பத்திரிகையாளர் அதியமான் KR Athiyaman இன்று காலையில் எழுதியுள்ள பதிவில், திமுக ஆட்சி குறித்த அச்சத்தில் இருக்கும் தனது தொழிலதிபர்-நண்பர் 1.75கோடி பெறும் நிலத்தை அடிமாட்டு விலைக்குக் கேட்டு மிரட்டப்படலாம் என்கிற ரீதியில் ஒரு பதிவு எழுதி இருக்கிறார்.
நிற்க, கீழே படத்தில் உள்ள கட்டடம் கோவை மாநகராட்சியின், ஆர்.எஸ். புரம் 23வது வார்டு ராமச்சந்திரா வீதியில் உள்ள அரசுக்குச் சொந்தமான இடத்தில் உள்ளது. இதே இடத்தில் சிலகாலம் முன்புவரை, பழைய கட்டிடத்தில் அரசின் சுகாதாரத்துறை அலுவலகம் இயங்கி வந்தது. 
அதை இடித்துவிட்டு புதிய கட்டடமும் வணிக வளாகமும் கட்ட ஒப்பந்தம் போடப்பட்டது. ஒப்பந்தத் தொகை 1.75 கோடி. வேலை ஆரம்பித்த அதே வேகத்தில், அரசுக்குச் சொந்தமான இந்த இடத்தை, தற்போது தொண்டாமுத்தூர் தொகுதியில் வென்றுள்ள அதிமுக அமைச்சர் எஸ்.பி.வேலுமணி, தன் தம்பி எஸ்.பி.அன்பரசன் பெயரில...
இயங்கும் அறக்கட்டளைக்கு எழுதிக் கொடுத்துவிட்டார். இப்படி, அரசு நிலத்தை ஆட்டையைப் போட்டதும் இல்லாமல், யாருக்கும் சந்தேகம் வராமல் இருக்க 'அம்மா ஐ.ஏ.எஸ் அகடமி' என்று நாமகரணம் சூட்டி, அரசு அதிகாரிகளையும் வரவழைத்து திறப்புவிழாவும் நடத்தினார்.
(அம்மா என்றால் ஜெயலலிதா அல்ல; அது வேலுமணியின் தாயார் மயிலாத்தாள் அவர்கள்) இது திரு.அதியமான் அவர்கள் அறியாத செய்தியாக ஒன்றும் இருக்கப் போவதில்லை. இப்படி நிலத்தை ஆட்டையைப் போட்டவர் தான் அங்கு ஜெயிக்கவும் செய்திருக்கிறார் என்பதும் அவர் அறிவார்.
ஆகவே, திமுக ஆட்சி என்றதும் அவரது நண்பருக்கு வந்திருப்பதாகச் சொல்லப்படும் அச்சத்தைப் போக்க அவர் உதவி இருக்க வேண்டும். "ஏற்கனவே இருந்த திருட்டுப் பயல்கள் தான் டா இப்பவும் அங்க ஜெயிச்சிருக்கானுங்க. நீ ஏன் பயப்படுற..." என்கிற ரீதியிலாவது ஆற்றுப்படுத்தியிருக்க வேண்டும்.
கார்த்திக் புகழேந்தி #SeyalVeerarApp
• • •
Missing some Tweet in this thread? You can try to
force a refresh
