चीन सीमेच्या आत घुसला आणि आपले सैनिक मारले गेले, राफेलच्या मागचं सत्य इथल्या न्यायव्यवस्थेने गाडून टाकलं. दोन्ही गोष्टी राष्ट्रीय सुरक्षिततेच्या दृष्टीने अत्यंत महत्त्वाच्या होत्या, पण आपल्या मतदारांना सोयरसुतक नाही. याच मतदारांना बोफोर्स भ्रष्टाचाराचं प्रतीक वाटतं.
ज्या राम मंदिराच्या नावाने मते मागितली जातात, त्या राम मंदिराच्या जमीन खरेदीसाठी अत्यंत संशयास्पद व्यवहार होतात, पण आपल्या मतदारांना अजूनही भाजप हाच हिंदू हितरक्षक पक्ष वाटतो. आपल्या आस्थेचा असा दुरुपयोग त्यांना कसा पचतो?
करोनाच्या काळात लाखो मृत्यू झालेत आणि आणखी किती बळी पडत राहतील हे माहीत नाही. जगभरात झाला नसेल इतका गोंधळ लसीकरणाच्या बाबतीत घातला गेलाय. पण घरात सुतक आलेल्या आपल्या मतदारांना मोदीजी आजही विक्रमवीर वाटतात.
बहुत हुई महंगाई की मार, अब की बार मोदी सरकार असा नारा देत आलेल्या या सरकारच्या काळात पेट्रोल, डिझेल, गस्त सिलिंडर, खाद्य तेल, डाळी वगैरेंचे भाव आकाशाला भिडले आहेत. पण राष्ट्रनिर्माण करण्यासाठी आपला मतदार अजूनही तयार आहे.
देशाची अर्थव्यवस्था कधी नव्हे इतकी रसातळाला पोचली आहे, कोट्यवधी लोकांचे रोजगार गेलेत आणि लाखो कुटुंबं पुन्हा दारिद्र्यरेषेखाली गेलीत. शेतमालाला भाव मिळत नाहीये, आरक्षण कधी नव्हे इतकं धोक्यात आहे. आणि तरीही आपला मतदार मोदींच्या मागे उभा आहे. या सगळ्याचा अर्थ काय घ्यायचा?
• • •
Missing some Tweet in this thread? You can try to
force a refresh
