Thread by @ShivaShakthiOrg

#సావర్కర్
#స్వాతంత్ర_వీర్_సావర్కర్

Father Of Hindutva గా ,
సుమారు 50 సంవత్సరాల పాటు భారత స్వతంత్రఉద్యమాన్ని, రాజకీయాలను ప్రభావితం చేసిన అనన్య సామాన్యుడు, హిందూ సమాజం ఐక్యత కి స్పష్టమైన దిశానిర్దేశం చేసిన మహనీయుడు సావర్కర్...

అతి చిన్న వయసులోనే సావర్కర్ ముగ్గురు సోదరులు గణేష్ దామోదర్ సావర్కర్, వినాయక్ దామోదర్ సావర్కర్ , నారాయణ దామోదర్ సావర్కర్ లు ఆ నాటి బ్రిటిషు క్రైస్తవ అరాచకపాలనలో భారతీయలు పడుతున్న కష్టాలకి చలించి తమ కుల దేవత అష్టభుజాదేవి మందిరం లో తమ దేహం లో ప్రాణం ఉన్నంత వరకు దేశం కోసం,

దేశ ప్రజల కోసం స్వాతంత్రం కోసం పోరాడతామని ప్రతిజ్ఞ చేశారు..ఆ ప్రతిజ్ఞ కి కట్టుబడి ప్రాణం పోయేంతవరకు తమ జీవితాలను త్యాగం చేసి ఎన్నో శిక్షలు అనుభవించి స్వాతంత్రం కోసం పోరాడారూ. ఆ ముగ్గురిలో ఒకరే వినాయక్ దామోదర్ సావర్కర్ ,

పట్టుమని 25 సంవత్సరాలు కూడా లేని వయసులో రవి అస్తగమించని సామ్రాజ్యాన్ని తన రచన తో హడలెత్తించాడు. 1857 ఉవ్వెత్తున ఎగసిన స్వాతంత్ర సంగ్రామాన్ని ఒక సాధారణ సిపాయిల తిరుగుబాటుగా ప్రజలను నమ్మించి, మోసగించి, ప్రచారం చేసి 50 ఏళ్ళు మభ్యపెట్టిన బ్రిటిష్ ప్రభుత్వాన్నీ ఉలిక్కి పడేలా చేస్తూ

"ఇండియా వార్ ఏ ఇండిపెండెన్స్ 1857 " అనే పుస్తకం రాసాడు. ఆ పుస్తకమే బోస్, భగత్ సింగ్, మదన్ లాల్, ఆజాద్ లాంటి స్వాతంత్ర్య సమర యోధులకు స్ఫూర్తిదాయకం అయింది.. ఆ పుస్తకానికి బ్రిటిష్ ప్రభుత్వం ఎంత భయపడింది అంటే ఆ పుస్తకాన్ని అచ్చువేయమని లండన్ నుండి సావర్కర్ అన్నయ్య బాబారావు గారికి

పంపిస్తే ఆ పుస్తక ప్రతులు ఉన్న కారణంగా ఆయన మీద దేశ ద్రోహ కేసు పెట్టేంతగా... 30 ఏళ్ళు కూడా నిండని వయసులో లండన్ వెళ్లి భారతమాత కోసం ప్రాణాలకు తెగించే విప్లవకారులను తయారుచేసి నాసిక్ కి తుపాకులు పంపి భారతీయులను హింసించే బ్రిటిష్ అధికారులను మట్టుపెట్టించాడు..

బ్రిటిష్ యువరాణికి తలొగ్గక, తన బారిస్టర్ పట్టాను త్యజించాడు..

ఎవరూ ఆలోచించడానికి, సాహసించని విధంగా బ్రిటిషు వారు అరెస్ట్ చేసి అండమాన్ తరలిస్తుండగా ఫ్రాన్స్ లో ఓడలో డ్రైనేజీ గొట్టం నుండి సముద్రం లోకి దూకి ఈదుకుంటూ తప్పించుకోబోయాడు..

ఇంతకుముందు ఎవరికీ వేయని విధంగా రెండుసార్లు యవజ్జివ శిక్ష పడ్డ ఖైదీ గా అండమాన్ లోని కలపాని జైల్ లో చిత్రహింసలకు గురై కూడా రాళ్లనే కలం గా మార్చుకుని జైలు గోడలపై ఆరువేల దేశభక్తి కవితలు రాసి,అవి కంఠస్థం చేసి అక్కడి ఖైదీలతో పాడించి జైలు లో ఖైదీల్లో దేశభక్తి రగిలించాడు..

జైలు జీవితం లోనే "హిందూత్వ హు ఐస్ హిందూ" అనే పుస్తకాన్ని రచించి హిందువులకు మార్గనిర్దేశం చేశాడు.

"ఆసింధు సింధు పర్యంతా యస్యభారత భూమికా మాతృ భూ, పితృ భూః పుణ్యభూశ్చైవ సవై హిందురితి స్మతాః’ "

‘సింధూ నది మొదలు హిందూ మహా సముద్రం వరకూ ఉన్న ఈ భారత భూమిని మాతృభూమిగా, పితృభూమిగా, పుణ్యభూమిగా భావించిన వారంతా హిందువులే.

అని హిందుత్వానికి స్పష్టమైన నిదర్శనం ఇచ్చి హైందవ జాతికి మార్గనిర్దేశకత్వం చేసాడు.. శుద్ధి కార్యక్రమం ద్వారా ఎంతో మంది మతం మారిన వారిని హిందువులుగా మార్చి, హిందూత్వం లో అసమానతలు అస్పృశ్యత పై పోరాడి హిందువులందరికీ ఆలయ ప్రవేశం పై పోరాటం చేసి, పతిత పావన మందిరాన్ని నిర్మించారు...

ఎంతో మంది విప్లవ వీరులను తయారుచేసి రెండవ ప్రపంచ యుద్ధ కాలం లో హిందువులందరిని బ్రిటిషు సైన్యం లో చేర్చి తరవాతి కాలం లో వారితోనే బ్రిటిషు వారిపై తిరుగుబాటు చేసేలా రాచబాట వేసి నేతాజీ కల ను సుగమం చేశారు...

ఒక కవిగా, ఒక రచయితగా, ఒక రాజకీయ నాయకుడుగా, స్వాతంత్ర సమరవీరుడిగా, విప్లవకారుడిగా , తత్వవేత్తగా ఎన్నో ప్రజ్ఞలు ఉన్నా తన సమస్తాన్ని కేవలం దేశం కోసం ధర్మం కోసమే తప్ప ఇంకా దేనికీ ఉపయోగించని త్యాగశీలి.. తన రచనల ద్వారా , ప్రసంగాల ద్వారా దేశ యువకుల్లో దేశభక్తి ని రగిలించాడు...

మన దేశం ఇప్పుడు ఎదుర్కొంటున్న దౌర్భాగ్య స్థితిని
అంటే "ఎన్నికల హక్కులు, పదవులు, ఉద్యోగాలు, పనుల్లో మతాల ప్రస్తావన లేకుండా భారతదేశాన్ని బారతీయంగా ఉంచాలని " దూరదృష్టి తో ఆయన చెప్పినవి ఇప్పటికీ ఏ రాజకీయ పార్టీ పట్టించుకోలేదు...

హైదరాబాద్ సంస్థానం లో నిజామ్ కి వ్యతిరేఖంగా హైదరాబాద్ విముక్తి సత్యాగ్రహం లో పోరాడాడు.. అయినా మనకి ఇవన్నీ ఎలా తెలుస్తాయిలే,
స్వాతంత్రం తెచ్చింది గాంధీ , నెహ్రూలే అని మనల్ని పాలించిన కాంగ్రెస్ నాయకులు ప్రచారం చేస్తే....

దేశం కోసం ఏమీ చేయకపోవడం #మరణంతో సమానం అని నినదించిన సావర్కర్ మాటలు మన చెవికి ఎలా చేరుతాయి....!

ఆ మాట మన చెవిన పడితే, ఆయన స్ఫూర్తి మనలో రగిలితే, ఆయన తన జీవితం అంతా పేరు కోసం, పదవి కోసం, డబ్బు కోసం కాకుండా సంపూర్ణ హిందు రాష్ట్రం కోసం త్యాగం చేసాడని మనకు తెలిస్తే, బ్రిటిష్ వాడు స్థాపించిన
INDIAN NATIONAL CONGRESS అనే పార్టీ ఈ దేశం లో ఇప్పటివరకు బతికి బట్టగలదా,

ఎప్పుడో జాతీయవాదుల పిడికిళ్ల తో కూకటివేళ్ళతో సహా పేకళించి వేయబడేది, ఆ విషయం వాళ్ళకి తెలుసు
అందుకే వాళ్లు మనకి చెప్పరు.
జీవిత చరమాంకం లో సావర్కర్ రాసిన
భారతదేశ చరిత్రలో ఆరు స్వర్ణ పత్రములు అనే పుస్తకం మన మెదళ్లను తాకితే మనలో విప్లవజ్వాలలు రేగుతాయని....

ఆ మంటల్లో దేశద్రోహులు దహింపబడతారని వాళ్ళకి తెలుసు.. అందుకే వాళ్ళు మనకు చెప్పరు..

సావర్కర్ " సద్గుణ వికృతి " గా చెప్పిన మాటలు మన మస్తిష్కాలను స్పృశిస్తే తరతరాలు గా హిందువుల మెదళ్ళకి పట్టిన బూజు వదిలిపోతుందని వాళ్ళకి తెలుసు.. అందుకే వాళ్ళు మనకు చెప్పరు...

అలాంటి స్వాతంత్ర వీర సావర్కర్ గారి జయంతి సందర్భంగా ఆ మహనీయుడు స్మరణతో ఈ దినాన్ని పవిత్ర పరిపూర్ణ దినం గా మార్చుకుందాం.

#జయహో_సావర్కర్
#జై_హిందు_రాష్ట్ర
#శివశక్తి