Thread by @watunistory

Baada ya kumaliza shule nilimpata binti niliyeamini atakuwa wa maisha yangu alikuwa anaitwa Mwajuma, hapo ndio kwanza nilikuwa ninaanza kuingia katika ulimwengu wa mapenzi.

Sikuwa ninaelewa kabisa kuhusu maana ya neno penzi, watu waliotabiri mwisho wangu na Mwajuma niliamini kuwa ni wanafiki na walikuwa na malengo mabaya dhidi yetu.

Siku zilivyozidi kusonga penzi letu lilizidi kustawi kama bustani iliyokuwa inasimamiwa vizuri, tulipanga hadi kutambulishana kwa wazazi.

Kila kitu nilijitoa kwa ajili yake. Wenzangu waliniona "Bushoke" ila sikujali. Nilimnunulia hadi zawadi ya pete kama ishara nzuri ya penze letu kuzidi kunawili.

Licha ya upendo wangu wote kwake lakini sikuwahi kufanya nae mapenzi, ninakumbuka niliwahi kuingia nae hadi chumbani lakini alinikatalia kufanya nae kitu chochote aliniambia muda bado nilikubali kwa kuwa niliamini mimi ni wake

Baada ya kwenda chuo ndipo mauza uza yalipoanza.

Siku moja niliamka asubuhi na nikakuta ameweka Dp ya mwanaume. Niliwaza sana kwani haikuwa kawaida yake.

Nilimuuliza kuwa huyu ni nani?. Alinijibu "Aliwazalo mjinga ndilo linalomtokea".

Sikujua alimaanisha nini, ila mawasiliano yetu hayakuwa kama zamani tena.

Nilichunguza na kugundua kuwa alikuwa ni mwanaume wake mpya, mshikaji alikuwa ni handsome na ana hela kuliko mimi. Washikaji zangu walinicheka sana kwa sababu sikuwahi kufanya nae kitu". Baraka. Zanzibar.
#WatuNiStory