Thread by @RealHauleGluck

Je, unafahamu sababu zinazopelekea mashirika ya ndege barani Afrika kupata hasara?

1. Mashirika kutojipanga vyakutosha katika kusimamia na kuendesha biashara za aina hii kulingana na ushindani uliopo hivi sasa.

2. Mashirika ya ndege mfano Air Tanzania, namna ambavyo lilifufuliwa lilileta maswali mengi kwa wasomi hasa wanauchumi pamoja na wananchi kwa kuwa mchakato wake haukuwa wa wazi.

3. Mashirika mengi ya ndege hivi sasa Afrika yanaendeshwa kwa hasara kubwa na hivyo kupelekea shughuli nyingi za kimaendeleo kusuasua na kufanya hali za wananchi kuwa ngumu na wakati mwingine kupelekea mzunguko wa fedha kuwa mdogo,nani atapanda ndege?

Mfano; Kwa mwaka 2019/2020 peke yake mkaguzi wa hesabu za serikali Tanzania Charles Edward Kichere (CAG) anasema shirika la ndege la Tanzania limepata hasara ya zaidi ya bilioni 60 kwa maana hiyo mpaka hivi sasa shirika la ndege la Tanzania bado linaendeshwa kwa hasara.

Kwa mwaka 2015/2016 shirika lilipata hasara ya bilioni 94.3, mwaka 2016/2017 shirika la ndege Tanzania lilipata hasara ya bilioni 109.3 na mwaka 2017/2018 shirika lilipata hasara ya zaidi ya bilioni 113.8.

Kwa mtiririko huo ni wazi kuwa shirika la ndege la Tanzania linajiendesha kwa hasara kubwa ambapo wataalam wa masuala ya anga na uchumi wanadai bado kuna uwezekano kukawa na hasara kubwa zaidi lakini ukweli haujawekwa bayana kutokana na sababu nyingi hasa za kisiasa.

Tatizo kubwa la ATCL kutokufanya vizuri zipo nyingi japo hivi sasa shirika linajificha katika kivuli cha Corona (COVID -19) lakini ukweli utaendeelea kubakia kuwa hata kabla ya COVID -19 bado shirika lilikuwa likijiendesha kwa hasara kubwa.

Serikali Tanzania ili kuweza kufanikiwa katika aina hii ya biashara lazima ikubali kujifunza zaidi kutoka kwenye mashirika yanayofanya vizuri kwenye uwanda huu ilikujipatia uzoefu na mbinu za namna za kuendesha shirika la ndege kwa faida zaidi.