خاتون اول محترمہ بشری عمران نے لاہور میں " شیخ ابوالحسن شازلی صوفی ازم سائنس و ٹیکنالوجی ریسرچ سینٹر" کا افتتاح کر دیا ہے ۔ یہ سینٹر ملک کی معروف جی سی یونیورسٹی کے نیو کیمپس میں قائم کیا جائے گا۔ اس کے لئے فوری طور پر 100 ملین روپے کی رقم فراہم کی گئی ہے ۔ اس کے
ساتھ اس کا علماء کرام ، صوفی ازم پر کام کرنیوالے سکالرز اور مذہبی و خانقاہی اداروں سے اشتراک ہوگا جبکہ طلباء کو سکالرشپس کی مد میں بھی خطیر رقوم فراہم کی جائیں گیں۔ خاتون اول کے وژن کے مطابق ریسرچ سینٹرز کا دائرہ کار پنجاب بھر میں بڑھایا جائے گا اور صوبے میں ریسرچ سینٹر
تک ریموٹ رسائی دی جائے گی تاکہ لوگ گھر بیٹھے اس سے مستفید ہوسکیں۔ اس سلسلہ میں سکالر شپ کیلئے راہنمائی کی غرض سے ہائر ایجوکیشن کے تعاون سے آن لائن رہنمائی مرکز پورٹل بھی قائم کیا جائے گا۔
یہ ایک خبر جبکہ دوسری جانب آج کی ہی دو مزید خبریں بھی پڑھ لیں ، پشاور میں صوبہ
یہ ایک خبر جبکہ دوسری جانب آج کی ہی دو مزید خبریں بھی پڑھ لیں ، پشاور میں صوبہ
خیبر پختون خواہ کی تمام سرکاری جامعات کے ہزاروں پروفیسرز ، سکالرز و ریسرچرز تین دن سے دھرنا دے کر بیٹھے ہیں ، حکومت نے سرکاری یونیورسٹیوں کے بجٹ میں خطرناک حد تک کمی کر دی ہے ۔ ریسرچ ، نئے پراجیکٹس و سہولیات تو ایک طرف یونیورسٹیوں کے لئے تنخواہیں دینا ناممکن ہو
چکا ہے ۔ اسی سے منسلک ایک اور خبر کہ پنجاب حکومت نے لاہور کی یونیورسٹیوں کے لئے مختص بجٹ میں 80 فیصد کمی کر دی ہے ۔ لاہور کی سرکاری جامعات کے ترقیاتی بجٹ میں 80 فیصد فنڈ کی کٹوتی، شہر کی چھ جامعات کو 14 ارب روپے میں سے صرف 2 ارب 30 کروڑ ملے گا
ان خبروں سے آپ اندازہ لگا سکتے ہیں کہ حکومت کا ہائیر ایجوکیشن کے حوالے سے ویژن کیا ہے ۔ ایک طرف تو تصوف ، صوفی ازم اور روحانی علوم کے لئے خطیر رقوم فراہم کی جا رہی ہیں جبکہ پہلے سے قائم یونیورسٹیوں کے لئے ترقیاتی بجٹ میں 80 فیصد تک کمی کر دی گئی ہے ۔
خاتون اول کا تعلق ایک گدی نشین خاندان سے ہے ۔ ان کا روحانیت ، تصوف اور صوفی ازم کے حوالے سے ایک نظریہ ہے ۔ سوال صرف یہ ہے کہ کیا سرکاری وسائل استعمال کرکے ایک
" مخصوص" روحانی نظریہ فروغ دینا مناسب ہے ؟ کیا ملک بھر میں ہر کوئی اس " مخصوص روحانی نظریے" کا قائل ہے جس کے
" مخصوص" روحانی نظریہ فروغ دینا مناسب ہے ؟ کیا ملک بھر میں ہر کوئی اس " مخصوص روحانی نظریے" کا قائل ہے جس کے
لئے سرکاری وسائل استعمال کئے جا رہے ہیں ۔ ہر سیاستدان اگر اپنے پسندیدہ روحانی عقائد کی بنیاد پر ان کی ترویج سرکاری وسائل سے شروع کر دے تو ملک میں تعلیمی حالت زار کیا ہو گی ؟؟ ہمارا ملک مختلف الخیال ، مکاتب فکر اور مسالک رکھنے والوں کا ہے ؟ اگر سرکاری سطح پر ایک
مخصوص نظریے کو فروغ ، فنڈ اور حکومتی مشینری کے ذریعے قائم کیا جائے گا تو اس کے معاشرے پر کیا اثرات مرتب ہوں گے ؟ کیا اس طرح پراجیکٹس متنازعہ نہیں ہو جائیں گے؟
کیا ہر کوئی اس صوفی ازم کے نظریے ، روحانیت کی اس تعریف اور خانقاہی نظام کی اس پریکٹس کا پیروکار ہے جس پر
کیا ہر کوئی اس صوفی ازم کے نظریے ، روحانیت کی اس تعریف اور خانقاہی نظام کی اس پریکٹس کا پیروکار ہے جس پر
محترمہ خاتون اول کاربند ہیں ؟ وہ ایک گدی نشین خاندان سے ہیں ، ان کی مذہبی روایات ، دین پر عمل کرنے کا انداز ، ذاتی اعمال پر بات کرنا مناسب نہیں لیکن اگر اسی سوچ ، فکر اور نظریے کو بزور سرکاری وسائل کے ذریعے ملک بھر میں نافذ کرنے کی کوشش کی جائے
تو اس کے اثرات کیا مرتب ہوں گے ؟ خاتون اول اپنی خانقاہ میں ایک کی بجائے کئی ریسرچ سینٹرز بنوا سکتی ہیں ، ذاتی حیثیت میں ، مختلف شخصیات ، روحانی شخصیات کی جانب سے ادارے ، مراکز ، خانقاہیں قائم کی جاتی ہیں ، کسی کو اعتراض نہیں ، یہ ان کا حق ہے لیکن سرکاری وسائل کا یوں
استعمال ، سرکاری جامعات میں ایک " مخصوص نظریے کا فروغ ، صوفی ازم کی اپنی تشریح اور تصوف کے متعلق اپنی سوچ اور ویژن کو نافذ کرنا یقینا مناسب نہیں رہے گا۔ اس سے سرکاری جامعات میں ایک " فرقہ ورانہ " گروہ بندی کو فروغ ملے گا۔ سرکاری یونیورسٹیز کے یہ پراجیکٹس متنازعہ ہو
جائیں گے ۔ اس میں مسلکی تفریق ، فرقہ بندی اور گروہی اختلافات سامنے آئیں گے جو کہ کسی بھی صورت میں قومی یکجہتی کے لئے مناسب نہیں ہو گا۔
امید ہے خاتون اول اور اہم حلقے اس پر غور
امید ہے خاتون اول اور اہم حلقے اس پر غور
کریں گے اور اس صورتحال کا ادراک کریں گے۔
تحریر؛(#ذرا_سی_بات_محمد_عاصم_حفیظ)
سوچئیے کہ حکومتی ترجیحات کیا ہیں اور ملکی وسائل کا کیسے ضیاع کیا جا رہا ہے، عوام کو مہنگائی کا جن گھیرے ہوئے ہے اور صوفی ازم سائنس اینڈ ریسرچ سینٹر ان کے دکھوں کا مداوا ہے۔
🤐
تحریر؛(#ذرا_سی_بات_محمد_عاصم_حفیظ)
سوچئیے کہ حکومتی ترجیحات کیا ہیں اور ملکی وسائل کا کیسے ضیاع کیا جا رہا ہے، عوام کو مہنگائی کا جن گھیرے ہوئے ہے اور صوفی ازم سائنس اینڈ ریسرچ سینٹر ان کے دکھوں کا مداوا ہے۔
🤐
• • •
Missing some Tweet in this thread? You can try to
force a refresh
