Thread by @WaghamareVikas

अत्यंत महत्वाचा थ्रेड👇
राज्यातल्या कोरोनाग्रस्त लाखो सामान्य रुग्णांना दिलासा देणाऱ्या एका याचिकेची नुकतीच उच्च न्यायालयाच्या औरंगाबाद खंडपीठात सुनावणी झाली. मुख्यमंत्री वैद्यकीय सहाय्यता कक्षाचे माजी प्रमुख ओमप्रकाश शेटे यांनी ही याचिका दाखल केली होती, त्यांचा आक्षेप असा होता+

की, शासनाने 23 मे 2020 रोजी घेतलेल्या निर्णयाप्रमाणे महात्मा ज्योतिबा फुले जन आरोग्य योजनेचा लाभ केवळ व्हेंटिलेटरवरील गंभीर कोविड रुग्णांनाच देण्यात येतो, तो कोविडच्या सर्व रुग्णांना त्या योजनेंतर्गत लाभ देण्याची मागणी केली होती. दरम्यान या याचिकेवर सुनावणी सुरू असताना+

न्यायालयाने सरकारची भूमिका विचारली त्यावेळी या आघाडी सरकारने न्यायालयात शपथपत्रासह सांगितले की, व्हेंटिलेटरवरील 8 उपचारासहित 20 अन्य उपचार कोविड रुग्णांना महात्मा फुले योजनेत मोफत देण्यात येईल.
मात्र वस्तुस्थिती अशी होती की, सरकार केवळ घोषणा करून कागदी घोडे नाचवत आहे, वास्तविकता+

कोविड रुग्णांना मोफत लाभ राज्यात कुठेच मिळत नाही, खाजगी दवाखाने रुग्णांकडून लाखो रुपयांची बिले वसूल करत आहेत. याचे पुरावे म्हणून ओमप्रकाश शेटे सरांनी 20 ते 25 रुग्णांची लाभार्थीसाठी पात्र असूनही लाखो रुपयांची बिले भरून उपचार घेतल्याची बिले व इतर माहिती शपथपत्रासह न्यायालयात सादर+

केली. यावेळी मात्र राज्य सरकारला झटका बसला आणि तातडीने आम्ही त्या रुग्णालयाला नोटिसा देत कायद्यानुसार कारवाई करणार असल्याची माहिती न्यायालयात दिली. त्यावर उच्च न्यायालयाने येत्या 22 जून 2021 रोजी या खाजगी दवाखान्यांवर काय कारवाई केली याचा अहवाल सादर करण्यास सांगितला आहे.
दरम्यान+

ओमप्रकाशजी शेटे यांची एकच भूमिका कायम होती की, आज राज्यातलं वास्तव विदारक आहे, ज्यांच्याजवळ पैसे आहेत अशाच रुग्णांना उपचार केला जातो, ज्याच्याजवळ पैसे नाहीत त्यांना दवाखाना उभाही करत नाही, तथापि लाखो सामान्य रुग्णांना उपचारासाठी आपले घर, जमिन, सोनंनाणं आणि इतर संपत्ती विकावी+

लागली आहे. आयुष्यभर कष्ट करून जमा केलेली पुंजी केवळ एका आजारात नष्ट होतानाच चित्र आज महाराष्ट्रात आहे, महात्मा ज्योतिबा फुले जन आरोग्य योजनेतून मोफत लाभ द्यावा आणि ज्यांनी गेल्या दीड वर्षात पात्र लाभार्थी असतानाही लाखो रुपये देऊन उपचार घेतले त्यांचे पैसे परत करावेत ही मागणी+

त्यांनी पुन्हा उच्च न्यायालयासमोर केली आणि त्याला यश येण्याच्या दृष्टीने न्यायालयाने राज्य सरकारला कडक शब्दात फटकारत कोणताही रुग्ण आर्थिक कारणामुळे उपचारापासून वंचित राहू नये,तातडीने प्रत्येक जिल्ह्यात जिल्हाधिकाऱ्यांच्या अध्यक्षतेखाली जिल्हास्तरीय समिती गठीत करण्याचे आदेश दिले.+

ज्या रुग्णांनी लाभार्थी असूनही पैसे भरून उपचार घेतले त्यांनी आपले अर्ज त्या समितीकडे लेखी स्वरूपात द्यावेत. त्यावर ती समिती तातडीने निवारण करेल असे आदेश दिले. सरकारने ती समिती तातडीने गठीत केलेली आहे.

खरंतर महाआघाडी सरकारच्या आशीर्वादाने खाजगी दवाखाने अक्षरशः सामान्य माणसाला+

लुटत आहेत, त्याला या आघाडी सरकार आणि राजेश टोपेचाच वरदहस्त आहे, आज माहिती घेतली तर धक्कादायक माहिती समोर आली, ती म्हणजे, राज्यातल्या 45 लाख कोरोना रुग्णांपैकी केवळ 132219 रुग्णांनाच या योजनेचा लाभ मिळाला आहे, त्यातही खाजगी रुग्णालयात केवळ 54233 तर सरकारी रुग्णालयात 77986 जणांना+

लाभ मिळाला आहे. एकूण रुग्ण 45 लाख आणि लाभार्थी आकडा जर पाहिला तर केवळ 2 ते 2.5 टक्के लाभार्थी यामध्ये आहेत, मग बाकी रुग्णांनी पात्र असतानाही लाखो रुपये भरले, मग ही लूट नाही तर काय आहे? दिवसाढवळ्या आपल्या खिशात हात घालून लाखो रुपये या राज्य सरकार आणि आरोग्यमंत्री राजेश टोपेंनी+

खाजगी दवाखान्याच्या माध्यमातून लुटले आहे. अन यामुळे लाखो लोकांची आयुष्य उध्वस्त झाली हे दुर्दैवी आहे.
आज श्री ओमप्रकाश शेटे सर जर न्यायालयात गेले नसते तर हे वास्तव समोर आले नसते, राज्यातल्या रुग्णांना विनंती आहे की, आपल्या जिल्ह्यात जिल्हाधिकाऱ्याच्या अध्यक्षतेखाली गठीत केलेल्या+

समितीकडे अर्ज दाखल करा, अर्ज दाखल करत असताना सोबत कोरोना रुग्णांना उपचार घेतल्यानंतर खाजगी रुग्णालयाने आकारलेले बिल,रेशन कार्ड व आधार कार्ड झेरॉक्स प्रत सोबत जोडावी.राज्यातले लाखो अर्ज जेव्हा एकत्र होतील तेव्हा या सरकारला पैसे माघारी द्यावे लागतील. कारण या सरकारच्या लुटीचं रौद्र+

रूप मा.उच्च न्यायालयाला दिसेल. सामान्य माणसांच्या जगण्यामरण्याची लढाई आहे, आज न्यायालय न्याय देण्यासाठी सक्षम आहे, पण हे विदारक वास्तव निदर्शनास आणून द्यावं लागेल, एका शेटे सरांनी न्यायालयाच्या माध्यमातून हा लढा उभा केलाय, आपण सर्वजण एकत्र येत आता तो यशस्वी करूया. सामान्य+

माणसांना न्याय देऊया...👍

(जास्तीत जास्त शेअर करा. अर्जाचा फॉरमॅट कमेन्टमध्ये टाकला आहे. अधिक माहितीसाठी इनबॉक्समध्ये संपर्क साधा.🙏)
- विकास विठोबा वाघमारे
मोहोळ,जि. सोलापूर
@OmprakashShete @ShreeBharatiya