Thread by @PIBMumbai

बंधनकारक हॉलमार्किंग बद्दल, @IndianStandards चे महासंचालक श्री.प्रमोदकुमार तिवारी दूरदृश्य प्रणालीद्वारे प्रसारमाध्यमांशी संवाद साधत आहेत

1- दिनांक 16 जून 2021 पासून 256 जिल्ह्यांत 14, 18 व 22 कॅरेट सोन्याच्या दागिने/ कलात्मक वस्तूंसाठीच हे अंमलात आणले जाईल.

2- देशातील इतर जिल्ह्यांत 20, 23 व 24 कॅरेट सोन्याच्या दागिने/ कलात्मक वस्तूंसाठी टप्प्याटप्प्याने ते बंधनकारक करण्यात येईल - महासंचालक, @IndianStandards

गुणवत्ता नियंत्रण आदेशात पुढीलप्रमाणे आणखी काही मुभा देण्यात आल्या आहेत-

✳️दागिन्यांच्या विशेष श्रेणी- कुंदन, मिना, पोलकी, जडाऊ (जडाव)
✳️दरवर्षी 40 लाख रुपयांपर्यंत वार्षिक उलाढाल असणारे सराफ
✳️सोन्याचे घड्याळ व फाउंटन पेन

* ज्वेलर्सनी एकदाच नोंदणी करायची असून, त्यासाठी त्यांना कोणतेही शुल्क आकारण्यात येणार नाही.

* मौल्यवान धातूच्या वस्तूंच्या कोणत्याही उत्पादक, आयातदार, वितरक अथवा किरकोळ विक्रेत्यास बीआयएस म्हणजे भारतीय मानके संस्थेकडे नोंदणी करणे बंधनकारक असेल. -महासंचालक,
@IndianStandards

हॉलमार्किंगच्या प्रक्रियेचे पूर्णपणे संगणकीकरण होणार असून, प्रत्येक कामाचे तारीख व वेळेनुसार सर्व तपशील नोंदवले जाणार आहेत.हॉलमार्कमध्ये सहा अंकी संकेतांक, @IndianStandards चा शिक्का आणि शुद्धतेची खूण समाविष्ट असेल. याच्या सॉफ्टवेअरचा आज प्रारंभ झाला आहे- @IndianStandards.

हॉलमार्क नसलेले जुने दागिने अजूनही ज्वेलर्सना किंवा ज्वेलरी दुकानांना विकता येतील. तशा दागिन्यांच्या खरेदीनंतर त्यांचे हॉलमार्किंग अथवा गुणवत्तेची काळजी घेत त्यांपासून नवीन दागिन्यांची निर्मिती, ही जबाबदारी ज्वेलर्सची राहील.

- प्रमोदकुमार तिवारी, महासंचालक, @IndianStandards

नोंदणी न केलेल्या ज्वेलरी दुकाने/ ज्वेलर्सविरोधात ग्राहकांना बीआयएस केअर (BIS Care) नामक ऍपच्या माध्यमातून किंवा @IndianStandards च्या संकेतस्थळावर तक्रार नोंदवता येईल.
- महासंचालक, बीआयएस.

@IndianStandards unroll @threader_app