ്രന്ഥങ്ങൾ സമ്പ്രദായങ്ങൾ ആരാധനാ രീതികൾ!! വിഭ്രാമകമായ ആധ്യാത്മികത! വേദാന്തം! ഇവിടെ religion ഇല്ല. ആർക്കും എന്തും ചെയ്യാവുന്ന, ആരും എന്തും ചെയ്യുന്ന...
2/10

വേണമെങ്കിൽ ഒന്നും ചെയ്യാതെയുമിരിക്കുന്ന നാട്ടിൽ എന്തു ദൈവം! ഏത് ഗ്രന്ഥം! ഏത് പ്രവാചകൻ! ഈ സമ്പ്രദായങ്ങളെ മൊത്തത്തിൽ ചേർത്ത് വിളിക്കുന്ന പേരാണ് ഹിന്ദു. അതിനാൽ ഹിന്ദു മതം എന്ന് ഒന്നില്ല. Religion എന്ന അർത്ഥത്തിൽ ഒട്ടുമില്ല.
3/10

വേണമെങ്കിൽ ഹിന്ദു മതങ്ങൾ എന്ന് പറയാം - അഭിപ്രായം സമ്പ്രദായം അല്ലെങ്കിൽ ഭാരതീയം എന്നൊക്കെയുള്ള അർത്ഥത്തിൽ. ഭാരതത്തെ ഹിന്ദുസ്ഥാൻ എന്നും ഭാരതീയരെ ഹിന്ദുക്കൾ എന്നും പണ്ടേ വിശേഷിപ്പിക്കാറുണ്ടല്ലോ?

ഒരു all embracing സ്വഭാവമുണ്ട് ഭാരതീയർക്ക്.
4/10

എല്ലാറ്റിനെയും എല്ലാവരെയും കൂടെക്കൂട്ടുന്ന സ്വഭാവം. ഇങ്ങനെയൊന്നുമല്ല - പാശ്ചാത്യ അറബ് സംസ്കാരങ്ങളെപ്പോലെ infidel heretic kafir തുടങ്ങിയ ഏർപ്പാടുകൾ ഇവിടെയും ഉണ്ടായിരുന്നു എന്ന് വരുത്തിത്തീർക്കാൻ ഒരുപാട് പേർ ശ്രമിക്കുന്നുണ്ടെങ്കിലും ഇതുവരെ വിജയിച്ചിട്ടില്ല.
5/10

ജാതി വ്യവസ്ഥയിൽ പോലും തൊട്ടുകൂടായ്മ ഉണ്ടായിരുന്നെങ്കിലും മറ്റൊരു ജാതിയിൽ പെട്ടയാളെ കണ്ടാലുടനെ കൊല്ലണം എന്ന കൽപന ഉണ്ടായിരുന്നില്ല. ഇതിനൊക്കെ ഏതെങ്കിലും പുരാണത്തിലേയോ ഇതിഹാസത്തിലേയോ കഥകൾ cherry pick ചെയ്ത് എടുത്തു പ്രതിരോധിക്കുന്ന വലിയൊരു സംഘം ചരിത്രകാരൻമാരുണ്ട് എന്നതും സത്യം
6/10

പക്ഷേ ഭാരതീയർ എന്ന ഹിന്ദുക്കൾ by and large വിശാല ഹൃദയരും തങ്ങളെ മോശമായിക്കാണുന്നവരെ പോലും ബഹുമാനിക്കുന്നവരുമായി തുടർന്നു. ഇത് ഭാരതത്തിന്റെ സാംസ്കാരിക പൈതൃകം. ഇതിനെയാണ് ഗുണപരമായി ഹിന്ദു എന്ന് വിളിക്കുന്നത്. ഇതിൽ മതമില്ലേ എന്ന് ചോദിച്ചാൽ മതവും ഉണ്ട് - സമ്പ്രദായം എന്ന നിലയിൽ
7/10

പക്ഷേ അത് ഹിന്ദു സമ്പ്രദായമായതിനാൽ മറ്റു മതങ്ങൾക്ക് ഭീഷണിയാവുന്നേയില്ല. മാത്രമോ - അഭാരതീയ religions നെ അംഗീകരിക്കുകയും ചെയ്യുന്നു! ഒരു private bus ൽ കൃഷ്ണൻ കൃസ്തു മെക്ക എന്നീ മൂന്നു ചിത്രങ്ങൾ വെച്ചിട്ടുണ്ടെങ്കിൽ ആ ബസ്സിന്റെ ഉടമസ്ഥൻ ആരായിരിക്കും? തീർച്ചയായും ഹിന്ദു ആയിരിക്കും
8/10

ഈ സ്വഭാവം ചരിത്രാതീത കാലം മുതൽ ഉള്ളതിനാലാണ് ഭാരതം ഹിന്ദുരാഷ്ട്രമാണ് എന്ന് പറയുന്നത്. ഭരണഘടനയിൽ എഴുതിയാലെന്ത് എഴുതിയില്ലെങ്കിലെന്ത്! രാഷ്ട്രത്തിന്റെ സ്വഭാവം അതേപടി നിലനിൽക്കും. മോഷണം ശിക്ഷാ നിയമത്തിലെ ഒരു കുറ്റമായാലും അല്ലെങ്കിലും നമ്മളാരും മോഷ്ടിക്കാൻ പോവില്ലല്ലോ
9/10

അതിനാൽ ഭാരതം ഹിന്ദുരാഷ്ട്രമാണ് എന്ന് പറയുമ്പോൾ ഒരു ഭയവും ആർക്കും വേണ്ട. പകരം ആശ്വാസവും അഭിമാനവും ആവേശവുമാണ് തോന്നേണ്ടത്..
ഭാരത് മാതാ കീ ജയ് 💪
10/10