Thread by @Al33mK

سوره حجرات، شان نزول، میڈیاوار
سوره الحجرات قرآن کی بہت ہی چھوٹی، جامع اورایک عام مسلمان کی انفرادی اور ایک اسلامی معاشرے کےاجتماعی کردار کےلئےانتہائی اہم سورت ہے.لیکن قرآن کے ذریعہ میڈیا وار کرنے والوں نے اس سورت کو بھی نہیں بخشا.
#QuranicReflections #Surah @realrazidada

سورت کاآغاز ہی مسلمانوں کویہ حکم دےکرہو رہاہےکہ الله اورنبی کریم کےاحکامات سےپیش قدمی نہ کرو اوراپنی آوازوں کو نبی کی آواز سےپست رکھوکہ کہیں تمھارےاعمال ضائع نہ ہوجائیں.آگےپھرسورت مسلمانوں کوسماجی بیماریوں سےمنع کر رہی ہےکہ ایک دوسرےکو برےناموں سےنہ پکارو. تجسس نہ کرو.غیبت نہ کرو

تو اس کی آیت ٦ میں ایک اہم بات ائی کہ اگر کوئی فاسق تمھارے پاس خبر لائے تو اس کی تحقیق کر لیا کرو. اب اس آیت کے ساتھ ایک واقعہ/شان نزول اکثر تفسیروں میں ملتا ہے جس کی رو سے حضرت ولید بن عقبہ کو فاسق قرار دیا جاتا ہے. ان میں سے کچھ تفسیروں کے حوالے دیکھے جا سکتے ہیں

اب یادرہےکہ یہ واقعہ فتح مکہ کےبعد کاہےاور جب جزیرہ نما عرب پر نبی کریم(ص) کی حاکمیت قائم ہوگئی تھی اوربڑی تعداد میں صحابہ کرام(رض) موجود تھے.آیت ٦کہتی ہےکہ جب کوئی فاسق خبر لےکر آئے، نہ کہ جب کوئی شخص خبر لےکر آئے، یعنی ایک ایسا شخص جس کے فاسق ہونے کا کم ازکم کچھ لوگوں کو علم ہے

اب سوال یہ پیدا ہوتا ہے کہ اگر حضرت ولید بن عقبہ واقعی فاسق تھے اور کچھ لوگوں کو معلوم بھی تھا تو پھر نبی کریم (ص) نے ان کو زکات کی وصولی کی ذمہ داری ہی کیوں دی؟ کیا اس وقت اور صحابہ کرام (رض) نہیں موجود تھے اور کیا الله کا حکم نہیں تھا کہ لوگوں کو کام ان کی اہلیت کے حساب سے دو؟

اس واقعہ سےتو یہ لگتا ہے کہ نبی کریم (ص)نعوذ باللہ بغیر کسی اہلیت اور قابلیت کی جانچ پڑتال کےاوران کےمزاج اور پرانے جھگڑوں کوجانےبغیر صحابہ میں کام تقسیم کر دیتے تھے؟ اور کیا نبی کریم (ص) کسی فاسق کو وہ بھی اس وقت جب ان کے پاس بہت سے صحابہ کرام موجود ہیں، زکات لینے بھیج سکتے تھے؟

دوسری طرف سورت کےعمومی مزاج کاتعین کیاجائےتواس میں تمام باتیں عام اورنئےمسلمانوں کومخاطب کرکےکی جارہی ہیں کہ گمان نہ کرو،نسلی تفاخر نہ کرو بدوؤں کوکہاجارہا ہےکہ رسول کی فرمانبرداری کرو.جبکہ واقعہ تویہ بتارہاہےکہ نبی نےفوراًیقین کرلیااورفوج کوتیاری کاحکم دےدیانہ کہ عام مسلمانوں نے

مزید یہ کہ اگر ایسی کچھ غلطی ہوئی ہوتی تو الله کیا نبی کو صحیح لوگوں کو صحیح کام پر معمور کرنے کا نہیں کہتے؟ کیونکہ زیادہ بڑی غلطی تو ایک فاسق کو زکات اکھٹا کرنے کے لئے چننا ہے. جب کہ آیت ایسی کسی بات کی طرف اشارہ نہیں کر رہی. اب سوال یہ پیدا ہوتا ہے کہ یہ روایت کیوں ائی؟

اسلام کی مخالفت کے لئے ایک گروہ نے حضرت عثمان اور بنو امیہ کو ڈھال بنایا. اب مقصد اسلام میں تفرقہ ڈال کر اس کو روکنا تھا. یاد رہے کہ اسلام تیزی سے پھیل رہا تھا اور ساسانیوں کی سلطنت کا سورج غروب ہو رہا تھا اور ان کی اشرافیہ کی عیاشیوں اور قدرومنزلت تیزی سے گھٹ رہی تھی.

تو وہ کھل کر اسلام سے لڑ تو سکتے نہیں تھے لیکن اسلام کو کمزور کرنے کے لئے فتنہ و فساد کا سہارا لے رہے تھے. کیونکہ اس وقت بنو امیہ کے پاس خلافت تھی تو ان کے لوگوں کے متعلق جھوٹی روایات بنا کر پھیلا دی جاتی اور اسلام کو کمزور کرنے کے لئے بغاوت اور حکمرانوں سے نفرت کو بڑھکایا جاتا.

بہت سےسادہ لوح مسلمان اس وقت بھی ان روایات میں بہک جاتےاوراب بھی بہک جاتےہیں لیکن ان پرتھوڑے سےغورسےیہ واضح ہوجاتاہےکہ یہ من گھڑت توہیں ہی لیکن انکوماننےسےانسان نعوذ باللہ نبی کی بھی تکذیب اورفیصلوں پر سوالات اٹھارہاہےاور نبی (ص)کو بہترین رہنماکی بجائےایک جذباتی انسان مان رہاہے

سوال ہمارے لئے صرف اتنا سا ہے کہ کیا ہم اپنے نبی کریم (ص) جن کے اسوہ کو الله نے ہمارے مشعل راہ کہہ دیا، ایسا سمجھتے ہیں؟ کہ وہ انتخاب ٹھیک نہیں کرتے، پھر فوراً ردعمل میں فوج بھیج دیتے ہیں؟ اور کیا ہم ایسے نظریات رکھ کر قیامت کے دن نبی کریم (ص) کی شفاعت کے حقدار بن سکتے ہیں؟

جس آیت میں الله نےہم کوتحقیق کاحکم دیا ہےاسی آیت پرہی ہم نےتحقیق نہیں کی اوراسی آیت کےذریعہ ہی اسلام مخالفوں نے پروپیگنڈا پھیلایا.ایسےہی الله نےقرآن میں نہیں کہاکہ قیامت کےدن نبی کہیں گےکہ میری قوم نے اس قرآن کو چھوڑ دیا. الله ہمیں قرآن کو سمجھنے اور اس کو ماننے کی توفیق دے. امین

@threadreaderapp unroll