Thread by @KhayaaI

ترغیبی تھریڈ 👇
چاچا چپس والا سے خیال ڈیجیٹل مارکیٹنگ سروسز کا سفر۔۔۔
آج سے چند سال پہلے ہی کہ بات ہے میں رینالہ میں ہی ایک کریانہ و جنرل سٹور کی دکان چلاتا تھا۔ اچھی آمدنی ہو جاتی تھی گذر بسر بہترین چل رہی تھی۔ پھر والدہ کو کینسر تشخیص ہوا اور دو سال تقریباً ان کے علاج معالجے👇

کی وجہ سے مالی حالات بہت خراب ہوئے مقروض ہو گیا۔
پھر کئی جگہ نوکری ڈھونڈنے کی کوشش کی مگر نہ مل پائی۔
دکان میں فرنیچر وغیرہ موجود تھا مگر سودا ڈالنے کے پیسے نہ تھے۔
پھر ٹویٹر فیملی سے ایک بھائی نے مجھے کچھ بجٹ آفر کیا کہ اتنے پیسوں میں کیا ڈالوں جس سے خاندان کی کفالت ہو سکے۔👇

دکان کے سامنے دو سکول تھے جس میں خاصی تعداد میں بچے پڑھتے تھے۔ سوچ بچار کے بعد میں نے ان پیسوں سے آلو چپس اور سموسے وغیرہ فرائی کرنے کا سامان خریدا اور اللہ کا نام لے کر دکان کے باہر تھڑے پر چپس کا اڈہ لگا لیا۔
پہلے دو تین دن ہچکچاہٹ رہی۔ پھر ایک دن ایک اللہ کے بندے سے بات 👇

ہوئی تو اس کے سامنے حال دل رکھا۔ انہوں نے ہمت بندھائی اور انبیاء اکرام علیہم السلام کی مثالیں دیں کہ کس طرح انہوں نے کفالت کی غرض سے کیا کیا پیشے اپنائے رکھے۔
سن کر آنکھیں کھل گئیں۔ اس دن کے بعد خود ہی ساری ہچکچاہٹ دور ہو گئی اور میں باقاعدہ آوازیں لگا لگا کر بچوں کو متوجہ کر 👇

کے چپس بیچنے لگا۔ اعلی کوالٹی آلو چھیل کر اچھے گھی میں فرائی کرتا۔ گھر میں ہی سموسے و رول بنانے شروع کر دیے۔ ایک دن میں 30 کلو تک آلو اور سو سو سموسے و رول بکنے لگ گئے۔ پھر کچھ سٹیشنری اور گولی ٹافی وغیرہ ساتھ ڈاک لی جس سے روزانہ آمدن ہزار پندرہ سو ہو گئی۔ سکول کے اساتذہ کو 👇

دوپہر کا کھانا اور چائے گھر سے بنوا کر دینے کے گیا جس سے مزید آمدنی میں اضافہ ہوا۔
پھر اللہ کریم نے ایک اور امتحان میں ڈال دیا۔ کرونا وبا آئی جس سے سکول بند ہو گئے اور یوں چاچا چپس والا پھر ویہلا بیٹھ کر مکھیاں مارنے لگا۔
انہی دنوں احساس پروگرام شروع ہو گیا۔ میں نے سینکڑوں کی 👇

تعداد میں لوگوں کی رجسٹریشن و راہنمائی مفت میں کی۔ جن کو پیسے ملے انہوں نے دعائیں دیں اور باقیوں نے گھر کی دہلیز پر ڈیرے ڈال لئے کیونکہ کچھ سیاسی مخالفوں نے یہ افواہ اڑا دی کہ میں نے لوگوں کے شناختی کارڈ نمبرز کے ذریعے خود پیسے نکلوا لیے۔🤣
ایک۔دن حالت یہ تھی کہ نہ گھر میں راشن👇

تھا اور نہ ماں کی دوا کے لئے پیسے۔ ایک دوست کو فون کیا ادھار مانگنے کے لئے اس نے کہا گھر آکر لے جائیں۔ گیا تو دیکھا دوست کا چھوٹا بھائی فیصل آباد سے کپڑا لا کر فروخت کر رہا تھا۔ دوست سے کہہ کر اس سے چالیس سوٹ ادھار لئے اور دکان سے چپس کا سامان اٹھا کر کپڑا رکھ کے بیٹھ گیا۔
👇

لاک ڈاؤن تھا سوچا لوگ مجھ سے کپڑا خریدیں گے۔ مگر 8سو کے آئے سوٹ کا 12 سو مانگتا تو بیبیاں کہتیں 5 سو لے لو۔
ایک دن ایسے ہی کچھ سوٹوں کی تصویریں لیں اور #قلمکار واٹس ایپ گروپ میں ڈال دیں۔ سبھی قلمکاروں نے مشورہ دیا کہ ٹویٹر پر پوسٹ کروں۔ شرم محسوس ہو رہی تھی نہ ہی ٹویٹر پر👇

چند لوگوں کے سوا کوئی جانتا تھا۔ فالوورز ہزار ڈیڑھ ہزار تھے۔ خیر قلمکاروں کی خاص طور پر نوید، نقوی، ندیم اور ظفر ڈار بھائی کے ہمت بندھانے پر ٹویٹر پر پوسٹ کر دی۔ پہلے ہی دن پچیس تیس سوٹ بک گئے۔
اس کے بعد اللہ کریم مدد، ماں کی دعا، ٹویٹر فیملی کی۔محبتوں، دعاؤں اور تعاون سے سلسلہ👇

چلتا گیا۔ کپڑوں کے بعد جوتے اور بہت کچھ میری کیٹلاگ کا حصہ بنتا چلا گیا۔ شروع میں کئی سپلائرز کی وجہ سے مشکلات بھی آئہں۔ غیر معیاری اشیاء بھی سپلائرز نے بھیجیں مگر میں نے شکایت ملنے پر فوری واپس لے کر کرم فرماؤں کو ان کے پیسے واپس کئے۔ کئی سپلائرز نے دھوکہ بھی کیا میری رقم بھی👇

دبائی۔ مگر ان سب مشکلات کے باوجود میں مستقل مزاجی سے ڈٹا رہا۔ اپنے منافع کا ایک خاص حصہ میں اپنے ضرورت مند عزیز دوستوں کے لئے وقف کر دیا جس سے ان کی ضرورتیں بھی پوری ہوتی رہیں۔ اس بجٹ میں ٹویٹر فیملی سے کئی احباب بھی میرے شریک ہیں۔
سرمایہ نہ ہونا میری ترقی میں بڑی رکاوٹ تھا👇

پھر ایک دوست نے سرمایہ آفر کیا۔ میں پاکستان کے مختلف شہروں میں جا کر سپلائرز سے بلمشافہ ملا اور ان کی مصنوعات خود جا کر دیکھیں۔
لاہور میں ایک عمارت لیکر اس میں دفتر اور ڈسپلے سنٹر بنایا۔ ویب سائٹ بنوا رہا، فیسبک، انسٹاگرام، ای بے وغیرہ کے ذریعہ آنلائن "خیال مال" بنا کر بیٹھ 👇

گیا ہوں۔
شہد، ہئر آئل،جوتے، کپڑے، دیسی گھی اور جیولری وغیرہ مخصوص مقدار میں اپنے پاس خرید کر رکھ لیا ہے۔
مردانہ کپڑا فیصل آباد کپڑا مل سے خرید کر صرف 50 سے 80 روپے فی سوٹ منافع کیساتھ بیچ رہا ہوں۔ پشاور اور چارسدہ سے آرڈر پر چپلیں بنوائیں ہیں۔ کاٹن، بوسی کرنڈی کھدر کی اعلی 👇

کوالٹی مناسب قیمتوں میں بیچوں گا۔ مدینہ سے کھجوریں بھی آرڈر کر رکھیں جو دس پندرہ دن تک مل جائیں گی۔
اور اس طرح اللہ کریم کے فضل و کرم اور آپ احباب کی دعاؤں سے "خیال مال" پہلے ہی کی طرح ایک خاص شرح منافع فلاحی کاموں کے لئے وقف کرتے ہوئے رزق حلال کے حصول کیلئے کوشاں رہوں گا۔👇

اللہ کریم سے دعا ہے کہ مجھے ثابت قدم رکھے اور خلوص نیت اور ایمانداری سے کام کرنے کی توفیق عطا فرمائے۔
آمین یارب العالمین 😥