Thread by @sakthi_racer

அறிக்கை: *வைகை அணையிலிருந்து உசிலம்பட்டி 58 கிராமக் கால்வாய் திட்டப் பாசனத்திற்குத் தண்ணீர் திறக்க ஏதுவாக, முல்லைப்பெரியாற்று அணையின் நீர்மட்டத்தை 152 அடியாக உயர்த்த முன்னெடுப்புகளைச் செய்ய வேண்டும்!

#சீமான்_வலியுறுத்தல்
#நாம்_தமிழர்_கட்சி

உசிலம்பட்டி - 1/15

தொகுதிக்குட்பட்டப் பகுதிகளிலிருக்கும் வேளாண் நிலங்கள் பாசன வசதிபெறும் வகையில் நிறைவேற்றப்பட்ட உசிலம்பட்டி 58 கிராம கால்வாய் திட்டப்பாசனத்திற்கு வைகை அணையிலிருந்து தண்ணீர் திறந்துவிடப்படாததால் அக்கால்வாய்த்திட்டத்தின் பயன்பாடுகள் விவசாயிகளைச் சென்று சேருவதில்லை எனும் - 2/15

செய்திப் பெருங்கவலையைத் தருகிறது.

‘உசிலம்பட்டி 58 கிராமப்பாசனக்கால்வாய்’ எனும் திட்டமானது கடந்த 1996ஆம் ஆண்டு உருவாக்கப்பட்டது. உசிலம்பட்டியைச் சுற்றியுள்ள 30 கண்மாய்கள் மற்றும் 5 கசிவுநீர் குட்டைகளைத் தண்ணீர்த் தேக்கப்பகுதிகளாகக் கொண்டு, வைகை அணையிலிருந்து அவற்றிற்குத் - 3/15

தண்ணீரினைப் பெறும் வகையிலும், 110 கிராமங்களிலுள்ள ஏறத்தாழ 6,000 ஏக்கர் விவசாய நிலங்கள் பயன்பெறும் வகையிலும் உருவாக்கப்பட்ட இக்கால்வாய்த்திட்டத்தின் மூலம் விளைநிலங்களின் பாசன வசதி நிறைவு செய்யப்படுவதோடு மட்டுமின்றி, அப்பகுதியிலுள்ள மக்களின் குடிநீர்த்தேவையையும் - 4/15

நிறைவேற்றிக்கொள்ள முடியும். ஆனால் திட்டமிட்டப்படி கால்வாய் வெட்டி முடிக்கப்படாதக் காரணத்தினால் கடந்த பல ஆண்டுகளாக உசிலம்பட்டி பகுதி விவசாயிகள் அத்திட்டத்தின் பயனையடைய முடியாது தொடர்ச்சியாகப் பாதிக்கப்பட்டனர். அம்மக்கள் அரசின் கவனத்தை ஈர்க்கப் பல்வேறு கட்டப்போராட்டங்களையும - 5/15

தொடர்ச்சியான பரப்புரைகளையும் முன்னெடுத்ததன் விளைவாக, கால் நூற்றாண்டு கால இழுத்தடிப்புகளுக்குப் பிறகு, கால்வாய் முழுமையாகத் தோண்டி முடிக்கப்பட்டது. இருப்பினும், அதிகாரிகளின் மெத்தனப்போக்கால் சரியான முறையான கட்டப்படாததால் சோதனையோட்டம் என்ற பெயரில் மூன்று முறை தண்ணீர் - 6/15

திறந்துவிடப்பட்டும் கால்வாயிலிருந்து கண்மாய்களுக்குத் தண்ணீர் போய்ச்சேரவில்லை. கால்வாய் கரைகள் முறையாகக் கட்டப்படாது பலமில்லாத வகையில் இருந்ததாலேயே வழியிலேயே உடைப்பெடுத்துக் கண்மாய்களுக்கு உரிய தண்ணீர் சென்று சேரவில்லை என்பது தெரிகிறது. அதனை மீண்டும் சரிபார்த்து - 7/15

கட்டிமுடித்த நிலையிலும் உரியப் பருவக்காலத்திற்குத் தண்ணீர் திறந்துவிட வேண்டுமெனும் கோரிக்கையை முற்றாகப் புறக்கணித்ததினால் உசிலம்பட்டி 58 கால்வாயைச் சார்ந்திருக்கும் விவசாயிகள் அரசால் பெரும் அல்லலுக்கு ஆட்பட்டனர். மேலும், அணை முழுக்கொள்ளளவை எட்டி நிரம்பினால் மட்டுமே - 8/15

உசிலம்பட்டி 58 கிராமப்பாசனக்கால்வாயில் தண்ணீர் திறக்கப்படும் எனக்கூறி நீர்வளத்துறை அதிகாரிகள் கைவிரிப்பதால், உழவுப்பணிகளை மேற்கொள்ள முடியாமல் உசிலம்பட்டி பகுதியைச் சேர்ந்த வேளாண் பெருங்குடி மக்கள் வஞ்சிக்கப்பட்டு வருகின்றனர்.
1958 ஆம் ஆண்டுப் பெருந்தலைவர் காமராசரது - 9/15

ஆட்சிக்காலத்தில் வைகை அணை கட்டப்பட்டப்பிறகு, கடந்த 62 ஆண்டுகளில் 26 முறை மட்டுமே அணை நிரம்பியுள்ளதால், அணை நிரம்பும்போதுதான் கால்வாயில் தண்ணீர் திறக்கப்படும் என அதிகாரிகளும், ஆட்சியாளர்களும் கூறுவது உசிலம்பட்டி விவசாயிகளைத் திட்டமிட்டு ஏமாற்றும் கொடுஞ்செயலாகும். வைகை அணை - 10/15

தனது முழுக்கொள்ளளவை எட்ட வேண்டுமானால் முல்லைப்பெரியாற்று அணையின் நீர்மட்டத்தை உயர்த்துவதைத்தவிர வேறு வழியில்லை. முல்லைப்பெரியாறு அணையின் நீர்மட்டத்தை 152 அடியாக உயர்த்தினால் மட்டும்தான் வைகை அணைக்குத் தேவையான நீர்த்தேவையை நிறைவுசெய்ய முடியும் என்பதே புறச்சூழலாகும் 2012ஆம் - 11/15

ஆண்டு வழங்கப்பட்ட உச்ச நீதிமன்றத்தீர்ப்பின் வழிகாட்டுதல்களை அடிப்படையாகக்கொண்டு, 142 அடியாக நிலைநிறுத்தப்பட்ட முல்லைப்பெரியாறு அணையின் நீர்மட்டத்தை 152 அடியாக உயர்த்துவதே இச்சிக்கலுக்கான நிரந்தரத்தீர்வாக அமையும் என்பதே உண்மை நிலையாகும். அவ்வாறு உயர்த்தும்பட்சத்தில், தேனி - 12/15

மதுரை, சிவகங்கை, இராமநாதபுரம், திண்டுக்கல் ஆகிய ஐந்து மாவட்டங்களுக்குத் தேவையான பல்லாயிரக்கணக்கான ஏக்கர் பாசனத்திற்கும், நீர்த்தேவைக்கும் பயன்படக்கூடியதாக இருக்கும்.

ஆகவே, முல்லைப்பெரியாற்று அணையின் நீர்மட்டத்தை 152 அடியாக உயர்த்தி, வைகை அணையின் முழுக்கொள்ளளவு - 13/15

நீர்ப்பிடிப்பை நிறைவு செய்ய வேண்டுமெனவும், உசிலம்பட்டி 58 கிராம கால்வாய் திட்டப்பாசனத்திற்கு உரியப் பருவக்காலத்தில் ஆண்டுதோறும் தண்ணீர் திறக்க ஏதுவாக நிரந்தர அரசாணை வெளியிட வேண்டுமெனவும் தமிழக அரசை நாம் தமிழர் கட்சி சார்பாக வலியுறுத்துகிறேன்.

https://twitter.com/NaamTamilarOrg/status/1428601025141772289?s=20

- 14/15

#செந்தமிழன்_சீமான்

#தலைமை_ஒருங்கிணைப்பாளர்

#நாம்_தமிழர்_கட்சி - 15/15

“Un roll” @threadreaderapp