Thread by @drAnsarikka

കേന്ദ്രത്തിന്റെ കോവിഡ് വാക്സിനേഷൻ പ്രോഗ്രാം അട്ടിമറിക്കാൻ ഗൂഡ ശ്രമങ്ങൾ നടക്കുന്നുവോ എന്ന സംശയം വീണ്ടും ശക്തമാകുന്നു .

വാക്സിൻ ക്ഷാമം ഉണ്ടെന്ന് വരുത്തിത്തീർത്ത് , ജനങ്ങളിൽ പരിഭ്രാന്തി ജനിപ്പിക്കാൻ ചില ശ്രമങ്ങൾ നടക്കുന്നതുപോലെ തോന്നുന്നു .

കുറച്ച് മുൻപ് ഒരു സുഹൃത്ത്

1/

എറണാകുളത്തുനിന്നും ഇതേപ്പറ്റി ഫോണിൽ സംസാരിച്ചിരുന്നു.

വൈപ്പിനിലുള്ള സുഹൃത്ത് ഇന്നലെ പ്രായമായ അമ്മക്ക് വേണ്ടി ഓൺലൈനിൽ വാക്സിനായി രജിസ്റ്റർ ചെയ്തിരുന്നു.

എറണാകുളത്തെ ഒരു പ്രൈവറ്റ് ഹോസ്പിറ്റലിലാണ് സ്ലോട്ട് അലോട്ട് ആയത്.

വൈകിട്ട് 6 മണിക്ക് ഹോസ്പിറ്റലിൽ നിന്നും വിളിച്ചു.
2/

ഇന്ന് രാവിലെ 9 ന് വാക്സിൻ സ്വീകരിക്കാൻ അവിടെ എത്താൻ പറഞ്ഞു .

പറഞ്ഞതുപോലെ സുഹൃത്ത് രാവിലെ അമ്മയെയും കൂട്ടി ഹോസ്പിറ്റലിലേക്ക് യാത്രയായി .

ശനിയാഴ്ച കർഫ്യൂ കാരണം വഴിയിൽ പലസ്ഥലത്തും പോലീസ് ചെക്കിങ് കഴിഞ്ഞ് അവർ കൃത്യ സമയത്ത് ഹോസ്പിറ്റലിൽ എത്തി .നാലു പൂരത്തിനുള്ള ആളുകൾ അവിടെ

3/

തടിച്ചു കൂടിയിട്ടുണ്ട് .

വാക്സിൻ എടുക്കാൻ വന്നവരും ഹോസ്പിറ്റൽ സ്റ്റാഫുമായി ചെറിയ വാദപ്രതിവാദങ്ങൾ നടക്കുന്നു.

ദൂരെ എവിടെയോ കിടന്നിരുന്ന ഒരു കസേരയിൽ അമ്മയെ ഇരുത്തി എന്താണ് നടക്കുന്നത് എന്നറിയാൻ സുഹൃത്ത് മുന്നിലേക്ക് ചെന്നു.

അപ്പോഴേക്കും കശപിശക്ക് ആക്കം കൂടി .

4/

ഒരു മാന്യൻ കിടന്ന് ഉറഞ്ഞു തുള്ളുന്നു .

നേഴ്‌സുമാർ വളരെ മര്യാദയോടെ എന്തിക്കെയോ പറയുന്നു.

മാന്യൻ ഒന്നും കേൾക്കാൻ ഉള്ള ഭാവം ഇല്ല .

ആകെ ഒരു യുദ്ധസമാനമായ ഒരു അന്തരീക്ഷം.

അടുത്ത് നിന്ന ഒരാളോട് വിവരം അന്വേഷിച്ചു .

അയാൾ പറഞ്ഞു ... ഇന്നലെ ഓൺലൈൻ രജിസ്റ്റർ ചെയ്തവരുടെ

5/

ലിസ്റ്റ് വൈകിട്ട് ഹോസ്പിറ്റലിന് കിട്ടി .

അത് പ്രകാരം അവർ ആളുകളെ വിളിച്ച് വാക്സിന് വരേണ്ട സമയം അറിയിച്ചു.

ഇന്ന് രാവിലെ സെഷൻ ആരംഭിച്ചപ്പോൾ ആ ലിസ്റ്റിന് പകരം വേറൊരു ലിസ്റ്റ് ആണ് പോർട്ടലിൽ പ്രത്യക്ഷപ്പെട്ടത്.
ആ ലിസ്റ്റിൻ പ്രകാരമുള്ള ആളുകളും എത്തി.

സുഹൃത്ത് ചോദിച്ചു...

6/

രണ്ട് കൂട്ടർക്കും വാക്സിൻ കൊടുത്താൽ പ്രശ്‍നം തീരില്ലേ?

ഇല്ല , കാരണം ഇന്നലത്തെ ലിസ്റ്റിന് അനുസരിച്ചുള്ള ഡോസുകൾ മാത്രമേ ഹോസ്പിറ്റലിന് സംസ്ഥാനസർക്കാർ അലോട്ട് ചെയ്തിട്ടുള്ളു .

ഹോസ്പിറ്റലിൽ സ്റ്റാഫിന്റെ കൺഫ്യൂഷൻ കിട്ടിയ ഡോസ് ഇന്നലത്തെ ലിസ്റ്റിൽ ഉള്ളവർക്ക് കൊടുക്കണമോ

7/

അതോ ഫ്രഷ് ലിസ്റ്റിൽ ഉള്ളവർക്ക് കൊടുക്കണമോ എന്നതാണ് ?

എന്നാൽ ഫ്രഷ് ലിസ്റ്റിൽ ഉള്ളവരുമായി ഹോസ്പിറ്റൽ ഇന്നലെ ബന്ധപ്പെടാഞ്ഞത് കൊണ്ട് ഇന്നലെത്തെ ലിസ്റ്റിൽ ഉള്ളവർക്ക് വാക്സിൻ കൊടുക്കാം എന്ന് ഹോസ്പിറ്റൽ തീരുമാനമെടുത്തു .

ഇത് ഇന്നത്തെ ലിസ്റ്റിൽ ഉള്ളവർ ചോദ്യം ചെയ്തു .

8/

അപ്പോൾ സുഹൃത്തിന് മനസ്സിലായി ആ ഡപ്പാംകുത്ത് കളിക്കുന്ന മാന്യൻ ഇന്നത്തെ ലിസ്റ്റിൽ ഉള്ള ആളാണെന്ന് .

അപ്പോഴേക്കും ഹോസ്പിറ്റലിന്റെ PRO എത്തി.
അയാൾ ആളുകളെ കാര്യം പറഞ്ഞുമനസ്സിലാക്കാൻ ശ്രമിച്ചു.

സർക്കാർ തലത്തിൽ ഉണ്ടായ എന്തോ പ്രശ്നം കാരണമാണ് ഇങ്ങനെ സംഭവിച്ചത് .

ലിസ്റ്റ്
9/

സർക്കാർ സൈറ്റിൽ ആണ് ജനറേറ്റ് ചെയ്യുന്നത് .

അതിൽ ഹോസ്പിറ്റലിന് ഒന്നും ചെയ്യാൻ കഴിയില്ല .

നിങ്ങൾ സഹകരിക്കുകയാണെകിൽ കിട്ടിയ വാക്സിൻ ഇന്നലത്തെ ലിസ്റ്റിൽ ഉള്ളവർക്ക് കൊടുക്കാം.

എന്നാൽ ഇന്നത്തെ ലിസ്റ്റിൽ ഉള്ളവർ അതിന് തയ്യാർ ആയില്ല .

അവർ ഉച്ചത്തിൽ ശബ്ദമുണ്ടാക്കാനും തുടങ്ങി .

10/

PRO പറഞ്ഞു ..ഇങ്ങനെ ആണെങ്കിൽ ഞങ്ങൾക്ക് ഇത് നിർത്തിവെക്കേണ്ടി വരും.

ഞാൻ പോലീസിനെ വിളിക്കാം.
അവർ വന്നിട്ട് തീരുമാനിക്കാം .

PRO പോലീസിനെ വിളിച്ചു.
കുറച്ചു കഴിഞ്ഞപ്പോൾ പോലീസ് എത്തി .

PRO പോലീസിനോട് കാര്യങ്ങൾ വിശദീകരിച്ചു .

പോലീസ് ജനങ്ങളോട് പറഞ്ഞു ..നിങ്ങളുടെ സഹകരണം ഇല്ലാതെ

11/

ഇത് നടത്താൻ കഴിയില്ല . അതിനാൽ ഞങ്ങൾ വായിക്കുന്ന ലിസ്റ്റിൽ ഉള്ള ആളുകൾ ഇവിടെ നിന്നാൽ മതി , ബാക്കിയുള്ളവർ തല്ക്കാലം പുറത്തുപോകണം .

പോലീസ് PRO യുടെ കയ്യിൽ നിന്ന് ലിസ്റ്റ് വാങ്ങി പേര് വായിക്കാൻ തുടങ്ങി . ഇന്നലത്തെ ലിസ്റ്റ് ആണ് പോലീസ് വായിച്ചത് .

അപ്പോൾ പിന്നെയും

12/

ആ മാന്യൻ ബഹളം വെക്കാൻ തുടങ്ങി . ഒരു പോലീസുകാരൻ അയാളോട് പറഞ്ഞു ..ഡോ ഇവിടെ കിടന്ന് കൂടുതൽ നാടകം കളിച്ചാൽ ...തൂക്കിയെടുത്ത് കേസ്സ് ചാർത്തിത്തരും .

മാന്യൻ പതിയെ അവിടെ നിന്നും പിൻവാങ്ങി ,കൂടെ ഇന്നത്തെ ലിസ്റ്റിൽ പേരുള്ള മറ്റ് ആൾക്കാരും .

ഏതാണ്ട് 20/25 പേർ അവിടെ നിന്നും

13/

പുറത്തു പോയി .
സുഹൃത്തിന്റെ അമ്മയുടെ പേര് വിളിച്ചു .
അരമണിക്കൂർ കഴിഞ്ഞ് അമ്മയുടെ വാക്സിനേഷൻ കഴിഞ്ഞ് അവർ വീട്ടിലേക്ക് മടങ്ങി .

മടങ്ങുന്ന വഴിയിൽ ചിലർ അവരുടെ നമ്പർ വരും എന്ന പ്രതീക്ഷയിൽ പുറത്ത് കാത്തുനിപ്പുണ്ടായിരുന്നു .

പുറത്തു കാത്തുനിന്നവർ വളരെ ഗൗരവമായി കേന്ദ്ര

14/

സർക്കാരിനെ വിമർശിക്കുന്നത് കേൾക്കാമായിരുന്നു .കേന്ദ്രത്തിന്റെ തെറ്റായ നയം മൂലമാണ് പോലും അവർക്ക് ഇന്ന് ഈ ദുര്യോഗം ഉണ്ടായത്.

അവരുടെ വിമർശനം കേട്ടാൽ തോന്നും എറണാകുളത്തെ വാക്സിനേഷൻ ലിസ്റ്റ് ഡൽഹിയിലിരുന്ന് മോദിയാണ് ഉണ്ടാക്കിവിടുന്നതെന്ന്.

വാൽക്കഷ്ണം: ഏത് അപ്പൻ വന്നാലും....😀😀😀🏃