Thread by @FestoNgadaya

UZI: Jana tumesikia Tanzania imejiunga kwenye mpango wa COVAX.

COVAX = Covid Vaccine (chanjo ya corona)

Je COVAX ni nini? 👇
#BongeLaAfya @BongeLaAfya

COVAX ni mpango wa mapatano (partnership) kati ya shirika la afya la dunia (WHO) na mashirika mawili ya kimataifa – Gavi vaccine alliance na Coalition for Epidemic Preparedness Innovation (CEPI), mapatano haya yanalenga kusambaza chanjo kwenye mataifa yanayoendelea.

COVAX inakusudia kutoa dozi za chanjo bilioni mbili kwa watu katika mataifa 190 kwa mwaka huu, hii ni kuhakikisha angalau asilimia 20 ya watu imepata chanjo (vaccinated). Zaidi pia, inalenga kusambaza chanjo kwa mataifa 92 yenye kipato cha chini bure kabisa.

Pichani, kwa mujibu wa Gavi.org, Tanzania pia ni moja ya nchi zilizowekwa kwenye kundi la lower income, kwa maana sisi pia tutapokea kiasi Fulani cha chanjo hii bure.

Mataifa yaliyo kundi la uchumi wa kati, watapata pia chanjo hii, lakini kwa gharama zao. COVAX inatumia mfumo ambao mataifa yenye pesa watanunua chanjo kwa gharama ambayo itawezesha mataifa yasiyo na pesa kupata chanjo pasipo kutumia gharama (richer pay to subsidize poorer).

COVAX mpaka sasa ina makubaliano na makampuni makubwa ya kutengeneza chanjo kama Pfzer na Johnson & Johnson, japo chanjo zilizosambazwa karibuni zilitengenezwa na AstraZeneca, hawa hutengeneza chanjo ambazo haziitaji kutunzwa katika baridi kali kama ambavyo chanjo zingine zilivyo

Moja ya changamoto waliyokumbana nayo COVAX ni ukusanyaji wa dozi za chanjo za kutosha kwa ajili ya mataifa ya kipato cha chini kwani mataifa tajiri yaliingia mikataba ya moja kwa moja na makampuni yanayotengeneza chanjo na hivyo chanjo nyingi kwenda kwenye mataifa hayo.

Natoa pongezi kwa serikali, kitaalamu ili kufikia “herd immunity”, kinga ya jamii au kinga ya wote inapaswa mambo mawili yafanyike, 1. Tuache watu waugue ugonjwa, watengeneze kinga wenyewe na 2. Kugawa chanjo (kinga) kwa wananchi.

Hii njia ya kwanza ingeleta ukakasi kidogo hasa kwa watu wenye magonjwa mbalimbali, miili yao isingeweza kuhimili virusi hivi n ahata kusababisha vifo.

@threadreaderapp unroll