Thread by @Arshe530

مسکراہٹ دلوں کی چابی ہے

آج بہن کے گھر جانا ہوا بہن نے مجھے چائے اور مٹھائی پیش کی چائے کا ذائقہ کمال کا تھا میں نے بہن کے ہاتھ سے بنی چائے کی تعریف کی بہن کے چہرے پر مسکراہٹ اور خوشی کی کرنیں پھوٹنے لگیں گویا کہ چہرے پر چاند اتر آیا ہو
سوال یہ ہے کہ بہنا کے چہرے پر
⬇️

مسکراہٹ کیسے آئی؟
یقینا تعریفی کلمات سے ...!
ایسے ہی ایک دفعہ میں رقم کی منتقلی کے لیے ایک بنک میں گیا کیشئر کو بہت تھکا ہوا ماندہ پایا، گویا کہ کام کے برڈن کی وجہ سے اس نے دنیا اپنے سر پر اٹھا رکھی ہو میں اس کے سامنے والی کرسی پر بیٹھ گیا وہ کاغذات میں پوری طرح
⬇️

منہمک تھا کویا کہ ان اوراق نے اس کی ہنسی چھین لی ہو ۔۔۔!
میں نے اسے مسکراتے ہوئے کہا: سر! آج آپ کی ڈریسنگ بہت خوبصورت ہے.
وہ چونک کر ہنسا اور کہنے لگا: واللہ؟
میں نے کہا: جی جی !! اور واسکٹ بھی بڑی جچ رہی ہے
اب کی بار تو وہ خوشی میں قہقے لگا کر ہنسنے لگا پھر میرے ساتھ گپ شپ
⬇️

کرنے لگا گویا کہ اس کی تھکاوٹ اس کو بائے بائے کر چکی تھی۔
اسی طرح میں ایک مرتبہ مدينه منوره کی نواحی مسجد میں نماز مغرب پڑھنے کے لیے گیا میرے جیسے ایک نوجوان نے لوگوں کو نماز پڑھائی مجھے اس کی حسن قراءت اور خوبصورت آواز نے اس سے ملنے پر مجبور کر دیا میں اس نوجوان کے
⬇️

نکلنے کا انتظار کرنے لگا، وہ مسجد سے نکلا اور میں بھی جلدی سے اس کے پیچھے ہولیا. دونوں طرف سے بڑی گرمجوشی سے مصافحہ کا تبادلہ کیا گیا. میں نے کہا: "شیخ صاحب! ماشاءاللہ تبارك اللہ کیا خوبصورت آواز ہے آپ کی"
نوجوان یہ سن کر میرا ماتھا چومنے لگا-
⬇️

عرب لوگ جب کسی کو بہت زیادہ عزت دیتے ہیں تو عمر کے لحاظ سے ہاتھ اور ماتھے پر بوسہ دیتے ہیں)
اس نوجوان کا گلابی چہرہ مسکراہٹ اور خوشی سے ٹمٹمانے لگا ڈھیر ساری دعائیں دینے کے بعد مجھ سے رخصت ہوا۔

👈 اہم اور ضروری بات یہ ہے کہ آپ کو کون سی چیز مانع ہے لوگوں کے ساتھ ایسا
⬇️

معاملہ کرنے سے؟
کیوں ہم مسکراہٹ اور اچھے کلمات اپلائے کرنے میں کنجوسی اور بخل سے کام لیتے ہیں؟
اللہ تعالی کے فرمان کا مفہوم ہے:
(إبراهيم: ٥٢)
"کیا آپ نے نہیں دیکھا کہ اللہ نے کلمہ پاک کی ایک مثال بیان کی ہے گویا وہ ایک پاک درخت ہے کہ جس کی جڑ مضبوط اور اس کی شاخ آسمان میں ہے۔"
⬇️

رسولﷺ خوشخبری کو پسند فرمایا کرتے تھے اور (أبشر) کےکلمے کو بہت زیادہ استعمال کرتے
قال النبيﷺ في صحيح مسلم:
بَشِّرُوا وَلَا تُنَفِّرُوا ، وَيَسِّرُوا وَلَا تُعَسِّرُوا
رسول اللہ صلی اللہ علیہ وسلم نے فرمایا: خوشخبری سناؤ، متنفر نہ کرو. آسانیاں پیدا کرو، تنگیاں پیدا نہ کرو۔
⬇️

اچھی بات کو دل میں روک کر نہ رکھیں، خوشیاں بانٹئے اور خوشیاں لیجیئے. اچھی بات کرنا صدقہ اور ہدایت ہے. کیا آپ نے اللہ تعالی کا فرمان نہیں پڑھا: (مفہوم)
"اور انہوں نے عمدہ بات کی راہ پائی"

عربی کا ایک مقولہ ہے:
"الكلمة الطيبة صدقة.. والإبتسامة مفتاح للقلوب"
⬇️

عمدہ بات کرنا صدقہ ہے اور مسکراہٹ دلوں کی چابی ہے-
⊰✿❣✿⊱

تحریر پسند آئی ہو تو ریٹویٹ کرکے دوسروں تک پہنچائیں
ایسی تحاریر کے لیئےمجھے فالو کریں یقینی فالو بیک حاصل کریں
@Arshe530