Thread by @Arshe530

مولا یا صل وسلم دائمًا ابدا

مصر کےایک مشہور بزرگ شرف الدین بوصیری گزرے ہیں انہوں نے ایک غریب گھرانے میں آنکھ کھلی جیسا کہ والدین بچوں کو سکولوں مدرسوں میں تعلیم حاصل کرنے کیلئے بھیجتے ہیں اسی طرح بوصیری کو بھی والدین نے مدرسے بھیجنا شروع کیا جلد ہی آپ نے قرآن پاک حفظ کرلیا اس
⬇️

کے بعد آپکے والد صاحب کی خواہش تھی کہ اب آپ کچھ کام کاج کریں تاکہ گھر سے غربت کا خاتمہ ہو
جبکہ بوصیری ابھی مزید تعلیم حاصل کرنا چاہتے تھے۔ وہ ایک زیادہ روشن مستقبل چاہتے تھے۔ گھر میں باپ بیٹے کے درمیان کھینچا تانی شروع ہوگئی
آخرکار بوصیری نے اپنی والدہ کو اپنے ساتھ ملا کے والد
⬇️

سے مزید پڑھنے کی اجازت لے لی
اس کے بعد آپ نے تجوید، فقہ اور باقی ضروری مضامین کو پڑھا اور بچوں کو پڑھانا شروع کردیا
اس وقت تک آپ ایک دنیادار شخص تھے اور مادی کامیابیوں کو ہی ترجیح دیتے تھےآپ غربت سے نجات حاصل کرنا چاہتے تھے۔شاعری کا وصف آپ کو اللہ کی طرف سے ودیعت کیا گیا تھا
⬇️

آپ بادشاہوں کی شان میں قصیدے بھی لکھتے تھے اور نئے شعراء کی اصلاح بھی کیا کرتے تھے۔درس و تدریس سے بھی منسلک تھے
ایک دن آپ گھر سے باہر کہیں جا رہے تھے جب ایک شخص نے اپکو روک کر آپ سے پوچھا؛ کبھی محمد ﷺ کی بھی زیارت ہوئی؟ اس شخص کا یہ سوال کرنا امام بوصیری کی زندگی کو بدلنے کا
⬇️

سبب بن گیا
اب امام بوصیری نے آپ ﷺ کی حیات طیبہ کا بغور مطالعہ شروع کردیا
آپ جوں جوں مطالعہ کرتےجارہےتھے آپ کےدل میں آپﷺ کی محبت بڑھتی جارہی تھی جوں جوں وقت گزر رہا تھا آپ کےدل میں نبی آخر الزماں محمد مصطفٰیﷺ کےعشق کی تڑپ بڑھتی جارہی تھی
اسی دوران انہیں فالج کا حملہ ہوا اور
⬇️

یہ صاحب فراش ہوگئے۔اسی حالت میں پندرہ سال گزرگئے۔وہ بادشاہ جن کے قصیدے امام بوصیری لکھتے تھے انہوں نے پلٹ کے نہ پوچھا۔ آپ بہت دل گرفتگی کے عالم میں ایک رات لیٹے ہوئے تھے۔جب آپ نے سوچا کہ زندگی بھر دنیا کےبادشاہوں کے قصیدے لکھے آج کیوں نہ ان کا قصیدہ لکھوں جن کے سامنے ان بارشوں
⬇️

کی کوئی اوقات نہیں۔ جب ٹوٹے ہوئے دل سےسچی محبت کے ساتھ الفاظ نکلے تو وہ اس بارگاہ میں مقبول ہوگئے جس کے بعد وہ الفاظ امر ہوگئے
اس سے پہلے بھی امام بوصیری نے عرب کےصحراؤں پہ صحراؤں کے خیموں پہ اور خوش جمال چہروں پہ شاعری لکھی لیکن اس رات وہ اس بدرالدجی، شمس الضحیٰ کی شان بیان
⬇️

کررہےتھے جنکی خاطر رب نے اس دنیا اور اسکی ہر چیز کو تخلیق فرمایا میرا ایمان یہ ہے کہ یہ کلام بھی رب کی ہی دین ہے اور وہی رب اسے انسان پہ اتارتا ہے۔جب آپ قصیدہ لکھ چکے تو آپ نے قلم دوات رکھی اور سوگئے۔اسی رات آپ نے خواب دیکھا کہ آپ ﷺ تشریف لائے ہیں اور فرمایا کہ اٹھ بوصیری"
⬇️

امام بوصیری نے کہا؛"میں ہزار جانوں سے قربان لیکن کیسے اٹھوں،،
کیونکہ وہ فالج زدہ تھے اور اٹھنے سے قاصر تھے۔ آپ ﷺ نے اپنا دست شفقت ان کے جسم پہ پھیرا اور فرمایا
"اٹھ اور مجھے وہ سنا جو تو نے لکھا،،
امام بوصیری اٹھ بیٹھے اور جھوم جھوم کے سنا رہے
مولا یا صل وسلم دائمًا ابدا
⬇️

اے اللہ۔ آپ دائمی اور ابدی سلامتی
بھیجئے اپنے محبوب پہ
میری آنکھیں آپکی یاد میں آنسو بہارہی ہیں اور رواں دواں ہیں
مدینہ پاک سےٹھنڈی ہوا آرہی ہے اندھیری رات میں بجلی چمک رہی ہے
میرےعشق کا تذکرہ لوگوں تک پہنچ چکاہےاب میرا راز محبت بھی نہیں چھپ سکتا اور نہ ہی میرامرض ختم ہوگا
⬇️

تیری محبت کی، میرے آنسو اور میری بیماری گواہی دے رہے ہیں۔میں اپنے عشق کو کیسے چھپا سکتا ہوں
اے دل۔ اگر تو حضور (صلی اللہ علیہ وسلم) کا عاشق نہیں تو مکہ کو دیکھ کے آنسو کیوں بہاتا ہے
کیا محبت میں رونے والا عاشق خیال کرتا ہے کہ بہتے آنسوؤں اور سوختہ دل کی آڑ میں محبت کا راز
⬇️

چھپاپائےگا
تیری آنکھوں کوکیاہوا ہے کہ تو انہیں آنسوروکنےکیلئے کہتا ہے اور یہ بہائےجارہی ہیں
تیرےدل کو کیا ہوگیا ہے کہ سنبھلنے کےبجائے مزید غمناک ہورہا ہے
جب رات مجھے محبوبﷺ کا خیال آیا تو میں رات بھرجاگتا رہا
درد محبت نے میرے چہرے پہ آنسو اور رخساروں پہ زردی پیدا کردی ہے
⬇️

اے غریبوں کا خیال رکھنےوالے
اے دل گیروں کی دلجوئی کرنے والے
اے مظلوموں کا ہاتھ پکڑنے والے
اے سچ کہنے والے
گناہگاروں کا پردہ رکھنے والے
اے ازل کا نور
اے محمدﷺ آپکے منہ میں آپ کے دانت ایسے ہیں جیسے سیپ کے اندر قیمتی موتی
اے اللہ آپ اپنے حبیبﷺ ابدی اور دائمی سلامتی نازل فرمائیں
⬇️

اب امام بوصیری جھوم جھوم کے پڑھ رہے ہیں اور محمد عربیﷺ ان کی محبت کو قبول فرماتے ہوئے ان کے ساتھ سن رہے ہیں
جب قصیدہ ختم ہوا تو آپﷺ اتنے خوش ہوئے کہ انہوں نے اپنی چادر (بردہ) اتار کے انہیں مرحمت فرمائی
اس کے ساتھ ہی انکی آنکھ کھل گئی۔
دیکھا تو چادر ان کے پاس ہی رکھی ہوئی تھی
⬇️

تہجد کا وقت تھا
امام بوصیری پندرہ سال کے بعد ہشاش بشاش صحت مند اٹھے فالج کا کہیں دور دور تک نام و نشان بھی نہیں تھا وضو کیا اور مسجد کا رخ کیا کہ تہجد ادا کریں
گھر سے نکلے تو ایک فقیر نے آواز لگائی
''ہمیں بھی تو سناؤ وہ قصیدہ''
امام بوصیری نے تجاہل عارفانہ سے کہا
کونسا؟؟
⬇️

وہی جس کے بدلے یہ بردہ بھی ملا
مجذوب نے چادر کی طرف اشارہ کیا اور آنکھوں سے اوجھل ہوگیا
اس قصیدے میں 100 سے اوپر اشعار ہیں اور کسی شعر میں لفظ " بردہ " استعمال نہیں ہوا
لیکن جو چادر آپ کو دی گئی اس کی مناسبت سے اس کا نام قصیدہ بردہ شریف زبان زد خاص و عام ہوا
اور آپ ﷺ نے اس کو
⬇️

شرف قبولیت سے نوازا تو آج تک اس کا ورد جاری ہے
مولا یا صل وسلم دائمًا ابدا۔
دعاؤں کا طالب
─•<⊰✿❣✿⊱>•─

تحریر کو اوپر ٹائٹل سے ریٹویٹ کریں
مجھے فالو کریں فالو بیک حاصل کریں
@Arshe530