Thread by @meemainseen

سلسلۂ روزوشب نقش گرحادثات ہے کہ جسکا تارحریردورنگ کیاکیا پیرہن بُنتا، سنوارتا اور پھرمٹاڈالتاہے
1860میں کھینچاگیاولیم سمپسن کاایک گریفائٹ سکیچ ہےجس کی آڑی ترچھی لکیریں گئےوقتوں کےٹکسالی گیٹ کی جھلک دکھاتی ہیں

جو ایک در تھا عالم میں انتخاب!
ــــــ
ٹکسالی گزرگاہ ۔ حصۂ دوم

کچھ شکستہ محرابوں اور ایک پلیا سےگزرتی رہگزراونچی اور جاندار فصیلوں سےجاملتی ہے
کہتےہیں کہ اکبربادشاہ نےشہرکی مغربی دیوارکو حملہ آوروں سےبچاؤکےلیےایک دفاعی فصیل کی طرزپراٹھایا تھا اور اس میں آمدورفت کے لیے صرف ایک در رکھا تھا
ٹکسالی گیٹ شہرلاہور کی مغربی سمت کاواحددروازہ تھا

پرانےلاہورکےکھوجی ماجد شیخ کہتےہیں کہ شہرکے شرقاً غرباً پھیلاؤسےپہلےلوہاری دروازے سے, جولاہورکےقدیم ترین دروازوں میں سےایک ہے, اندرجائیں توکوچہ کبابیاں کی ہمسائیگی میں جوچوک آتاہےوہ پرانے وقتوں کا چوک چکلہ ہےاوراس سےمشرقی سمت جو گزرگاہ نکلتی ہےوہ بازار چوک چکلہ کہلاتی تھی

حفظان شریعت کےعین اصولوں کےمطابق چوک کاموجودہ نام چوک بخاری ہے
جان کی امان پائیں تو بتاتےچلیں لاہورکاسب سےپہلا بازارحسن یہیں آبادہوا
بہت بعدمیں جب شہرپھیلا اور قلعہ نےآب وتاب دکھائی تواس فن اوراس سےجڑےفسوں کوزندہ رکھنےوالیاں شہرکےدارالسلطنت کےعین نیچےٹبی بازارمیں آبراجمان ہوئیں

ٹبی بازار جس میں ٹکسالی دروازے سے آتی بازارشیخوپوریاں کی راہ لیتی گزرگاہ کھلتی ہے اورجس کا حالیہ نام شاہی محلہ ابھی دھندلا نہیں پڑا۔ یہیں ہماری ملاقا ت ایک اور چوک چکلے سے ہوتی ہے
اپنے پڑھنے والوں کو یہ چوک دکھلاتے ہیں مگرپہلےذرا ایک چکردروازے کا لگا آئیں

ہمارے ولیم سمپسن، جی ہاں یہ وہی صاحب ہیں جن کا ٹکسالی دروازے کا خاکہ ہم نےکچھ ٹوئٹس پہلے اسی تھریڈ میں دیکھا تھا، انہوں نے اس میں رنگ بھرے اور ہمیں ایک رنگین واٹرکلرعطا کیا اور صاحب ایک شبیہہ کے رنگ ہزار کے مصداق ہمیں اس دروازے کی کیا عالیشان شبیہہ نظرپڑتی ہے

شہرکی مغربی فصیل پرمورچہ بند یہ واحددروازہ ایک پیش بندی تھی ان حملہ آوروں کےخلاف جنہوں نے راوی کےپارسےآناتھا
پھرچشم فلک نےیہ منظر بھی دیکھا کہ آنےوالےپوربی دشا سےآئےجہاں سےکہ سورج طلوع ہوتاہےاورامرت کا تالاب چمکتاہے، ستلج پارکیااورتخت لاہورپرقابض ہوکرفتح بلائی، مگروہ قصہ پھر سہی

تو صاحب گیٹ کانام ٹکسالی کچھ یوں پڑاکہ شاہجہاں کےزمانےمیں یہاں ٹکسال قائم تھی جہاں مغلئی اشرفیاں ڈھالی جاتی تھیں
اگرآپ آج کی تاریخ میں جرنیلی سڑک پرواہگہ کےمسافرہوں توشالیمارباغ گزرتےہی روڈ کےمخالف یعنی جنوبی سمت پاکستان منٹ قائم ہے

مغلئی اشرفیاں تو کب کی متروک ہوئیں اب یہاں حکومت پاکستان کرنسی نوٹ چھاپتی ہے
وہی خستہ کرارے اورایک مسحورکن خوشبو چھوڑتے ہوئےکرنسی نوٹ جسے بقو ل یوسفیؔ کسی ترکیب سےبمثل عطرکشیدکرکے مہینے کے شروع میں خواتین کو سنگھایا جائے تو بخدا گرہستی زندگی جنت کا نمونہ بن جائے

لاہورکےنبض شناس سید لطیف بتاتےہیں شاہجہانی ٹکسال سے پہلے بھی یہاں ساہوکار، پیسہ بنانے اور پھر اس سےکھیلنےوالوں کی ریل پیل تھی
تب اسےلاکھی دروازہ کہتےتھے۔ لاکھی بمطلب لاکھ کی مہر
وائے زمانہ کہ کل کاٹکسالی گیٹ آج کی ایک منحنی سی گزرگاہ ہے

دیکھنا ان بستیوں کو تم کہ ویراں ہو گئیں

یہیں سےایک پتلی گلی بنام لاہنگاسٹریٹ داہنےہاتھ کونکلتی ہےکچھ پرانےوقتوں کا سراغ دیتی ہوئی
صاحب گانےوالیاں توہواہوئیں مگربجانےوالےکچھ کچھ یہیں رہ گئے
اب اس بازارمیں باجےوالوں کی بارات سجی ہے
ہارمونیم طبلہ پکھاوج شہنائی اوربہت کچھ
مگرشایدستارکی تاریں لینےاب بھی آپکوامبرسرجاناپڑے

اندرون ٹکسالی سےاگر آپ سیدھی روش پکڑیں(محاورےکی رعایت کےساتھ) توآپ بازارشیخوپوریاں سےہوتےہوئےجہاں اب چپلوں اورکھُسّوں کا بیوپارگرم ہےسیدھاناولٹی چوک پہنچتےہیں۔ یہ ٹبی بازارکاچوک چکلہ تھا
ہمارےپڑھنےوالوں کولوہاری گیٹ والا اصلی مارکہ چوک چکلہ یادہوگا جس کا ہم پہلےذکر کرچکےہیں

یہیں ایک عرصےتک ناولٹی سینما کےمیٹنی شوز نےلوگوں کےدلوں پرکھینچ ڈالی اوررات کا شو ٹوٹنےپرپلٹتی بھیڑکاسواگت انہی سڑکوں نےکیا
اب نہ سینما رہانہ وہ لوگ
اسی چوک سےداہنےہاتھ تھوڑاآگے ایک غلام گردش کی اوٹ میں پاکستان ٹاکیزہے
کہنےوالےاسےوطن عزیزکےقدیم ترین سینماگھروں میں سے بتاتے ہیں

طرفہ تماشاہےکہ اب یہاں کمال ڈھٹائی سےبی گریڈسستی تفریح اور بےہودہ ادائیں نمائش کےلیےپیش ہوتی ہیں
پوسٹرزپرنظرپڑی تو یوسفیؔ صاحب کی ترکیبیں 'خنجراب چھاتیاں' اور'اشرف المعلّقات کی نمائش' بےطرح یادآئیں
ٹھمکا گرا رے
ٹکسالی کے بازارمیں

(معاف کیجیے ہم اتنے لچے ہیں نہیں جتنے نظرآتے ہیں)

بازارشیخوپوریاں جہاں ختم ہوتاہےجنوبی اترائی کےرخ ٹبی بازار کی رونقیں آپ کے ہمراہ چلتی ہیں۔ پپو پان شاپ سےہونٹ رنگین اورزبان ذائقےدارکرتےجائیے اورتھوڑا آگے ٹبی چوک سےسیدھےہاتھ مڑجائیے تو یہ گلی جج لطیف ہے
اگرآپ تاریخ کے طالبعلم ہیں تولاہورکے سید لطیف کو آپ کیونکرنہ جانتے ہوں گے

لاہور کی متحرک نبض پرہاتھ رکھتا گئےقرنوں کوحال کےعدسےسےکھنگالتاان کی چھان پھٹک کرتاسید لطیف کاتالیف کردہ یہ مرقع جسےلوگ تاریخ لاہورکےنام سےجانتے ہیں اسی گلی کی لاہورپرعنایتوں میں سےایک عنایت ہے
ٹبی چوک سےنکلتی ان بھول بھلیّوں میں ایک عالم آبادتھا، اک علم کادریاتھا کہ بہتاتھا

اہل علم ودانش کی فراوانی تھی کہ ادب کے قدردان اس قطعے کو لاہورکا چیلسی کہاکرتےتھے۔
ایک طرف کوچہ تحصیل میں مولانامحمد حسین آزاد متمکن تھے ، جی ہاں وہی آب حیات والے اپنے مولاناآزاد ، تو دوسری طرف خواجہ برادران کا طوطی بولتا تھا

یہیں کہیں قربت میں شاہ حسین نےدھونی رمائی تھی, دو نینن کی جوت جگائی تھی
نی سیو! اسیں نیناں دے آکھے لگے

اور پھر اسی تکیے پر بہت بعد کےسالوں میں پنجابی کی آن اور پنجابی کی شان استاددامن نےبیٹھک لگائی
بلھا ملیا ایسے وچوں
ایسے وچوں وارث وی
دھاراں ملیاں ایسے وچوں
میری ماں پنجابی اے

دیکھیں شام ہو چلی ہےتو صبح کےبھولےہم واپس اس دشا کوپلٹتے ہیں جہاں سےاس یاتراکاآغاز کیاتھا مگرذری رستےمیں شاہی محلےکی خوردنی سوغاتوں پرنظرڈالتے چلیں
بونگ پائے چنے پیڑے والی لسّی آپ نام اور چٹخارےلیتے جائیے
نوگزےپیرکےبالمقابل المشہورپھجےکےپائےکی قدیمی دکان ہے۔

اپنےاصلی ہونے کےثبوت میں مالکوں نےمیاں برادران کی گاہکی کی تصویر لٹکا رکھی ہے
صاحب لاہورکی گلیوں سے سیاست کے ایوانوں تک ، پھجے کے پایوں کی پہنچ دوررس ہے
اور دل کی بات بتائیں تو یہ پھجے کے پائے ہی ہیں جو وطن عزیزمیں جاری حالیہ سیاسی خلفشار کی جڑ ہیں
اب آپ پوچھیں گے کیسے

پھجے کےپائے ایک قطری خط میں لپٹے تو گلی گلی’مجھےکیوں نکالا‘ کی صداؤں میں بےتوقیرہوئے
یہ گردان وطن عزیزکادردرکھنےوالوں کی سماعتوں پہ گراں گزری تواہل ادارہ ودانش نےاسکا علاج معجون فلک سیرکی ایک صوفیانہ خوراک سےکردیاتوہم ایک دوسرےگرداب میں پھنس گئے
مخے ’میں این آراو نہیں دوں گا‘

یہاں علامہ ناصرمدنی آپ سے کہیں گے
مجھ ویچ کےگھوڑی لئی
دُدھ پینوں گئی لِد سُٹنی پئی
دیکھیں ہم جذبات کی رو میں بہہ کرسیاست کی دلدل میں اتر گئے
اس میدان کے ہم کھلاڑی نہیں ہمیں ن لیگ کھلائےیا پی ٹی آئی ہم نےآخرمیں اون گول ہی کردیناہےتو بہتر ہےکہ واپس ٹکسالی کی ان گلیوں کو پلٹا جائے

اونچا اور نیچا چیت رام روڈ کی یہ رنگین حویلیاں جوکبھی دیدہ زیبی میں شاہی محلے کے سر کا تاج تھیں آج بھی گئے دنوں کی چمک دمک رکھتی ہیں اوراسی شاہی مسجد کی ہمسائیگی میں اب فوڈ سٹریٹ کا حصہ ہیں
اگر آپ نے اندرون لاہورکی دید ہ زیبی کا نظارہ کرنا ہے تو یہاں آجائیے

یہاں ہم اپنے پڑھنے والوں کو خبردارکرتے چلیں کہ اگران کے آنے کا منبع و مقصد 'صاف چھپتا بھی نہیں سامنے آتا بھی نہیں' والا معاملہ ہے تو اطلاعاًعرض ہے کہ انہیں مایوسی ہوگی
وہ کیا ہے کہ
وہ جو بیچتے تھے دوائے دل وہ دکان اپنی بڑھا گئے

یہ ٹکسالی دروازے پر ہماری تحریر کا دوسرااورآخری حصہ تھا
ہمارے پڑھنے والے پہلا حصہ یہاں پڑھ سکتے ہیں

https://twitter.com/meemainseen/status/1401439380145848320

@maliksh741
مرشد آپکی بہت پرانی فرمائش تھی کہ لاہور کے دروازوں کی یاترا پر جو بلاگ لکھا تھا اسے اردو میں بھی لکھا جائے۔آپ کے حکم کے احترام میں یہ پہلی قسط پیش خدمت ہے
گرقبول افتدزہے عزوشرف

My readers interested to read this thread in English may visit the story on MANI JUNCTION
meemainseen.com/2016/10/city-g…

@threadreaderapp unroll please