Thread by @pagli_Says

قرآن اور عزت
جب ہم بڑے ہو رہے تھے تو دیکھا کہ ہمارے گھروں میں قرآن پاک کو بہت زیادہ عزت دی جاتی تھی، اونچا کر کے جزدان میں لپیٹ کر رکھا جاتا تھا، کرسی یا اسٹول رکھ کر اتارا جاتا تھا بہت احتیاط کی جاتی تھی کمر اس کی طرف نا ہو کہیں بے ادبی نا ہو جائے، پھر ہوتے ہوتے ہوں ہوا کہ👇

احترام تو بہت ہوا لیکن ہر روز کرسی رکھ کر اتارنا اور پھر واپس رکھنا مشکل لگنے لگا کون اس کو اتنے اہتمام سے اتارے لہذا جس کو خاص رغبت ہوتی اتار کے پڑھ لیتا ورنہ وہیں پڑا رہتا اور ویسے بھی گھروں میں خواتین قرآن خانی کا اہتمام کرتی تو قرآن پاک بھی اتار لیتیں مل کر بیٹھتیں اور👇

یوں قرآن پاک پڑھا جاتا۔
بعد میں کھانا اور گپ شپ بھی ہو جاتی یا پھر کسی کے انتقال، رمضان، یا عبادت کی طاق راتوں میں قرآن پاک کی باری آ جاتی۔
وقت بدلا، حالات بدلے، انسان بدلا، لوگوں کو سمجھ آنے لگی کہ خالی قرآن پاک پڑھ کر کیا ثواب حاصل کریں جب کہ قرآن پاک کے آغاز میں 👇

اللہ تعالیٰ اسے " ھدی المتقین " کہہ رہے ہیں۔ ذہن میں سوال ابھرا کیسے بنیں متقی؟ کیسے پائیں راہ ہدایت؟ لہذا قرآن پاک سے دوستی کا آغاز ہوا۔
قرآن پاک جزدان کی بجائے فریج یا الماری پر آ گیا ذرا سی ایڑیاں اونچی کیں اور پکڑ لیا، پھر وہاں سے کچن ٹیبل، سائیڈ ٹیبل، کافی ٹیبل تک گھر 👇

کا حصہ بننے لگا۔
اب لوگوں میں شعور آنے لگا کہ اس کی طرف پیٹھ نا کرو احترام کرو کا مطلب ہے اس کی تعلیمات سے منہ نا موڑو۔ اس کو انچا رکھنے کا مطلب پتا چلا کہ اپنی ذاتی خواہشات کو اس کی تعلیمات سے اونچا نا کرو، قرآن پاک بہت سے گھروں میں بیڈ ٹائم اسٹوری بننے لگا اس میں سے 👇

واقعات بچوں کو سنائے جانے لگے۔ کہاں قرآن پاک پر ایک لائن لگانا بھی گناہ کبیرہ سمجھا جاتا تھا اب اپنی من پسند آیتوں کو ہائی لائٹر سے نمایاں کیا جانے لگا، نوٹس بننے لگے۔
لیکن اس کا ایک بہت بڑا نقصان یہ ہوا کہ خواتین کا، خاندانوں کا، محلہ داروں کا میل ملاپ تو ہوتا رہا مگر قرآن 👇

خوانی کا اہتمام کم ہونے لگا۔
پھر ایک سوچ یہ بھی جنم لینے لگی کہ اگر سمجھ ہی نہیں آ رہا تو پڑھنے کا کیا فائدہ بہتر ہے پڑھنا رہنے ہی دیں۔
اس کی دلیل میں اپنا ذاتی واقع سناتی ہوں کہ ہمارے ملنے والی ایک فیملی کے چار بچے ہیں دو بیٹے دو بیٹیاں کسی ایک نے بھی قرآن پاک نہیں پڑھا ہوا👇

تھا۔ ایک دن وہ آنٹی ہمارے گھر آئیں تو دیکھا میں قرآن پاک پڑھ رہی تھی جب میں ختم کر کے اٹھی تو وہ مجھے پوچھنے لگیں تم نے قرآن پاک کب پڑھا ماما نے بتایا یہ تو بہت چھوٹی تھی تب سے پڑھ رکھا ہے اب تو ترجمہ تفسیر پڑھ رہی ہے، وہ آنٹی کہنے لگی میری بچیوں کو بھی پڑھا دیں ماما نے حامی👇

بھر لی مجھے کہا پاس ہی ہیں جا کر پڑھا آیا کرو جب میں ان کے گھر گئی کہا بلائیں بچوں کو تو وہ 24/24 سال کی جوان لڑکیاں تھیں میں چپ کی چپ رہ گئی۔ خیر الحمدللہ ان کو قرآن پاک پڑھایا۔
یہ تو لکھنے کے دوران بات یاد آ گئی خیر
جہاں تک سمجھ نہیں آتا تو کیا فائدہ پڑھنے کی سوچ ہے تو 👇

"حروف مقطعات" کی مثال سامنے ہیں نبی کریم صلی اللہ علیہ وآلہ وسلّم نے صحابہ اکرام کو سمجھایا کہ ان کا مطلب اگر سمجھ میں نہیں بھی آتا تو بھی ہر لفظ کو پڑھنے کا ثواب ہے نیکی ہے۔
لوگوں نے عبادت کو مخصوص راتوں تک محدود کر لیا اور روز عبادت کرنے کا معمول کم ہوتا گیا۔
اب پھر رمضان 👇

آ گیا ہے عبادت کا مہینہ ہے، قرآن پاک کا مہینہ ہے، قرآن پاک کے ساتھ ٹوٹے ہوئے تعلق کو دوبارہ جوڑنے کا مہینہ ہے، قرآن پاک کو ایک فریش کورس سمجھ کر پڑھیں، ایمان بوسٹر سمجھ کر پڑھیں، کوشش کریں پورا پڑھ سکیں اگر نہیں پڑھنے ہوتا تو آدھا ضرور پڑھیں اس کے ساتھ تعلق استوار کریں تا کہ 👇

پریشانیوں کے ساتھ آپ کا رابطہ منقطع ہو سکے، خود نہیں پڑھا جاتا تو روزانہ تھوڑا تھوڑا کر کے ان لائن قرآن سنیں ، ریکاڈنگ سنیں، کسی طرح سے بھی سہی تھوڑا ہی سہی سنیں ضرور۔
خود کو رمضانی مسلمان سمجھ کر سرزنش مت کریں، کسی کا رمضانی مسلمان سمجھ کر مذاق مت اڑائیں۔ کیا معلوم کوئی ایک 👇

آیت ہی ایسا لطف دے جائے کہ قرآن پاک سے آپ کا منقطع تعلق بحال ہو جائے، اسے سمجھنے کی نیت سے بھی پڑھیں اور ثواب کی نیت سے بھی۔
قرآن پاک کو اپنی یادوں کا حصہ بنائیں، اس سے اپنے دل و دماغ کو منور کریں قرآن پاک سے اپنی زندگی کو سجائیں، سنواریں، یہی اس کا احترام ہے، یہی اس کا حق 👇

ہے، یہی ہماری نجات کا ذریعہ ہے، یہی اسی سے دنیا میں سر بلندی، خوشحالی، خوبصورتی ہے، جس طرح اپنے بدن کو خوبصورت لباس سے سجاتے ہیں اسی طرح تلاوت قرآن سے اپنی روح اپنے دل کو سجائیں اپنی زندگی کا مستقل حصہ بنا کر
الفاظ میں غلطی کوتاہی کی معافی
طالب دعا #نوری
@threadreaderapp
"Unroll"