Thread by @jagatmindri

1/nಒಂದು ನರಿ ಪುರಾಣ.
ಜಂಬೂದ್ವೀಪದ ದಕ್ಷಿಣದ ಕರ್ನಾಟಕದಲ್ಲಿ ಒಂದು ಊರು, ಅಲ್ಲಿನ ಒಂದು ಅಗ್ರಹಾರ ವಶಿಷ್ಠ ಪುರ. ಅಲ್ಲಿನ ಗೋವಿಂದ ಭಟ್ಟರ ಹೆಂಡತಿ ಭಕ್ತವತಿ. ಒಮ್ಮೆ ಗೋವಿಂದ ಭಟ್ಟರು ಸಪತ್ನಿಕರಾಗಿ ತಿರುಪತಿಗೆ ಹೋಗುತ್ತಾರೆ. ಅಲ್ಲಿ ತಿಮ್ಮಪ್ಪನಿಗೆ ಪ್ರದಕ್ಷಿಣೆ ಹಾಕುವ ಸಂದರ್ಭ. ಎಲ್ಲಾ ಭಕ್ತಾದಿಗಳೂ ಗೋವಿಂದ ಗೋವಿಂದ ಅಂತ ಹೇಳ್ತಾ ಇದ್ದಾರೆ.

2/nಈಗ ಭಕ್ತವತಿಗೆ ಆಗಿರುವುದು ಸಂಕಷ್ಟ. ಸನಾತನ ಧರ್ಮದಲ್ಲಿ ಗಂಡನ ಹೆಸ್ರು ಹೇಳುವ ಹಾಗೆ ಇಲ್ಲ. ಹೇಳಿದರೆ ಗಂಡನ ವಯಸ್ಸು ಕಮ್ಮಿ ಆಗುತ್ತೆ ಅಂತೇ. ಆಗ ಭಕ್ತವತಿಯು "ಗೋವಿಂದನ ಭಜನೆಯೂ ಆಗಬೇಕು ಆದ್ರೆ ಗಂಡನ ಆಯಸ್ಸು ಕಮ್ಮಿ ಆಗಬಾರದು, ಇದಕ್ಕೇನು ಮಾಡುವುದು" ಅಂತ ಚಿಂತೆಗೆ ಬೀಳುತ್ತಾಳೆ.

3/nಆಗ ಅವಳಿಗನ್ನಿಸುತ್ತದೆ, ಇದಕ್ಕೆ ಭವಿಷ್ಯದಲ್ಲಿ ಖಂಡಿತಾ ಉತ್ತರ ಇರುತ್ತದೆ. ಸೋ ಭಕ್ತವತಿಯು ತನ್ನ ಪತಿವ್ರತಾ ಶಕ್ತಿಯನ್ನು ಉಪಯೋಗಿಸಿ ಟೈಮ್ ಟ್ರಾವೆಲ್ ಮಾಡಿ ೨೦೨೧ಕ್ಕೆ ಬರ್ತಾಳೆ. ಇಲ್ಲಿ ನೋಡಿದರೆ ಭಕ್ತವತಿಯ ಈಗಿನ ಜನ್ಮ ಈ ಸಮಸ್ಯೆಗೆ ಉತ್ತರ ಕಂಡುಕೊಂಡಿದೆ. ಕಂಟ್ರೋಲ್ ಸಿ ಕಂಟ್ರೋಲ್ ವಿ ಅನ್ನುವ ಮಂತ್ರ ಎಲ್ಲಾ ಭಕ್ತರ ಬಾಯಲ್ಲಿ!

4/nಭಕ್ತವತಿಗೆ ಇದೇ ಸರಿಯಾದ ಉತ್ತರ ಅನ್ನಿಸಿತು. ಸೋ ವಾಪಾಸ್ ತನ್ನ ಮೂಲ ಟೈಮ್ ಲೈನ್ ಗೆ ಬರ್ತಾಳೆ. ಈಗ ಇನ್ನೊಂದು ಸಮಸ್ಯೆ. ಭಕ್ತವತಿಯ ಈ ಕಾಲಮಾನದಲ್ಲಿ ಕಂಟ್ರೋಲ್ ಸಿ ಕಂಟ್ರೋಲ್ ವಿ ಭಾಷೆ ಇನ್ನೂ ಬಂದಿಲ್ಲ, ಹಾಗಾಗಿ ಆ ಭವಿಷ್ಯದ ಮಂತ್ರವನ್ನು ಇಲ್ಲಿ ಪಠಿಸಿದರೆ ಅನಾಮಲಿ ಆಗಿ ಅನಾಹುತ ಆಗುವ ಸಾಧ್ಯತೆ ಇದೆ.

5/nತಕ್ಷಣ ಆಕೆ ಬ್ರಹ್ಮರ್ಷಿ ವಶಿಷ್ಠರ ಮೊರೆ ಹೋಗುತ್ತಾಳೆ. ಆಗ ವಶಿಷ್ಠರು "ಮಗಳೇ ಆ ಮಂತ್ರ ಹಾಗೆಯೆ ಹೇಳಬೇಕೆಂದು ಇಲ್ಲ, ಅದರ ಮೂಲ ತಾತ್ಪರ್ಯವನ್ನು ಅರಿತು ಇಂದಿನ ಕಾಲಕ್ಕೆ ತಕ್ಕುದಾಗಿ ಹೇಳು. ಪರಿಣಾಮ ಅದೇ ಇರುತ್ತೆ”
ಆಗ ಭಕ್ತವತಿಯು ಸಂತುಷ್ಟಳಾಗಿ ಪ್ರದಕ್ಷಿಣೆಗೆ ಸಿದ್ಧವಾಗುತ್ತಾಳೆ. ಸಮಸ್ತ ಭಕ್ತಗಣ ಪ್ರದಕ್ಷಿಣೆ ಹಾಕುತ್ತಾ ಇದೆ,

n/nಮುಂದೆ ಗೋವಿಂದ ಭಟ್ಟರು ಅವರ ಹಿಂದೆ ಭಕ್ತವತಿಯು. ಎಲ್ಲರೂ “ಗೋವಿಂದ, ಗೋವಿಂದ” ಅಂತ ಇದ್ದಾರೆ, ಭಕ್ತವತಿಯು “ನಂದೂ ಅದೇಯಾ, ನಂದೂ ಅದೇಯಾ” ಅಂತ ಭಜನೆ ಮಾಡ್ತಾ ಇದ್ದಾಳೆ.
“ಗೋವಿಂದ”
“ನಂದೂ ಅದೇಯಾ”
“ಗೋವಿಂದ “
“ನಂದೂ ಅದೇಯಾ”

ಇದು ಅವತ್ತಿನ ವಿಷನರಿ ಭಕ್ತವತಿ.
ಇವರು ಇಂದಿನ ವಿಷನರಿ ಭಕ್ತರು