Thread by @Avvaitweets

ஒரு மிகப்பெரிய கோவிலில் சரியான கூட்டம். கடவுளை தரிசிக்க வரிசையில் ஒரு நபர் நின்று கொண்டிருந்தார். வழியில் உண்டியல் அருகே வந்தவுடன் பலர் பார்க்கும்படி பெருமிதமாக ஒரு பத்து ரூபாய் எடுத்துப்போட்டார். ஆனால் அது கிழிந்துப்போய்,வெளியில் யாரிடமாவது கொடுத்தாலும் வாங்காத அளவில்,

அழுக்காய் இருந்தது அந்த செல்லா நோட்டு. சரி கடவுள் தானே. அவரிடம் செல்லாத நோட்டு என்று உண்டா? வரும் பணம் எல்லாம் அவரிடம் தான் செல்லவேண்டும். அப்பாடா இந்த கிழிந்த ரூபாயை சாமி தலையில் கட்டிவிட்டேன் என்று நினைத்துகொண்டு, வரிசையில் நகர்ந்தார்.

வரிசை நகர,சில வினாடிகள் கழித்து அந்த நபரிடம்,பின்னாடி வரிசையில் நின்றுக்கொண்டிருந்த இன்னொருவர்,எம்பி இவரிடம் தோளைத் தட்டி ஒரு 500 ரூபாய் தாளை நீட்டினார்.அந்த நபருக்கு உண்டியல் தூரமாக இருக்கவே,சரி என்று நம்மாள் அதை உண்டியலில் போட்டுவிட்டு,'எவ்வளவு பக்தி இவருக்கு' என்று வியந்தார்.

பின் இறைவனை தரிசித்துவிட்டு வெளியே வந்தால்,500ரூபாய் நபரும் கூடவே நடக்க அவரிடம் இவர்,

"சார் நீங்கள் உண்மையிலே க்ரேட்" என்றார்.

அவர் புரியாமல் 'எதுக்கு' என்றார்.

"கடவுளின் உண்டியலில் 500ரூபாய் போடுகிறீர்களே.எவ்வளவு பக்தி உங்களுக்கு"

"இல்ல சார். நீங்கள் உண்டியலுக்கு காசு எடுக்கும்பொழுது, உங்கள் பாக்கெட்டில் இருந்து அந்த 500 ரூபாய் விழுந்தது. அதைத்தான் நான் உங்களிடம் எடுத்துக் கொடுத்தேன்" என்றார் அந்த பின்வந்த ஆள்.

இது தான் கர்மா என்பது. கர்மவிதி என்பது அதிசயமானது.