Thread by @IAMartin_

Ijumaa, Machi 13, 2020 nje ya gereza la Segerea, Dar es Salaam

Baada ya kulipa faini kwa viongozi saba wa Chadema, alibaki Freeman Mbowe gerezani. Jioni wakati wanachama, wafuasi na viongozi wa Chadema wakimfuata baada ya kulipiwa faini ya Shs. 70 Milioni.

Ulitokea mzozo nje ya lango la gereza la Segerea. Mgogoro ule ulipelekea askari magereza kupiga kipenga kuashiria hali ya hatari.

Watu walichapika sana nje ya gereza hilo la Segerea. Watu walipigwa sana. Wakaitwa askari polisi kutoka kituo cha Stakishari.

Kuongeza nguvu ya mashambulizi. Wakaongezeka kwenye kutoa kipigo kwa wale wadau wa Chadema waliokwenda kumpokea Freeman Mbowe gereza la Segerea.

Bahati mbaya sana, walikuwepo watu wawili ambao hawakua kwenye msafara wa wana Chadema waliokwenda kumpokea Freeman Mbowe.

Majina yao nitayahifadhi. Wameomba hivyo pia. Hawa walikuwa ni marafiki wa TITO MAGOTI na walikwenda kumuona na kumsalimia Tito Magoti na Theodore Gyan gereza la Segerea.

Watu hawa wawili walipigika sana. Waliunganishwa kwenye adhabu za wale wanachama na wafuasi wa Chadema.

Walipewa hadi adhabu ua kujigalagaza kwenye maji na matope yaliyokuwa chini kutokana na kumwagwa maji mengi eneo hilo. Waliunganishwa kwamba walikwenda kufanya fujo.

Wale jamaa waliingizwa katika karandinga la magereza wakalala kifudifudi,

askari wakapanda juu yao, wanaruka na kuwakanyaga kiholela na kwa madaha juu ya migongo na vichwa vyao huku askari hao wakiimba kwa kejeli "people's Power" wakimaanisha salamu ya Chadema ya "Nguvu ya Umma".

Safari ya kutoka gereza la Segerea kwenda kituo cha

Polisi Stakishari ilikuwa ndefu na yenye ghasia nyingi. Askari waliendelea kusimama juu ya migongo na vichwa wakiruka hivyo wakati wote wa safari ile. Ukiguna unapigwa kipigo cha paka aliyekunya kwenye unga

Mmoja kati ya vijana hao akamueleza mkuu msafara wa askari waliotoka

Stakishari kwamba sio wanachama au wafuasi wa Chadema, wapo hapo kumsalimia Tito Magoti, yule bosi akawaeleza maelezo watayatoa kituo cha polisi, wapande karandinga.

Wakazunguka na hilo karandinga na kukamata yoyote ambaye alikuwa jirani na eneo la gereza la Segerea.

Wakazunguka nao sana. Baadae wakarejea gereza la Segerea na kuwavua pingu, wanayo huo kichapo kwa wengine kikiendelea kama dozi.

Kuna askari magereza wa kike ambaye aliwapokea asubuhi ya siku hiyo akawaeleza wenzake kwa sauti "hawa ni ******

wamekuja kumuona mahabusu tangu asubuhi". Wenzake hawakutaka hata kuelewa. Wakaambiwa wachanganyike na wenzao

Mmoja kati ya hao vijana alikuwa amevaa fulana (t-shirt) imeandikwa "SIMAMIA HAKI" na hili liliwakasirisha askari na kusema "hawa wanaharakati ndio wenye vurugu".

Kipigo kikaendelea upya. Na baada ya kipigo ndio wakatupwa kwenye gari za polisi hadi kituo cha polisi, Stakishari.

Hao jamaa walipandishwa gari Moja na hao wanachama, wafuasi na viongozi wa Chadema. Watu walilaliana sana kwa sababu haikuwepo nafasi ya kutosha.

Mmoja kati ya vijana wale alipoteza simu yake, na haijulikani ni wakati huo akiwa kwenye karandinga au wakati akichezea kichapo chini.

Ukiachana na maneno ya kejeli ya "people's power" pia walikuwa wakisema kwa kejeli

"ndio sasa mkome mbwa nyie, tuna siku nyingi hatujapiga watu, Acha tuwachakaze". Kwa kweli watu walichakazwa ipasavyo. Wapo waliovunjika hadi sehemu zao za viungo.

Wale jamaa waliokwenda kumuona Tito Magoti walipofikishwa kituo cha polisi Stakishari, walitakiwa kuandika maelezo,

wakagoma, baada ya saa 4 tangu kukamatwa kupita, akafika ndugu yao, akawaeleza sio wanachama wa Chadema, ni ****** walikwenda kumuona Tito Magoti

Lakini wakiwa hapo kituo cha polisi, Stakishari, baada ya askari polisi kubaini kwamba hawa vijana wawili sio wanachama wa Chadema

Hawana uhusiano na vurugu hizo za Segerea na kwamba walikwenda kumuona Tito Magoti, wakalazimishwa kuwa mashahidi wa Jamhuri ili waachiwe huru.

Kabla ya kupewa dhamana hapo Stakishari, OC-CID alipokea simu akasema "kuna Ndugu zake Tito pia kwa hawa waliofanya fujo

Gereza la Segerea, ila wao wameonewa, akapewa maelekezo kuwa hao ndio watakua mashahidi wa Jamhuri, ikiwa hawataki basi tutawajumuisha kwenye kesi ya msingi ya hawa wengine. IMAGINE!

Huyu ndugu yao alikwenda nao Segerea. Akabaki nje ya gereza,

wakati yote hayo yanatokea aliona, akafuatilia hadi Stakishari na kuwakuta. Akaeleza muktadha wote. Wakatakiwa kuandika maelezo ambayo polisi walitoa muundo wake. Ndio wakapewa dhamana.

Masharti ya dhamana yalikuwa ni mengi ikiwa ni pamoja na kufika kituo cha polisi (kuripoti)

kila baada ya siku tatu na baadae wakaekezwa wanatakiwa kuwa mashahidi upande wa Jamhuri. Yaani wakatoe ushahidi dhidi ya wana Chadema kwamba ni kweli walitaka kuvamia gereza la Segerea.

Mmoja kati ya vijana hao waliokwenda kumuona Tito Magoti alivunjwa mbavu na mguu.

Mwingine alivunjwa mkono na mguu. Pia majeraha mengine mengi katika mwili wao. Lakini hawakuwahi kwenda mahakamani kutoa ushahidi huo wa uongo. Walikataa.

Waliishi kwa mwaka mzima tangu Machi 2020 hadi sasa Mei 2021 wakijificha na kuwakimbia askari

ambao walikuwa wakiwatafuta ili wafikishwe mahakamani kutoa ushahidi (ushahidi wa uongo). Askari Magereza pia walishindwa kufika mahakamani kutoa ushahidi wao. Mahakama imeifuta kesi hiyo kutoka kwenye orodha za Mahakama.

Unaweza kudhani ni hadithi ya kutunga.

Ni ukweli mtupu. Wahusika hawa wanasema wamesumbuliwa sana kwenda kituo cha polisi kuripoti na hata kwenda mahakamani kutoa ushahidi wa uongo. Waligoma. Tunahifadhi majina yao, kwa usalama wao.

Nchi yetu ilifikishwa huko wakati wa utawala wa shujaa.

HATUPENDI kuona masuala haya yakiendelea kwenye ardhi yetu. Baada ya mwaka mmoja kupita na Jamhuri kutokupeleka mashahidi, kesi inefutwa na Mahakama ya hakimu Mkazi Kisutu na hakimu amesema washtakiwa wasibughudhiwe kamwe.

Kamwe, kamwe tusirudi katika zama hizo tena. Zama za utawala wa mkono wa chuma. Watu kulazimishwa kuwa mashahidi wa upande wa Jamhuri hata pasi na kuridhia wao wenyewe, wakatoe ushuhuda wa uongo mbele ya mahakama kwa kiapo mbele ya vitabu vitakatifu. Tusirudishwe huko.